ပျော်သည် … မျှော်သည် …။

သင်္ကြန်ရောက်ရင်ပျော်သည်… နှုတ်ခမ်းနီဆိုးရတာ ပျော်သည်… အ၀တ်အစား ထွင်ဝတ်ရတာပျော်သည်… ရေတွေ စိုရွှဲသွားရတာ ပျော်သည်… ရေစိုအောင် လောင်းရတာ ပျော်သည် … ။

သင်္ကြန်ရဲ့ အနှစ်သာရကို အနှစ်သာရမှန်း သတိမထားမိသော်လည်း ပျော်သည်.. ပျော်ခဲ့သည်… ။

ထိုစဉ်က ကျွန်မ အသက် ၁၅ နှစ်…။

၃ ရက်စာသင်္ကြန်ပွဲတော်အတွက် ၀တ်စုံ ၆ စုံ စဉ်းစား ပူဆာရသည်…။ မနက်တစ်ပိုင်း.. ညနေတစ်ပိုင်း … မဏ္ဍပ် မှာ ရေပက်လျှင် ၀တ်ရန်ဖြစ်သည်…။ အသစ်ကတော့ တစ်စုံသာရသည်…။

လမ်းထိပ် မဏ္ဍပ်က ကက်ဆက်သံထွက်လာတာနဲ့  လူက လှုပ်ရွလှုပ်ရွ… အမေ့မျက်နှာကို ကွက်ကြည့်ကွက်ကြည့် လုပ်မိတော့… တစ်မနက်လုံး အမေမငြိုငြင်အောင် အိမ်အလုပ်ကူလုပ်ထားတဲ့ မျက်နှာထောက်ထားပြီး…

ရေဆော့ချင်သွားဆော့.. ပိုက်နဲ့ ပက်… လမ်းမပေါ်မတက်နဲ့ … ခဏနေ အမေလိုက်ခဲ့မယ်…

ဘေးဘက်မှာ ကြယ်သီးတွေ အများကြီးပါတဲ့ မိုးပြာရောင်ဂျင်းဘောင်းဘီ၊ ရှပ်အကျီင်္အနီကွက်ဖျော့ဖျော့ကို အောက်ဆုံးကြယ်သီး တစ်လုံးဖြုတ်ပြီး ခါးမှာ စုချည် … နှုတ်ခမ်းကို နီပုတ်ပုတ်ဆိုးပြီး.. တခြမ်းစောင်းဆံပင် ( အခုခေတ်စားနေတဲ့ အီမို စတိုင်လ်နဲ့  သိပ်မကွာတဲ့စတိုင်လ်မျိူး.. နောက်ကို တိုတိုလေးထားပြီး ရှေ့ ဆံပင်ကို တစ်ခြမ်းစောင်း အရှည်ထားတဲ့ ပုံစံမျိုးပါ.. အဲဒီတုန်းက တော်တော် ခေတ်စားခဲ့တဲ့ စတိုင်လ်ပါ) ကို သေသေသပ်သပ်ဖြစ်အောင် သေချာဖီး … မှန်ထဲမှာ ကြည့်လိုက်တော့ စတိတ်ရှိုးဆိုဖို့  စင်ပေါ်တက်တော့မယ့် အဆိုတော်တစ်ယောက်လို စိတ်ကြီးဝင်သွားပြန်တယ်…။

အမေက ပိုက်နဲ့ ဘဲ ပက်လို့ မှာပေမယ့် ပိုက်မရခဲ့ရင် အငြိမ်ထိုင်မနေနိုင်သူမို့ ရေဖလားတစ်လုံးဆွဲပြီး အိမ်ပေါ်က ပြေးဆင်းခဲ့ပါတယ်..။

မဏ္ဍပ်ရဲ့ ပထမဆုံး လှေကားထစ်ကို ခြေလှမ်းလိုက်တဲ့ အခါ ရေအေးအေးတဖလားနဲ့  ရွှဲရွှဲစိုအောင် အလောင်းခံလိုက်ရပါတယ်…. ရေဖလားပိုင်ရှင် ရဲ့ အပြုံးကို ခေါင်းစောင်းချပြီး ကျလာတဲ့ တစ်ခြမ်းစောင်း ဆံပင်တွေနဲ့  အကာအကွယ်ပြုရင်း … ကျွန်မက အရပ်ပုတဲ့သူဆို လုံးဝ စိတ်မ၀င်စားပါဘူး အစ်ကိုကြီးရယ်လို့  အသံတိတ်ရေရွတ်လိုက်ပါတယ်..။

ပက်..ပက်… ရေတွေကုန်အောင် ပက်…

ရေပက်ခံကားပေါ်မှာ လှုပ်ရွ ကခုန်နေတဲ့ လူတွေကို ပက်သည်…။ သရဲရုပ်မျက်နှာဖုံးနှင့် လူများကို ပက်သည်…။ ချစ်သူ့  ရင်ခွင်ထဲ အတင်းတိုးပုန်းနေသော ပျိုပျိုမေများကို မရ ရအောင် ပိုက်နှင့်ထိုးသည်…။ ရေခဲရေနဲ့  ပြန်ပက်မည့်သူများ ကို ခေါင်းမဖော်နိုင်အောင် ပက်သည်… ။

ရေပက်ခံကားကို သဲကြီးမဲကြီး ပက်နေတုန်း ရေပက်ခံလိုက်ရသည်..။ ခေါင်းပေါ်က ရေတွေ ပိုးပိုးပေါက်ပေါက်ကျလာပြီး မျက်နှာတစ်ခုလုံး ရွှဲရွဲ စိုသွားသည်…။

ဟဲ့.. အချင်းချင်းမပက်နဲ့ လေ… ကားတွေကို ပက်လေ…

ဘေးက အစ်မကြီးက ပိုက်နဲ့  လှမ်းပက်တဲ့ တရားခံ ကောင်လေးကို လှမ်းအော်လိုက်ပေမယ့် ထိုကောင်လေးက စပ်ဖြဲဖြဲ…။ ခဏနေတော့ ပိုက်နဲ့  လှမ်းပက်ပြန်တယ်…။ နှုတ်ခမ်းကိုက်ပြီး မျက်လုံးပြူးပြတော့ ထိုကောင်လေးက မသိချင်ယောင်ဆောင်နေသည်…။ နောက်တစ်ခါမှာ သည်းမခံနိုင်လို့  ပိုက်နဲ့  ပြန်ပက်မိတော့ ကြားလူတွေက မြေဇာပင်ဖြစ်ရသည်…။

ရေပက်ခံကားကို ကောင်းကောင်းမပက်ရဘဲ မဏ္ဍပ်ပေါ်က အချင်းချင်းပက်တဲ့ ရေတွေအောက်မှာ ကြွက်စုတ်တစ်ကောင်လို ရွှဲရွှဲစို..လာတဲ့အခါ… ကောင်လေးနဲ့  ကျွန်မကြားက ရေစိုခံနေရတဲ့လူတွေကို အားနာလာတဲ့ အခါ… ရေပိုက်ကို လွှတ်ချပြီး မဏ္ဍပ်နောက်မှာ ထိုင်နေလိုက်တော့သည်…။ အမေရောက်လာပြီး ပြန်တော့မလားမေးတော့ ဆော့ချင်သေးတယ်လို့  ပြောပြီး ပြန်မလိုက်သွား…။ မဏ္ဍပ်နောက်မှာ လူကြီးတွေနဲ့ အတူထိုင်ပြီး စိမ်ပြေနပြေ မုန့် စားရင်း ကောင်လေးကို မျက်ခြေမပြတ်စောင့်ကြည့်နေခဲ့သည်…။ ညနေ ၆ နာရီ… ရေပိတ်လိုက်တော့ ကောင်လေးက ရေမရှိတော့တဲ့ ပိုက်နဲ့  ထိုင်နေတဲ့ ကျွန်မကို လှမ်းပက်ဟန်ပြုပြီး စပြန်တယ်..။ တစ်ချက်မဲ့ ပြလိုက်ပြီး ထိုင်နေရာက ထလိုက်တယ်…။ ကောင်လေးရှိရာကို တစ်လှမ်းချင်း… ခပ်အေးအေး… လျှောက်သွားပြီး….

ဂေါက်… ဂေါက်.. ဂေါက်….

ကဲ… မှတ်ပလား… မပက်နဲ့လို့  ပြောနေတာ… ပက်ချင်ဦး…

လက်ထဲက ပလတ်စတစ်ဖလားနဲ့  ကောင်လေးကို ခပ်ပြင်းပြင်းလေး ၃ ချက်ဆင့်ခေါက်ပြီး

… ဟဲ့…ဟဲ့.. ရန်မဖြစ်နဲ့ ..

ဆိုတဲ့ လူကြီးတွေရဲ့ အသံကို သွေးအေးအေးနဲ့  ကျောခိုင်းခဲ့ပါတယ်…။ လှေကားအဆင်းမှာ အလာတုန်းက ရေလောင်းခဲ့တဲ့ အစ်ကိုကြီးရဲ့ အံ့သြတဲ့ အကြည့်တွေကို မသိကျိုးကျွန်ပြုပြီး ခပ်တည်တည် ဆက်လျှောက်ခဲ့တယ်…။ အဲဒီနေ့ ကစလို့  ဇိုးဇိုးဇတ်ဇတ်နဲ့  လက်သံပြောင်တဲ့ ကျွန်မကို ကောင်လေးက မစရဲတော့သလို… အစ်ကိုကြီးလည်း ရေမလောင်းတော့ပါ…။

နောင်နှစ်ပေါင်းများစွာ ကြာတဲ့အခါ… ကျွန်မ ပျော်ရွှင်ခဲ့တဲ့ သင်္ကြန်ပွဲတွေမှာ သူတို့ ရဲ့ ပုံရိပ်တွေမပါဝင်တော့သလို ကျွန်မအာရုံထဲမှာလည်း သူတို့  ရှိမနေတော့ပါဘူး…။ သင်္ကြန်ပွဲတွေက တစ်နှစ်ပြီးတစ်နှစ် မှန်မှန်လည်ပတ် ကုန်ဆုံးသွားတာနဲ့ အတူ ရင့်ကျက်ခြင်းကို တစ်နစ်ပြီးတစ်နှစ်… နှစ်တိုးနဲ့  ကျွန်မလက်ခံခဲ့ရပါတယ်…။ ဘယ်လောက်ပဲ ရင့်ကျက်လာပါစေ… သင်္ကြန်ကို ကျွန်မမျှော်ပါတယ်… ပျော်ပါတယ်…။ ။

ခြံထဲက စ + ဆုံး  မှာ ပုံတွေတင်ပေးမယ်လို့  အာလူးဖုတ်ပြီးသကာလ အားကုန်နေတဲ့ ကင်မရာလေးအားသွင်းပြီး ကြိုးစားပမ်းစားရိုက်ခဲ့ပါတယ်…။

ရိုက်နေကျမဟုတ်ဘဲ အရိုက်ခံနေကျဆိုတော့ ( ဓါတ်ပုံပြောတာနော် ) ကင်မရာ ရှုထောင့်လေးတွေက သိပ်တော့နေရာမကျ… ။

ဒါပေမယ့် သေချာတာက သဘာဝ အတိုင်းပဲ.. crop လုပ်ရုံက လွဲပြီး ဘာမှ ပြင်မထားတဲ့ သစ်ပင်ပန်းပင်တွေရဲ့ သဘာဝအလှ…။

ကိုယ်တိုင်ရိုက်ထားတဲ့ ပုံလေးတွေလဲ ရှိနေပြီဆိုတော့ မပန်ဒိုရာလို ဘန်နာလေး ပြောင်းရင်ကောင်းမလားမသိဘူး..။ ။

http://www.hotflick.net/movies/1990_Pretty_Woman.html

Edward က Vivian ကို အဆင့်မြင့်ဟိုတယ်ထဲ မ၀င်ခင်  ကုတ်အကျီင်္ကို ခြုံ ခိုင်းပါတယ်…။ Vivian ရဲ့ အ၀တ် အစားက ရှက်စရာ ကောင်းနေလို့  ဖြစ်ပါတယ်…။ မလုံတလုံ အ၀တ်အစားနဲ့  Vivian ကို ဟိုတယ် ၀န်ထမ်းတွေက အံ့အားသင့်ပါတယ်..။ အထင်သေးပါတယ်…။ ဓါတ်လှေကား မောင်းတဲ့သူကတောင် တန်ဖိုးမရှိတဲ့ အကြည့်နဲ့  ကြည့်ပါတယ်…။ ဒီလိုပဲ မြို့ ထဲမှာ အ၀တ်အစားဝယ်ဖို့  မလုံတလုံ စတိုင်လ်နဲ့  သွားတဲ့အခါ ဆိုင်က လက်မခံပါဘူး…။ လမ်းမှာလည်း လူတွေက လှည့်ကြည့်သွားပါတယ်…။ လှလို့ ကြည့်တာလား…။ လေးမ မျက်စိထဲမှာတော့ အထင်သေးတဲ့ အကြည့်လို့ ပဲ မြင်ပါတယ်…။ အင်မတန် လူ့ အခွင့်အရေးကို ရှေ့ တန်းတင်တဲ့ သူတို့လို နိုင်ငံကတောင် ဒီလိုဝတ်ရင် ဒီလိုထင်တယ်… ဒီလို ကြည့်တယ်လို့  … ဒီလို ရိုက်ပြတယ် ဆိုတာ ကြည့်ခြင်းအားဖြင့် မြန်မာနိုင်ငံမှာသာမက နိုင်ငံတိုင်းမှာ ၀တ်စားဆင်ယင်မှုဆိုတဲ့ အပေါ်ယံအလွှာကြီးက ဘယ်လောက် အရေးပါသလဲ ဆိုတာ ခန့် မှန်းနိုင်ပါတယ်…။

Vivian ရဲ့ အပေါစားစတိုင်လ်ကို ကြည့်ပြီး ဟိုတယ်မန်နေဂျာက ခေါ်တွေ့ ခဲ့ရပါတယ်…။ နောက်ပိုင်းမှာတော့ Vivian ရဲ့ မိန်းမကောင်းပုံစံ ၀တ်စားဆင်ယင်မှုက လူတွေရဲ့ အမြင်ကို ပြောင်းသွားစေပါတယ်… တကယ်တော့ Vivian က Vivian ပါပဲ… အသွေးကြောင့် အတွေးပြောင်းသွားတာပါ…။

လိုရင်းကိုပြောရရင်တော့ မိန်းမပျက် ၀တ်စားတဲ့ ပုံစံ… ရယ်တဲ့ပုံစံ… ၀ါးလက်စပီကေကို ဖတ်ခနဲ ထွေးထုတ်လိုက်တဲ့ပုံစံတွေနဲ့  Vivian ကို လွတ်လပ်ပေါ့ပါးတဲ့ စတိုင်လ်လို့  အမှတ်မမှားဘဲ .. အဲလိုဝတ်ရင် အဲလိုအစားလို့  အထင်ခံရမယ်လို့ မှတ်ယူသင့်ပါတယ်…။

နေရာတကာ ဟန်ပန်တစ်ခွဲသားနဲ့  အမျိုးသားဝတ်စုံ ၀တ်ရမယ်လို့  လုံးဝ မဆိုလိုပါဘူး…။ သူ့ နေရာနဲ့  သူ လိုက်လျောညီထွေရှိအောင်… ကိုယ့်တန်ဖိုးကိုယ်နှိမ့်ချသလို မဖြစ်အောင် ၀တ်စားပြုမူစေချင်ရုံသက်သက်ပါပဲ…။ ဒီစာကို ရေးနေတဲ့ လေးမကလည်း ရင်ဖုံးအကျီင်္ ချိတ်ထမီနဲ့  မဟာဆန်သူမဟုတ်ပါဘူး..။ ဒူးအောက်ရောက်တာ ( ထမီ၊ စကပ်၊ ဘောင်းဘီ ) အကုန်ဝတ်တဲ့ မိန်းမ ဖြစ်ပါတယ်..။

ကိုယ်တိုင်လည်း ပြီးပြည့်စုံသူမဟုတ်လေတော့ ဒီလို ဆရာလုပ်တဲ့ စာတွေကို လေးမ ရေးရတာ လက်တွန့် ပါတယ်… ။ ရေးဖြစ်တဲ့ အကြောင်းရင်းကို ပြောပြပါမယ်…။

တနေ့ … ကျောက်မြောင်းမှာ မုန့် သွားဝယ်ပါတယ်..။ မျက်နှာချင်းဆိုင်က ဆိုက်ကားတစ်စီးလာနေပါတယ်…။ မိန်းကလေးက ဆံပင်ဝါထိန်ထိန်.. စွပ်ကျယ်ချိုင်းပြတ်.. လည်ဟိုက်.. စကတ်က ပေါင်လယ်လောက်ရှိတဲ့ အကျပ်… ဆိုက်ကားပေါ်မှာ ကိုယ်ကိုင်းပြီး ထိုင်နေပုံများ … မြင်ယောင်ကြည့်လိုက်ပါ… ဆိုက်ကားသမားကတော့ ဂွင်ကိုတည့်လို့ …။ ဆိုက်ကားဖြတ်သွားတဲ့ အချိန်မှာ ဘေးက ကောင်လေးတစ်အုပ်က လေချွန်လိုက်ပါတယ်…။ ကောင်မလေးက စိတ်ဆိုးသယောင် မျက်နှာလှည့်သွားပါတယ်…။ ဆိုက်ကားလွန်သွားတော့ ကောင်လေးတွေက ဈေးတောင် မမေးလိုက်ရဘူးလို့ ပြောပါတယ်…။ ကောင်လေးတွေကိုပဲ ရိုင်းလိုက်တာလို့  အပြစ်ဆိုရုံနဲ့  မလုံလောက်ပါဘူး…။

တနေ့  … အင်းယားမှာ မုန့် တီစားပါတယ်…။ မုန့် တီဆိုင်က ခုံပုလေးတွေကိ်ု မြင်ကြည့်လိုက်ပါ…။ ရှေ့ မှာ ကောင်မလေး ၂ ယောက် မုန့် တီသောက်နေပါတယ်…။ ၀တ်ထားတာက ချက်ပြုတ် ဂျင်းဘောင်းဘီ… ။ ချက်တော်တော်ပြုတ်တယ်ဆိုတာ နောက်ကမြင်နေရတော့ သိသာပါတယ်…။ လေးမ ဘေး ၀ိုင်းက ကောင်လေး ၃ ယောက်ဆီက အသံထွက်လာတယ်…။ အကြွေစေ့ပစ်ချင်တယ်ကွာ… တဲ့…။ ပြုံးမိပါသည်…။ ကိုယ်တိုင်လည်း ဂျင်းဘောင်းဘီဝယ်ရင် ချက်မပြုတ်တာကို တော်တော်ရှာဝယ်နေရတာမို့  ချက်ပြုတ်နဲ့  ကောင်မလေးတွေကို အပြစ်မဆိုလိုပါဘူး…။ ဒါပေမယ့် ချက်ပြုတ်ဝတ်မိရင်တော့ သူများတွေ အကြွေစေ့ပစ်မထည့်ချင်အောင် ခါးကုန်းရမယ့်ကိစ္စတွေ ရှောင်ရမှာပေါ့လေ….။

တနေ့ .. အိမ်မှာ အကူခေါ်ထားတဲ့ မိန်းကလေး စကပ်အတိုနဲ့  မီးပူတိုက်နေတယ်… ။ နောက်တနေ့  စကပ်အကျပ်နဲ့  ငရုတ်သီးထောင်းနေသည်…။ မပြောလို့ မဖြစ်တော့…။ ထမီဝတ်ခိုင်းရတော့သည်…။ ဘာပြန်ပြောလဲ သိလား…။ အရင်အိမ်က လူတွေက စကပ်ပဲ ပေးထားတာကိုး.. စကပ်ပဲ ရှိတယ်တဲ့…။ဟုတ်ပေသားပဲ… ထမီဝတ်စေချင်တဲ့ လေးမက ထမီပေးရမှာပေါ့… ပေးပါတယ်လေ…ပေးလိုက်ပါတယ်…။ နောက်ရက် .. ဟုတ်ကဲ့.. လေးမ ပေးထားတဲ့ ထမီလေးပါ… ဘောင်းဘီအဖြစ်နဲ့  သူ့ ကိုယ်ပေါ်မှာ တွေ့ ရပါတယ်…။ လေးမ အလုပ်သွားနေတုန်း ဈေးမှာ ဘ၀ပြောင်းပေးလိုက်တာပါ…။ ဘာများတတ်နိုင်ပါဦးမလဲ…။

တနေ့ … ရန်ကင်းစင်တာက အပုံထဲက အကျီင်္လေး တစ်ထည် မွှေလာပါတယ်…။ ညဘက် မိဘအိမ် ထမင်းသွားစားတော့ ၀တ်သွားပါတယ်…။ ရောက်တာနဲ့  အမေက ဘာပြောလဲဆိုတော့.. သမီးရယ်… ဒီအကျီင်္ကို မောင်ကောင်းကင်နဲ့  အတူသွားတဲ့ အချိန်တွေမှာပဲ ၀တ်နော်တဲ့…။ မှန်ထဲကြည့်ပြီး.. ဟုတ်ကဲ့.. တစ်ခွန်းပဲ ပြောနိုင်ပါတယ်…။ အကျီင်္က လက်မောင်းထိပ်ကနေ တံတောင်ဆစ်အထိ ခွဲထားတော့ လက်လှုပ်လိုက်တိုင်း လက်မောင်းသား မြင်နေရလို့ ပါ…။ ကိုယ်တိုင်က သတိမထားမိပေမယ့် ဘေးက အမြင်မတော်တာတွေလည်း ဖြစ်သွားတတ်ပါတယ်..။

တောင်းမှာ အကွပ်.. လူမှာအ၀တ်ပါ… တောင်းကောင်းဖို့  အရေးကြီးသလို အကွပ်ကောင်းဖို့ လဲ လိုပါတယ်…။ လူကောင်းဖို့ လို သလို အ၀တ်ကြောင့် သိက္ခာမကျဖို့ လည်း လိုပါတယ်….။ လူဖြစ်နေသမျှတော့ အရေးမကြီးပေမယ့် လိုအပ်လို့  လိုက်လုပ်နေရတဲ့ အရာတွေကနေ မလွတ်မြောက်နိုင်ပါဘူး..။ ဟန်ဆောင်လှည့်စားတာ မကောင်းသလို ထင်တိုင်းကြဲ လွတ်လပ်တာလည်း မမှန်ကန်ပါဘူး…။

တချို့ စာတွေမှာ ရေးကြတယ်… မြန်မာပြည်မှာ မသင့်တော်ပါဘူးတဲ့… မြန်မာမျက်စိမှာ မတော်ပါဘူးတဲ့…။ ၀တ်စားဆင်ယင်မှုဟာ မြန်မာပြည်မှာတင်မကဘူး .. ကမ္ဘာနိုင်ငံအသီးသီးမှာ ပညာသင်.. အလုပ်လုပ်နေကြတဲ့ အမျိုးသမီးတွေနဲ့ လည်း သက်ဆိုင်ပါတယ်…။ မြန်မာမျက်စိမှာတင်မကဘူး.. နိုင်ငံခြားသားတွေရဲ့ မျက်စိကလည်း မြင်တတ်.. ထင်တတ်… တွေးတတ်ပါတယ်…။ အွန်လိုင်းပေါ်မှာ ဓါတ်ပုံတွေ အများကြီးပါပဲ…။ ပြည်ပရောက် မြန်မာအမျိုးသမီး အချို့ ရဲ့ ၀တ်စားဆင်ယင်ထားတဲ့ပုံတွေ…။ မြန်မာပြည်မှာ မဟုတ်လို့  ၀တ်ချင်သလိုဝတ်.. နေချင်သလို နေမယ်လို့  ခံယူတာ နဲ့  ရောမရောက်လို့  ရောမလို ကျင့်ရတယ်ဆိုတဲ့ စကားမှာ ကွာဟချက်တွေ အများကြီးရှိပါတယ်…။ ဘယ်နိုင်ငံပဲရောက်ရောက်… လူမျိုးသိက္ခာတွေဘာတွေညာတွေ မထိန်းချင်နေဦးတော့ ကိုယ့်သိက္ခာအတွက်တော့ 

Vivian ကို ကြည့်ပါ … ။ ။

မှတ်ချက်။ ။ လေးမ ကြည့်ခိုင်းလို့  ကြည့်လိုက်တာ ဆင်ဆာခန်းတွေများတယ်လို့ အပြစ်မတင်နဲ့ နော်..။ တို့ ဆီမှာက ဆင်ဆာဖြတ်ပြီးသားကြည့်ရတာ…။ ပုံလေးတွေ တင်ပေးချင်ပေမယ့် တင်လို့  မရလို့ ပါ…။ ပုံတင်ဖို့ ကြိုးစားတိုင်း စာတွေပျက်ပျက်သွားလို့  ဒီမှာပဲ သွားကြည့်တော့နော်…။

အဲဒီနေ့က သတို့သမီးလေး သိပ်လှနေတာပေါ့( ကိုယ့်ကိုယ်ကို ထင်တာ )..။ မြန်မာသတို့သမီး ၀တ်စုံလေးနဲ့ မင်းသမီးလေးလို ၀တ်ထားတာလေ…။

ဝတ်စုံဝတ်ပြီးသွားတဲ့ အချိန်မှာ အရမ်းစိတ်လှုပ်ရှားလာပြီး Rest room ခဏ၀င်မယ်ဆိုပြီး ၀င်လိုက်ပါတယ်…။

ရေချိုးခန်းထဲရောက်တော့ လက်ထဲက tissue လေး ပြုတ်ကျသွားလို့ ကုန်းကောက်လိုက်တယ်…။

အဲဒီမှာ သွားရော..ကျပ်နေအောင်ချုပ်ထားတဲ့ အကျီင်္က လက်မောင်းချုပ်ရိုးတွေ ပြုတ်ကုန်ရော…။

ငိုမဲ့မဲ့ နဲ့ ရေချိုးခန်းထဲက ပြန်ထွက်လာတဲ့ သတို့သမီးကိုကြည့်ပြီး အားလုံးလန့်သွားပါတယ်…။

အပ်ချည်အ၀ါရှာပြီး ၀တ်ထားတဲ့ အကျီင်္မှာ လက်နဲ့ ကိုယ်ထည်ပြန်တွဲပေးနေတော့ အပ်စူးမှာလည်းကြောက်…

တောင်ရှည်..ခေါင်းပေါင်းနဲ့ သတို့သားကလည်း ပြီးသေးဘူးလား… အချိန်နီးနေပြီ ဆိုပြီး အပေါက်ဝမှာ ရစ်သီရစ်သီလာလုပ်နေတော့ ဇောချွေးတွေ ပိုးပိုးပေါက်ပေါက်ကျလာပါတယ်…။

မိတ်ကပ်မာမီကတော့ ချွေးပြန်နေတဲ့ မျက်နှာကို မိတ်ကပ်လိုက်ဖို့ရင်း သမီးလေး.. စိတ်လျှော့ထား… ဘာမှ မဖြစ်ဘူး..အေးအေးဆေးဆေးပဲ… လှလှလေးပြုံးနေ လို့ပြောပါတယ်…။

သူတို့ပြင်ဆင်တာပြီးတာနဲ့ စိတ်မြန်တဲ့ သတို့သမီးဟာ ထိုင်မသိမ်းကို မပြီး မိတ်ကပ်ခန်းအပြင်ဘက်ကို ဇိုးဇိုးဇတ်ဇတ်နဲ့ ထွက်လိုက်ပါတယ်…။

ပွဲထွက်ဖို့ သတ်မှတ်ထားတဲ့ အချိန်ရောက်နေပြီမို့ စတိုင်လ်နဲ့ မလျှောက်နိုင်တော့ပါဘူး…။

မိတ်ကပ်မာမီတစ်ယောက်က ဟဲ့..သတို့သမီး..ဖြည်းဖြည်း ..စိတ်လျှော့….နဲ့ အော်ရှာပါတယ်…။

သတို့သားနဲ့ လက်ချင်းချိတ်လိုက်မှပဲ သူတို့သမီး ဣနြေ္ဒရသွားပါတယ်…။

ခန်းမထဲကို ၀င်ဖို့ လှေကားကဆင်းလာပါတယ်…။

ဗွီဒီယိုရိုက်တဲ့သူက အော်တယ်… စကားလေးပြောပြီး ဆင်းလာပါ..အသက်ဝင်အောင်လို့ပါ တဲ့…

သူကငဲ့ကြည့်ပြီး..

ပျော်လား..

အင်း…အဟင်း…ဟိုလေ …. စူးနေတယ်

ဟင်..ဘာလဲ…ဘာစူးတာလဲ…

ပြုံးပြုံးလေး ခင်ဗျာ တဲ့ ( ဓါတ်ပုံဆရာက အော်နေတယ်)

ဟိုလေ.. ထိုင်မသိမ်းမှာ ထိုးထားတဲ့ ပင်အပ်..ပင်အပ်တွေက ခြေလှမ်း လှမ်းလိုက်တိုင်း စူးနေလို့…

.ဟင်… ဘယ်လိုလုပ်ကြမလဲ

ဘယ်လိုမှ လုပ်လို့မရတော့ဘူးလေ…

အသာလေးထိန်းလျှောက်နော်…မဲ့ရင် ဓါတ်ပုံထဲမှာ မလှဘဲနေမှာနော်… သည်းခံလိုက်နော် …တဲ့…။

အခွေထဲမှာ အသံမပါလို့သာ တော်တော့တာပေါ့…။

လှချင်ပါတယ်ဆိုမှ အဲဒီနေ့က ……။

အော် ….. မင်္ဂလာဆောင်တယ်ဆိုတာ ထင်သလောက်မလွယ်ပါလားနော်…။

အဲဒီတုန်းက ကျပ်ထုပ်နေတဲ့ သတို့ သမီး ၀တ်စုံအောက်မှာ အသက်ရှူလိုက်ရင် ချုပ်ရိုးတွေ ပြုတ်ထွက်ကုန်မလားလို့  တွေးပူပြီး အသက်တောင် ရဲရဲ မရှူရဲခဲ့တဲ့ ဒုက္ခ…၊ ပင်အပ်စူးလို့  လမ်းလျှောက်ရခက်တဲ့ ဒုက္ခ..၊ အခါတော်… ဆိုတဲ့ သီချင်းသံကြားတော့ ငိုချင်သလိုလို… ဗိုက်နာသလိုလို…ဖြစ်လာတဲ့ဒုက္ခ၊  ပြုံးလိုက်တိုင်း တဆတ်ဆတ်တုန်နေတဲ့ နှုတ်ခမ်းတွေကို ခက်ခက်ခဲခဲ ထိန်းချုပ်ခဲ့ရတဲ့ ဒုက္ခ… အဲဒီဒုက္ခတွေက အခုကျတော့ ဟာသ … လွမ်းရတဲ့ဟာသ …။ ။

မှတ်ချက်။ ။ မင်္ဂလာဆောင်တာများ. အဲသလောက်တောင် စိတ်လှုပ်ရှားရသလားလို့  လာမပြောနဲ့ …။ အဖြေရှိပြီးသား… သမီးမှ မဆောင်ဘူးတာ……….လို့ ….။

မပိတောက် ရယ်… ခင်ဗျား စကားကြားရတော့ ကျွန်တော် ၀မ်းနည်းမိတယ်…။ ကျွန်တော် ဒီနှစ် … မျိုးဆက် တာဝန် မကျေနိုင်ခဲ့ဘူး..။ ကျွန်တော် အသီးမသီးနိုင်ခဲ့ဘူး..။

ဒါကတော့ .. မင်းမှာ အပြစ်မရှိပါဘူး.. မောင်သရက် ရယ်…။ မင်းအသီးတွေ ဝေနေတဲ့ အချိန်မှာ နာဂစ်မိသွားတာကိုး…။ မင်းအပင်နာသွားပြီလေ…။ မင်းတော်တော် ထိခိုက်ပျက်စီးသွားတာကိုး…။ နာဂစ်မုန်တိုင်းက မင်းကိုယ်ပေါ်က အသီးတွေကို တဖုန်းဖုန်းခြွေချနေတာကို ရင်နာနာနဲ့  လက်ပိုက်ကြည့်ခဲ့ရတာ ငါတို့အားလုံး အသိပဲလေ…။ အဲဒီအတွက် အိမ်ကြီးရှင်မကလည်း မင်းကို အပြစ်မတင်ပါဘူးကွယ်…။

အဲလိုသာအပြစ်တင်ခံရရင် တစ်ခါမှ ဖြစ်ဖြစ်မြောက်မြောက် မသီးဖူးတဲ့ ကျွန်တော် မာလကာ .. ဒီခြံထဲမှာ ဘယ်ရပ်တည်နိုင်မလဲ… ကျွန်တော်ဆို တစ်ခါလားပဲ အသီးသီးဖူးတယ်..။ အဲဒါတောင် ပိစိညှောက်တောက် မလောက်လေးမလောက်စား အသီးလေးတွေ…။ ဒါပေမယ့် အိမ်ကြီးရှင်မက ကျွန်တော့ကို အပြစ်မတင်ဘဲ ဒီခြံထဲမှာ နေခွင့်ပေးထားသေးတာပဲလေ…။

ဒါကတော့ အိမ်ရှေ့  တမာ… အိမ်နောက် မာလကာ လို့  အယူရှိတဲ့ အိမ်ကြီးရှင်မက ခင်ဗျားကို ဘယ်တော့မှ နုတ်ပစ်မှာ မဟုတ်ဘူး…။ ကိုသင်္ဘော ကို နုတ်ပစ်တာ မတွေ့ ဘူးလား…။ အသီးမသီးတဲ့ အပင်ဆိုပြီး ရှင်းထုတ်ပစ်တာ မတွေ့ ဘူးလား…။

အင်း… အိမ်ကြီးရှင်မက စိတ္တဇ ရှိတာကိုး…။

… အသီးမသီးပေမယ့် အိမ်ရှေ့ မှာ နေရာရတဲ့ သူတွေတော့ ရှိသားဗျ … ။ ကွမ်းနီ တို့  ညီအစ်ကိုတွေဆို အိမ် အ၀င်ဝမှာ မိန့် မိန့် ကြီး…။ အင်း… တန်းဝင်တဲ့ အပင်တွေ.. ဂရိတ်မြင့်တဲ့ အပင်တွေဆိုတော့လည်း သီးတာ မသီးတာ စဉ်းစားစရာ မလိုဘူးပေါ့လေ…။

ဒီလိုမပြောပါနဲ့  ကိုသရက် ရာ …။ အိမ်ကြီးရှင်မမှာ ဒီလို ဂုဏ်မက်တဲ့ သဘော… အပေါ်ယံကြည့်တဲ့ သဘော မရှိပါဘူး…။ အပင်အမျိုးအစား.. အကိုင်းအခက်နဲ့  ကိုယ်နေဟန်ထား… သဘာဝ အနေအထားနဲ့  အပင်လိုအပ်ချက်… မြင်ကွင်းပြေပြစ်မှုတွေ ပေါ်မှာပဲ အခြေခံပြီး ကျုပ်တို့ ကို နေရာချထားတာပါ….။

အင်း.. ဟုတ်ပါတယ်လေ… ဒါကြောင့်… ကျူးဘား အုပ်စုရဲ့ ကလန်ကလားမြှင့်တက်လာတာကို အားလျှော့ဖို့  ဆိုပြီး… တနေ့ ကပဲ ကြိမ်ထန်း ညီအစ်ကိုတစ်တွေ ခေါ်သွင်းလာသေးတယ်…။

ဟဲ့.. ဒါနဲ့ .. နင်တို့  သိလိုက်လား… ဟို အပျိုကြီး ပိန်း အုပ်စုထဲက… မဖြူလေ… ကြိမ်ထန်း အငယ်စားလေးနဲ့  တွဲခုတ်သွားတာလေ…. တွေ့ လိုက်လား… အိမ်ကြီးရှင်မက စပ်ပေးလိုက်တာ…။ ဧည့်ခန်းမှာ တွဲထိုင်နေကြလေရဲ့…။

အဲဒီ မပိန်း တို့ ကတော့ဗျာ… တစ်ယောက်ပြီး တစ်ယောက်ကို တွဲနေတော့တာပါပဲ .. အပျိုကြီးတွေဆိုတော့လည်း ဘယ်သူနဲ့  တွဲသွား.. တွဲသွား.. ကြည့်ကောင်းနေတာပဲဗျို့ …။ ငါးရိုး နဲ့ တွဲလိုက်… ကျောက်ခက် နဲ့ တွဲလိုက်… ဟော… အခုနောက်ဆုံးရောက်တဲ့ ကြိမ်ထန်း ရဲ့ အောက်လက် နုနုလေးတောင် မချန်ဘူးဗျိုး…။

သူများတွေနဲ့ တွဲပေမယ့် သူတို့ ကို အမြဲစောင့်ရှောက်ပေးနေတဲ့ နံဘေးက အရွက်စိမ်းတွေကျတော့ အရေးမလုပ်ဘူးဗျနော်…။

အေးလေ… သူတို့ ပြောတာတော့ ရွာနွားက ရွာနားမြက်မစားဘူးတဲ့… ငါ့အထင်တော့ အနီးမှုန်နေကြတာဖြစ်မယ်….။ ဒီလိုချေးများနေလို့ လည်း အမြဲတမ်း ငေါင်စင်းစင်း တပွင့်တည်း ဖြစ်နေကြ တာပေါ့…။

ဒီမယ်… ဒီမယ်… ကိုသရက်တို့  …မာလကာတို့ …. ကျွန်တော် ကြိမ်ထန်း က ခြံထဲကို နောက်ဆုံးမှ ရောက်လို့ .. တစ်ခုလောက်မေးချင်တယ်ဗျာ….။  ခြံထဲက မိန်းမချောတွေထဲမှာ ဘယ်သူ အလှဆုံးလဲ…။

ကျုပ်မျက်စိထဲမတော့  တစ်ခြံလုံးမှာ အတင့်တယ်ဆုံးကတော့ အင်တုံထဲက ခရမ်းရောင်ကြာပန်းလေး ပဲဗျ…။ မိန်းကလေးပီပီသသ အရှက်တရားလေးလည်းရှိတယ်…။ မှောင်လာရင်ပုန်းနေပြီး  နေထိမှ အသာအယာပွင့်အာလာပုံလေးက ဘယ်လောက် ဣနြေ္ဒ ရ လိုက်သလဲ…။

ရေမြင့်လို့  ကြာတင့်တာပါဗျာ…။ ကျွန်တော်ကတော့ မျက်နှာချင်းဆိုင်က မနှင်းဆီ က အလှဆုံးလားလို့ …။ ဆူးတွေနဲ့ လှနေတဲ့ မနှင်းဆီက အရိုင်းပေါ်အယဉ်ဆင့်နေတာဗျ..။ ချွန်မြတဲ့ဆူးနဲ့  သိမ်မွေ့ တဲ့ အလှ ဆန့် ကျင်ဘက်နှစ်ခုကို တွဲမြင်ရတာကိုက စိတ်လှုပ်ရှားစရာဖြစ်နေတာ …။

ဒီခြံထဲက အလှဆုံးပန်းက အိမ်ကြီးရှင်မရဲ့ အချစ်ဆုံးပန်း… သနပ်ခါးပန်း… မဟုတ်ဘူးလား.. ယဉ်ယဉ်လေးနဲ့လှ.. သင်းသင်းလေးနဲ့ မွှေး… လက်တစ်ကမ်းက လူကို မွှေးစေတဲ့ ပန်းလေးလေ….။

မဟုတ်ဘူး… မသစ်ခွ က အလှဆုံး…။

ဟား..ဟား.. မညမွှေး .. ခင်ဗျားက အကောင်သေးတော့ အကောင်ကြီးတဲ့ မသစ်ခွကို သဘောကျတာ မဆန်းပါဘူးလေ…။

တကယ်တော့ လူသားမိန်းမတွေမှာ အလှကိုယ်စီရှိကြသလို….         ပန်းတွေ.. အပင်တွေမှာလည်း .. ချစ်စရာ… စွဲမက်စရာ.. တန်ဖိုးထားစရာ… အလှတရားတွေ ကိုယ်စီရှိကြပါတယ်ကွယ်….။ အဲဒီလိုပဲ… အားနည်းချက်… ချို့ ယွင်းချက်လည်း ကိုယ်စီပိုင်ဆိုင်ထားကြတယ်…။ ကိုယ့်တာဝန်ကိုယ်ကျေပွန်အောင် တတ်နိုင်သမျှ ထမ်းဆောင်ပြီး… သူတပါးကို ရန်မရှာဘဲ… အဆိပ်မပေးဘဲနေနိုင်ရင်… အလှဆုံး… အဖိုးအတန်ဆုံးပန်း… အပင်.. အဖြစ်နဲ့  ကမ္ဘာကြီးပေါ်မှာ စိတ်သန့် သန့် နဲ့  နေထိုင်သွားနိုင်မယ်ဆိုတာ သေသေချာချာ မှတ်ထားကြကွဲ့ …။ ။     

 ခြံထဲက … ( စ )

မှတ်ချက်။ ။ အဆင်ပြေတဲ့ တစ်နေ့  ဓါတ်ပုံတွေ တင်ပေးပါမယ်…။

ကျွန်မရဲ့ အပင်ခြေရင်းမှာတော့ ညီမငယ်ထွေး စံပယ်ရုံလေး က နေရာချထားခံရပါတယ်…။ သူလေးက ရုံလေးနဲ့ ရှိနေပေမယ့်… အားငယ်တတ်သူလေး ဖြစ်ပါတယ်…။ ကြံဖန်တွေးတော အားငယ်တတ်သူလေး ဖြစ်သည့်အားလျော်စွာ

“မညမွှေးရယ်… ညီမတို့ ကို အိမ်ကြီးရှင်မက ခုလို အိမ်နဲ့  အဝေးဆုံး ခြံထောင့်မှာ ပို့ ထားတာ မုန်းလို့ များလားဟင်…”

“အော်… စပယ်မရယ်… အားငယ်တတ်ရန်ကော…။ သူ့ အိပ်ခန်း ပြတင်းပေါက်ကို လှပ်ပြီး ဖွေးဖွေးလှုပ်နေတဲ့ ညည်းကို ပြုံးပြုံးပြတာ ဘယ်သူများလဲ…။ အိမ်ကြီးရှင်မပဲ မဟုတ်လား…။ အိပ်ယာနိုးတဲ့ အချိန်မှာ… ညည်းကိုမြင်ရတာ စိတ်ကြည်နူးတယ်လို့  အိမ်ကြီးရှင်မက ပြောခဲ့သားပဲလေ…။”

“ဒါပေမယ့် မညမွှေးရယ်… ကိုကွမ်းပွှားတို့ ကိုလည်း အိပ်ခန်းပြတင်းက အတိုင်းသားမြင်နေရသားပဲ… သူတို့ ကျတော့ အိမ်နဲ့ အနီးလေးရယ်…။”

“စပယ်မရယ်… ညည်းတို့  ငါတို့ က ကွမ်းပွှားတို့ နဲ့  တူမလား… ။ ငါတို့ က အပွင့်တွေဝေနေအောင်ပွင့် ပြီး တစ်ခြံလုံး သင်းနေအောင် မွှေးကြရတဲ့သူတွေလေ…။ လေတိုက်ခံရမှ ဖြစ်မှာပေါ့…။ လေတိုက်ခံရဖို့ က လေတိုက်တဲ့ အရပ်.. အကာမရှိတဲ့ အရပ်မှာ နေမှပေါ့… ဘာလဲ.. ညည်းက ဒေါ်ကြီင်္းပိတောက်နားမှာ နေချင်လို့ လား..။ အဲဒီအဖွားကြီး လောင်းရိပ်မိပြီး ညည်းအပွင့်မပွင့်နိုင်မှ အိမ်ကြီးရှင်မက ညည်းကို နုတ်ပြီး အဝေးဆုံးပို့ ပစ်မှာ ….။”

“ မိညမွှေး.. ညည်း.. ငါ့ကို အဖွားကြီးလို့  ပြောပြန်ပြီလား… ငါက ဒီခြံမှာ အသက်အကြီးဆုံး… အရင်ဆုံးရှိနေခဲ့တဲ့သူ… အပင်အားလုံးထက် စီနီယာကျတယ်… ညည်းလေးလေးစားစား ဆက်ဆံသင့်တယ်…။

“ဟုတ်ကဲ့ပါ.. စီနီယာ မမရယ်… ညမွှေး.. နောက်ဆို အဖွားကြီး လို့  မခေါ်တော့ပါဘူး..

ရွဲ့ မနေပါနဲ့  မိညမွှေးရယ်…။ အေးလေ.. ငါက ညည်းပြောသလို … အဖွားကြီးပဲ ထားပါတော့… ဒါပေမယ့် အသက်ကြီးပေမယ့် မပျက်စီးသေးဘူးနော.. တန်ခူးလရောက်တိုင်း ပွင့်နိုင်တုန်း.. ပွင့်နေတုန်း…။

ဒါပေမယ့် ကျွန်မတို့ လို ရာသီတိုင်းတော့ မပွင့်နိုင်ဘူးလေ

ဒါတော့ ညည်းဗဟုသုတ ခေါင်းပါးလွန်းရာကျတယ်… ငါတို့ ပိတောက်မျိုးနွယ်ဆိုတာ ရာသီတိုင်းမပွင့်ရဘူး… အချိန်နဲ့  အခါနဲ့  ပွင့်ရတယ်…။ မျိုးနွယ်ရဲ့ ဓလေ့ထုံးစံကို စောင့်ထိန်းရမှာ မျိုးဆက်ရဲ့ တာဝန်ပဲ …။

ဆက်ပါဦးမည်။

မှတ်ချက်။ ။ ဘာကြီးလဲလို့  တွေးမနေပါနဲ့ ..  အပင်တွေ အကြောင်းပါ။

အစ်မ… ချစ်သူများနေ့  ဘာအစီအစဉ် ရှိလဲ

ဆံပင်တွေကို ပေါင်းတင်ဆေးနဲ့  စိတ်ရှည် လက်ရှည် သုတ်လိမ်း နေတဲ့ မိန်းကလေးက ရင်းရင်းနှီးနှီး စကားစလာချိန်မှာ မင်သက်ပြီး ဘာပြန်ဖြေရမှန်းမသိ …။

ဘာအစီအစဉ်ရှိပါလိမ့် … ဘာအစီစဉ်ရှိပါလိမ့် … ကမန်းကတမ်း ပြန်စဉ်းစားကြည့်တော့ … အိမ်ရှင်းမယ်… ဈေးဝယ်မယ်… တူလေးကို ထိန်းရမယ်…။ ဒါတွေကို အစီအစဉ်လို့  ခေါ်ပါ့မလား… လုပ်နေကျအလုပ်တွေကို အထူးအစီအစဉ်လို့  ပြောစရာအကြောင်းမှ မရှိတာပဲလေ…။

ဟင်… အင်း… ဟင်း…ဟင်း… အဲဒါ အစ်မနဲ့  မဆိုင်တော့ဘူးလေ… လူငယ်တွေနဲ့  ဆိုင်တာ….

တော်တော် ကဘောက်တိကဘောက်ချာနိုင်တဲ့ အဖြေပဲ…။

ခစ်…ခစ်… အစ်မကလည်း … လူငယ် မဟုတ်ဘူးလို့ ပြောရဲသေးတယ်… အစ်မက ခုမှ ၂၇ လောက်ပဲရှိဦးမယ်…

ညီမကို မုန့် ကျွေးမယ်… အစ်မက ၃၀ ပြည့်တော့မှာ…

၃၀ ဆိုလည်း လူငယ်ပါပဲ အစ်မရယ်…

ဟုတ်သားပဲ… ငါ့ကိုယ်ငါ လူငယ်လို့  ခံယူထားရမှာပဲ…ဘာလို့ များ လူငယ်မဟုတ်ဘူးလို့  တွေးမိပါလိမ့် …

အစ်မ.. စာအုပ်ဖတ်ဦးနော်…

အပူပေးတဲ့ စက်ကို ခေါင်းပေါ်မှာ နေသားတကျဖြစ်အောင် ချိန်ပေးရင်း မဂ္ဂဇင်း စာအုပ်တစ်အုပ် လက်ထဲလာထည့်တဲ့ မိန်းကလေးကို ပြုံးပြလိုက်ရင်း မဖတ်ဖြစ်တာ ကြာပြီ ဖြစ်တဲ့ မဂ္ဂဇင်းကို အငမ်းမရ လှန်လိုက်တယ်…။

ချစ်သူများနေ့  အထူးလျှော့ဈေး… စုံတွဲများအတွက် အထူးအစီအစဉ် …. ချစ်သူများနေ့  အထိမ်းအမှတ်… ။

…………………………………..

ကို

ဟင်

မနက်ဖြန် ၁၄ ရက်နေ့့

အင်း

မိန်းမကကွန်ပြူတာ ဖန်သားပြင်ပေါ်က မျက်နှာခွာပြီး ကျွန်တော့်ဘက်လှည့်ကာ … စိတ်မရှည်သံဖြင့် …

ချစ်သူများနေ့ လေ

… ဟုတ်သားပဲ…

မိန်းမက ဘာမှဆက်မပြောတော့ဘဲ ကွန်ပြူတာဘက် ပြန်လှည့်သွားပါသည်…။

တအောင့်မျှကြာသောအခါ…

မိန်းမကို ချောကလက်လေး ဘာလေး ကျွေးချင်စိတ်မရှိဘူးလား…

ရေခဲသေတ္တာထဲက ယူစားလိုက်လေ…

အသစ်.. အသစ်ပြောတာ.. အသစ်စားချင်တာ…

မိန်းမရယ်… ဒါများ… မနက်ဖြန်ကျတော့ အပြင်ထွက်ရင် ကြိုက်တာ ၀ယ်စားပေါ့… ချောကလက်စားတာများ .. ယောက်ျားကို ဘယ်တုန်းက ခွင့်တောင်းဖူးလို့ တုန်း…

ဟင်… ကို…ဟာလေ… လုံးဝ ရိုမန်တစ်မဖြစ်ဘူး… အရင်တုန်းက ရိုမန်တစ်ဖြစ်တယ်မှတ်လို့  ယူခဲ့မိတာ… ခုကျမှ ရေခဲတုန်းကြီးမှန်း သိတော့တယ်…

ဟား… ဟား… ချစ်သူများနေ့ အထိမ်းအမှတ်အဖြစ် ချောကလက် ကျွေးခိုင်းနေတာလား… မိန်းမရယ်… ကလေးကလား အလုပ်တွေ…

ဘာ.. ကလေးကလား.. ဟုတ်လား… ဒါဆို အရင်တုန်းက နှင်းဆီပန်းတွေ ထုပ်ပိုးပြီး လာပေးတာ ဘာလုပ်တာလဲ… ချောကလက်ပေးပြီး … ချစ်သူများနေ့ တွေကို လက်တွဲပြီး ဖြတ်သန်းကြရအောင်လို့  ရေးပေးခဲ့တာတွေက ကစားတာပေါ့.. ဆော့တာပေါ့… ကလေးကလားလုပ်တာပေါ့.. ဟုတ်လား.. ရှင့်သူငယ်ချင်းတွေ မြှောက်ပေးလို့  အဲလို တွေ ကျွန်မကို လာပေးတာ မဟုတ်လား… တကယ့်တော့ ရှင့်ရင်ထဲမှာ အဲလို သိမ်မွေ့ တဲ့ ပေးဆပ်ခြင်းတွေ မရှိခဲ့ဘူး မဟုတ်လား …

ရစ်ပြီ.. ရစ်ပြီဟ… မဟုတ်ပါဘူးကွာ… အဲဒီတုန်းက လူငယ်တွေမဟုတ်လား… အခု ကို တို့  အဲလို လူငယ်ဆန်ဆန် အချစ်တွေနဲ့ …….

အော်.. သိပြီ…သိပြီ… ကျွန်မကိုယ်ကျွန်မ လူငယ်တစ်ယောက်မဟုတ်သလို ခံစားနေရတဲ့ အကြောင်းရင်းကို သိပြီ… ။ တရားခံက ရှင်ကိုး… ရှင့်ကြောင့်… ရှင့်စကားတွေ… အပြုအမူတွေအောက်မှာ မှိုင်းမိပြီး ကျွန်မရဲ့ လူငယ်ဘ၀ပျောက်ဆုံးနေတာ…။ ရှင်တရားခံ….ရှင့်ကြောင့်….။

မိန်းမရယ်… ဒေါသမထွက်ပါနဲ့ … ။ ချစ်သူများနေ့ မှာ ချစ်သူတွေက အမှတ်တရလက်ဆောင်တွေ ပေးကြ… ချောကလက်တွေ ကျွေးကြ… ဟုတ်တယ်နော်…။ တို့ နှစ်ယောက်က ချစ်သူအဆင့်ထက် အများကြီး သာသွားပြီ… အိမ်ထောင်ရှင် ဖြစ်သွားပြီ…။.

အဲတော့ ဘာဖြစ်လဲ… မလိုတော့ဘူးပေ့ါ… ဟုတ်လား..

အိမ်ထောင်ရှင်များနေ့ သာ သတ်မှတ်လိုက်ကြစမ်းပါ… ဟွန်း … ဘယ်အိမ်ထောင်ရှင်မှ လိုက်မမှီအောင် ရိုမန်တစ် ဖြစ်ပြလိုက်စမ်းမယ်….။

အိမ်ထောင်ရှင်များနေ့ ..။ ခစ်… ။ ရှင်ပဲ သတ်မှတ်….။

ကို့ ကို သတ်မှတ်ခိုင်းလို့ ကတော့ တစ်နှစ်မှာ ၃၆၃ ရက်ကို အိမ်ထောင်ရှင်များနေ့ အဖြစ်သတ်မှတ်လိုက်မယ်…။ ဒါမှ ငါ့မိန်းမကို ရိုမန်တစ်ဖြစ်တဲ့ လက်ဆောင်လေးတွေ နေ့ တိုင်း.. ပေးလို့ ရအောင်…။

၃၆၅ ရက်မှာ ၃၆၃ ရက်က အိမ်ထောင်ရှင်များနေ့ ဆိုတော့ ကျန်တဲ့ ၂ ရက်က ဘာလဲ…။

ကျန်တဲ့ ၂ ရက်လား… ၁ရက်က ချစ်သူများနေ့ …။ ၁ ရက်က….

ပြုံးယောင်သန်း လာတဲ့ သူမ မျက်နှာကို ခပ်ပြုံးပြုံး ကြည့်ရင်း…

၁ ရက်က .. ကျန်တဲ့ တစ်ရက်က … အိမ်ထောင်ရှင်ယောက်ျားများ လူပျိုယောင်ဆောင်သောနေ့ … ဟီး.. ဟီး…။

စကားအဆုံးမှာတော့ သူမ ထုနှက်ကုတ်ဖဲ့လို့ ရအောင် ကျောကို အသင့်လှည့်ပေးလိုက်ပါတော့တယ်….။ ။

မှတ်ချက်။ ။ စိတ်ကူးသက်သက်ပါ…။ ၀တ္ထုရေးကြည့်တာပါ…။ ၀တ္ထုတိုပါ….။

ထိုဗိသုကာသည် အဆောက်အအုံကို မတည်ဆောက် … ပြည်ထောင်စုကို တည်ဆောက်ခဲ့သည် …။

ထိုဗိသုကာသည် မြို့ ကွက်များကို နေရာမချ … မြန်မာနိုင်ငံတော်၏ ရပ်တည်မှုကို နေရာတကျ စီမံခဲ့သည် …။

ထိုဗိသုကာသည် ပုံဆွဲခဲတံကိုမကိုင် … သေနတ်ကိုကိုင်ခဲ့သည်….။

တက္ကသိုလ်နေ၀င်းရေးသားသော ပြည်ထောင်စု ဗိသုကာ ဗိုလ်ချုပ်အောင်ဆန်း စာအုပ်မှ … ထိုဗိသုကာ၏.. ဘ၀ကို ငြိမ်းချမ်းစွာ ဖြစ်သန်းလိုမှုကို ထင်ဟပ်ပြနေသော စာသားအချို့ ကို အပြာရောင်စာလုံးများဖြင့် ကူးယူဖော်ပြလိုက်ပါသည်…။

ငါတော့ လွတ်လပ်ရေးရပြီးရင် နိုင်ငံရေးက အနားယူမယ် စိတ်ကူးတယ် ။ တိုင်းပြည် အုပ်ချုပ်ရေးတာဝန်ကိုတော့ ငါတို့ရဲ့ လုပ်ဖော်ကိုင်ဖက် လူကောင်းတွေလွှဲပေးပြီး ငါကတော့ အနားယူရင်း စာရေးဆရာ လုပ်ချင်တယ် ။ မင်းကလည်း စာရေးဆရာဖြစ်နေပြီဆိုတော့ ငါ့အဖို့  အဖော်လည်းရတာပေါ့။ ငါတို့ ဆရာတပည့် နှစ်ယောက် စာရေးစားရင် ဖြစ်နိုင်ပါလိမ့်မယ်ကွာ ။ တို့ နှစ်ယောက်စလုံး ဗမာလိုရော၊ အင်္ဂလိပ်လိုပါ စာတွေရေးကြမယ်. .။ ဒါမှလဲ ငါ့မိသားစုအတွက် လောက်မယ်။ တကယ်ပါကွာ ငါက တက္ကသိုလ်ကျောင်းသားဘ၀ထဲက စာရေးဆရာ ဖြစ်ချင်တဲ့ ဆန္ဒရှိခဲ့တယ်။

လွတ်လပ်ရေးရပြီးရင် နိုင်ငံရေးက အနားယူမယ် ဟု စိတ်ကူးထားသော ထိုဗိသုကာသည် လွတ်လပ်ရေးမရခင် … အနားယူခဲ့သည်… အနားယူခဲ့ရသည် …။ ကိုယ်တိုင်စာရေးချင်သော ဗိသုကာသည် နှောင်းလူတို့ ရေးစရာ အကြောင်းအရာများကိုသာ ထားခဲ့နိုင်သည်…။

ထိုဗိသုကာသည် သူဖန်တီး.. ပုံဖော်… တည်ဆောက်ခဲ့သည်များ ပျက်စီးပြိုကွဲမည်ကို အင်မတန် စိုးရိမ်ပေလိမ့်မည် … ။ ထိုဗိသုကာ၏ စေတနာကို သိနားလည်သော သူတို့ သည် ပြည်ထောင်စုကို ကာကွယ်စောင့်ရှောက်ကြပေလိမ့်မည် ။ ထိုဗိသုကာ၏ စေတနာကို ဖျက်စီးမှုပြုသူတို့ သည် အဆုံးမရှိသော နာကျင်ခြင်းဖြင့် ဘ၀ကို ဖြတ်သန်းကြရပေလိမ့်မည် ။

ထိုဗိသုကာသည် ပြည်ထောင်စုကြီးတည်မြဲနေသမျှ ထာဝရ တောက်ပနေမည်ဖြစ်သော … ဘယ်တော့မှ မကြွေသော …ကျွန်ုပ်တို့၏ လမ်းပြကြယ် ဖြစ်သည် …။ ။

၁၃ရက်ဖွား စနေသား ဗိသုကာ ( ၁ )

ကျောင်းပြေးဖြစ်နေပြီ …။

ကျောင်းပြေး မိလေပြီ …။

သူများတွေ စာအံတာကို တိတ်တိတ်ငေးရင်း ဝေးဝေးမှာ လုပ်ချင်တာ လုပ်တတ်ခဲ့ပြီ …။

ကျောင်းကို ဦးတည်ပြေးပြီး စာသင်ခန်းနားရောက်မှ လှည့်ပြေးတတ်တဲ့ ခြေလှမ်းတစ်စုံကို တာဝန်ယူမဲ့သူမရှိပြီ …။

ဒေါင် … ဒင်သံကြားမှ ကျောင်းကို အူယားဖားယား ပြေးတတ်သူအတွက် ခေါင်းလောင်းထိုးမယ့်သူမရှိပြီ …။

ဖတ်သူမရှိတဲ့ စာစီစာကုံးတွေက စာရွက်ပေါ် မရောက်နိုင်ပြီ …။                    

ဟာမိုနီ လိုက်မယ့်သူမရှိတဲ့ သီချင်းတွေက ဗိုက်ထဲကို ခုန်ချသွားကြပြီ …။

ကျောင်းသွားဖော်တွေ အများကြီးကြားက ကျောင်းပြေးဖော်ကို အလျင်စလို ရှာမိသည် …။

ကျောင်းပြေးတစ်ယောက် ရေကန်ဘေးမှာ ငါးမျှားတံ တစ်ချောင်းနှင့် ထိုင်နေတတ်သည် …။

အတွေးတွေကို ငါးစာအဖြစ် ငါးမျှားတံထိပ်တွင် ချိတ်ဆွဲ ခဲ့သည် …။

ကန်ထဲတွင် ငါးတစ်ကောင်မျှမရှိ … ။

နေစောင်းတော့ ရေစိုနေတဲ့ အတွေးတွေကို နေလှန်းပြီး အိမ်ပြန်ခဲ့သည်  … ။

ဤနည်းဖြင့် ကျောင်းပြေးတစ်ယောက် ကျောင်းပြေးခြင်း၌ ခုံမင်နေသည် …။

ကျောင်းပြေးသည် ကျောင်းပြေးလိုသောကြောင့် ကျောင်းပြေးဖော်ကို အလိုရှိသည် …။

ကျောင်းပြေးဖော်တွေ့ ခဲ့လျှင် အတူရွတ်ဆိုဖို့  ကဗျာတစ်ပုဒ်ကို ကြိုးစားပမ်းစား အစပျိုးထားသည် …။

“ကျောင်းမတက်ရတာ ပျော်စရာ …

ကျောင်းပြေးရတာ ကောင်းသဗျာ…

ဟ..ဟာ..ဟာ……”                               ။ ။

ပျောက်ပါဦးမည်

ပျောက်မည်ဆိုတာ ကိုယ့်ဘလော့ဂ်မှာ ကိုယ်ပျောက်မှာ.

အသစ်မရေးဘဲနေမှာ

သူများတွေဆီမှာတော့ ရှိနေမယ်..။

ဘာမှမဖြစ်.. ပျင်းလို့  ။