ဟိုးတုန်းက ဒုက္ခ.. အခုတော့ဟာသ

ကြွေးရှင် ကြောင်မျိုးက စီပုံးမှာ တညောင်ညောင် အော်လှပြီ… ။ ကြာရင်ကြောင်ကိုက်ခံရတော့မယ်…။ တော်ကြာ စ်ိတ်ဆိုးပြီး နောက်မရေးခိုင်းတော့ရင် ဒုက္ခ…။ အဲဒီခေါင်းစဉ်အတွက် ရေးစရာ အကြောင်းက Feeling 28 မှာ ရေးပြီးသားဖြစ်နေတယ်…။ အကြောင်းအရာအသစ် ရှာမရဘူး ဖြစ်နေတယ်…။ ဒုက္ခ မကြုံဖူးလို့  မဟုတ်ပါဘူး…။ ကြုံဖူးတဲ့ ဒုက္ခက ဟာသမဖြစ်တဲ့ ဒုက္ခတွေ ဖြစ်နေတယ်..။ ပြန်တွေးမိတဲ့ အချိန်တိုင်း နာကျင်နေရတဲ့ ဒုက္ခမျိုးပဲ ပိုင်ဆိုင်ပါတယ်…။  ဒါကြောင့် အဟောင်းလေးကို  ( ဆားချက်တယ်ပဲ ဆိုဆို… ) ပြန်ကူးပေးလိုက်ပါတယ်…။

အဲဒီနေ့က သတို့သမီးလေး သိပ်လှနေတာပေါ့( ကိုယ့်ကိုယ်ကို ထင်တာ )..။ မြန်မာသတို့သမီး ၀တ်စုံလေးနဲ့ မင်းသမီးလေးလို ၀တ်ထားတာလေ…။

ဝတ်စုံဝတ်ပြီးသွားတဲ့ အချိန်မှာ အရမ်းစိတ်လှုပ်ရှားလာပြီး Rest room ခဏ၀င်မယ်ဆိုပြီး ၀င်လိုက်ပါတယ်…။

ရေချိုးခန်းထဲရောက်တော့ လက်ထဲက tissue လေး ပြုတ်ကျသွားလို့ ကုန်းကောက်လိုက်တယ်…။

အဲဒီမှာ သွားရော..ကျပ်နေအောင်ချုပ်ထားတဲ့ အကျီင်္က လက်မောင်းချုပ်ရိုးတွေ ပြုတ်ကုန်ရော…။

ငိုမဲ့မဲ့ နဲ့ ရေချိုးခန်းထဲက ပြန်ထွက်လာတဲ့ သတို့သမီးကိုကြည့်ပြီး အားလုံးလန့်သွားပါတယ်…။

အပ်ချည်အ၀ါရှာပြီး ၀တ်ထားတဲ့ အကျီင်္မှာ လက်နဲ့ ကိုယ်ထည်ပြန်တွဲပေးနေတော့ အပ်စူးမှာလည်းကြောက်…

တောင်ရှည်..ခေါင်းပေါင်းနဲ့ သတို့သားကလည်း ပြီးသေးဘူးလား… အချိန်နီးနေပြီ ဆိုပြီး အပေါက်ဝမှာ ရစ်သီရစ်သီလာလုပ်နေတော့ ဇောချွေးတွေ ပိုးပိုးပေါက်ပေါက်ကျလာပါတယ်…။

မိတ်ကပ်မာမီကတော့ ချွေးပြန်နေတဲ့ မျက်နှာကို မိတ်ကပ်လိုက်ဖို့ရင်း သမီးလေး.. စိတ်လျှော့ထား… ဘာမှ မဖြစ်ဘူး..အေးအေးဆေးဆေးပဲ… လှလှလေးပြုံးနေ လို့ပြောပါတယ်…။

သူတို့ပြင်ဆင်တာပြီးတာနဲ့ စိတ်မြန်တဲ့ သတို့သမီးဟာ ထိုင်မသိမ်းကို မပြီး မိတ်ကပ်ခန်းအပြင်ဘက်ကို ဇိုးဇိုးဇတ်ဇတ်နဲ့ ထွက်လိုက်ပါတယ်…။

ပွဲထွက်ဖို့ သတ်မှတ်ထားတဲ့ အချိန်ရောက်နေပြီမို့ စတိုင်လ်နဲ့ မလျှောက်နိုင်တော့ပါဘူး…။

မိတ်ကပ်မာမီတစ်ယောက်က ဟဲ့..သတို့သမီး..ဖြည်းဖြည်း ..စိတ်လျှော့….နဲ့ အော်ရှာပါတယ်…။

သတို့သားနဲ့ လက်ချင်းချိတ်လိုက်မှပဲ သူတို့သမီး ဣနြေ္ဒရသွားပါတယ်…။

ခန်းမထဲကို ၀င်ဖို့ လှေကားကဆင်းလာပါတယ်…။

ဗွီဒီယိုရိုက်တဲ့သူက အော်တယ်… စကားလေးပြောပြီး ဆင်းလာပါ..အသက်ဝင်အောင်လို့ပါ တဲ့…

သူကငဲ့ကြည့်ပြီး..

ပျော်လား..

အင်း…အဟင်း…ဟိုလေ …. စူးနေတယ်

ဟင်..ဘာလဲ…ဘာစူးတာလဲ…

ပြုံးပြုံးလေး ခင်ဗျာ တဲ့ ( ဓါတ်ပုံဆရာက အော်နေတယ်)

ဟိုလေ.. ထိုင်မသိမ်းမှာ ထိုးထားတဲ့ ပင်အပ်..ပင်အပ်တွေက ခြေလှမ်း လှမ်းလိုက်တိုင်း စူးနေလို့…

.ဟင်… ဘယ်လိုလုပ်ကြမလဲ

ဘယ်လိုမှ လုပ်လို့မရတော့ဘူးလေ…

အသာလေးထိန်းလျှောက်နော်…မဲ့ရင် ဓါတ်ပုံထဲမှာ မလှဘဲနေမှာနော်… သည်းခံလိုက်နော် …တဲ့…။

အခွေထဲမှာ အသံမပါလို့သာ တော်တော့တာပေါ့…။

လှချင်ပါတယ်ဆိုမှ အဲဒီနေ့က ……။

အော် ….. မင်္ဂလာဆောင်တယ်ဆိုတာ ထင်သလောက်မလွယ်ပါလားနော်…။

အဲဒီတုန်းက ကျပ်ထုပ်နေတဲ့ သတို့ သမီး ၀တ်စုံအောက်မှာ အသက်ရှူလိုက်ရင် ချုပ်ရိုးတွေ ပြုတ်ထွက်ကုန်မလားလို့  တွေးပူပြီး အသက်တောင် ရဲရဲ မရှူရဲခဲ့တဲ့ ဒုက္ခ…၊ ပင်အပ်စူးလို့  လမ်းလျှောက်ရခက်တဲ့ ဒုက္ခ..၊ အခါတော်… ဆိုတဲ့ သီချင်းသံကြားတော့ ငိုချင်သလိုလို… ဗိုက်နာသလိုလို…ဖြစ်လာတဲ့ဒုက္ခ၊  ပြုံးလိုက်တိုင်း တဆတ်ဆတ်တုန်နေတဲ့ နှုတ်ခမ်းတွေကို ခက်ခက်ခဲခဲ ထိန်းချုပ်ခဲ့ရတဲ့ ဒုက္ခ… အဲဒီဒုက္ခတွေက အခုကျတော့ ဟာသ … လွမ်းရတဲ့ဟာသ …။ ။

မှတ်ချက်။ ။ မင်္ဂလာဆောင်တာများ. အဲသလောက်တောင် စိတ်လှုပ်ရှားရသလားလို့  လာမပြောနဲ့ …။ အဖြေရှိပြီးသား… သမီးမှ မဆောင်ဘူးတာ……….လို့ ….။ 😛

ကျွန်မမှာ… ရှိတယ်…

ကျွန်မမှာ… လေးမမှာ… ရှိတယ်…။ မခေါ်ဘဲ ရောက်လာတဲ့ သူတွေ.. ရှိတယ်…။ မတောင်းဘဲ ပေးတဲ့ လက်ဆောင်တွေ ရှိတယ်…။ မကျွေးဘဲ … စားတဲ့ သူတွေ ရှိတယ်…။ 🙂

သူတို့ တွေ … ခေါင်းချင်းရိုက် … လက်ချင်းခတ်… ဒူးချင်းတိုက်ပြီး ကြံစည်ထားကြတယ်…။

သူတို့ တွေ … ဘလော့ဂ် ငါးနေရာမှာ သတင်းတွေ့ ပြီး.. တွေ့ တဲ့ နေရာမှာ ဆုတောင်းပေးသွားကြတယ်…။

သူတို့ တွေ … သတင်းရတာနဲ့  စီပုံးကို အပြေးလာပြီး လက်ဆောင်စကားတွေ ဆိုကြတယ်…။

သူတို့ တွေ… ပေးကြတယ်… ပေးသွားကြတယ်… သူတို့ ကို ပစ်ထားတဲ့… ဘာမှ အသိမပေးတဲ့… လေမုန့် လေးတောင် ကျွေးဖော်မရတဲ့… အဲဒီ အမျိုးသမီးကိုလေ… ခင်မင်စွာ… သတိရစွာ… ။ သူတို့ တွေ အားလုံးကို ကျေးဇူးတင်တယ်…။ သူတို့ တွေရှိနေတဲ့အတွက် ပျော်ရွှင်ကြည်နူးခဲ့ရတယ်…။

သူတို့ တွေဆိုတာ …… အမှတ်တရ ပို့ စ်ရေးပေးတဲ့… ဘိုညိမ်း.၊ ဘိုတင့် ၊ မောင်မျိုး.၊ ရွှန်းမီ၊ မွန် …။

သူတို့ ကပြောတယ်..  ကမ္ဘာတုထဲက ကြွက်ဂိုဏ်းချုပ် တဲ့..။

မလေးမကြိုက်တဲ့ အရုပ်မလေး

ဒီနေ့ကတော့ ကျနော် တို့ရဲ့ ချစ်လှစွာသော အစ်မကြီးလေးမ ကြွက်ဂိုဏ်းချုပ်ရဲ့ မွေးနေ့ပါ။ အစ်မရင်းတစ်ယောက်လို လေးစားခင်မင်ဖို့ကောင်းပြီး ပျော်ပျော်နေတက်တဲ့ သူမအတွက် ကျနော်တို့ ညီကိုမောင်နှမတွေက ထူးထူးခြားခြားလေးဖြစ်အောင် စုပေါင်းရေးသားခဲ့ပါတယ်။ တစ်ယောက်ချင်းစီရဲ့ ဘလော့ပေါ်မှာလည်းတင်ထားပြီး သူမအတွက် ကိုယ်ပိုင်ခံစားချက်လေးတွေနဲ့ စုပေါင်းစပ်ပေါင်းရေးထားတာလေးပါ ။ မလေးမ Happy Birthday 🙂

“ ၀မ်ဆွေ့ ၀မ်ဆွေ့ ၀မ်ဝမ်ဆွေ့”
ဂိုဏ်းသားများမှ ဂိုဏ်းချုပ်သက်တော်ရာကျော် ရှည်ပါစေကြောင်း ဆုတောင်း မေတ္တာပို့ပါတယ်ခင်ဗျာ ။

ဒုဂိုဏ်းချုပ် (ခ) ကြွက်ကြီးညိမ်းညို

ကျနော်တို့မှာ ကမ္ဘာအတုထဲက အစ်မကြီးတစ်ယောက်ရှိပါတယ်။ ကျနော်တို့က ဂိုဏ်းချုပ်ကြီးလို့ ချစ်စနိုးခေါ်ကြပါတယ်။
ထူးခြားတဲ့ ရှုထောင့်ကနေ တွေးဆခံစားရတာကို နှစ်ခြိုက်သူ၊ ဇ၀နဉာဏ်ရွှင်သူ၊ ကိုယ်ပိုင်စာရေးဟန်သီးသန့်ရှိသူ ကျနော်တို့ အစ်မကြီးဟာ
သူ့ရဲ့ ကမ္ဘာတုလေးထဲမှာ သူ့အနုပညာလက်ရာတွေကို သပ်သပ်ရပ်ရပ် ခင်းကျင်းပြသလေ့ ရှိပါတယ်။ ခင်မင်ဖော်ရွှေတတ်သူမို့ အစ်မကြီးရဲ့အိမ်ကလေးဟာ ချစ်မိတ်ဆွေသူငယ်ချင်းများနဲ့ အမြဲစည်ကားနေလေ့ ရှိပါတယ်။ အစ်မကြီးက ကွန့်မန့် အရေးကောင်းသူလဲ ဖြစ်ပါတယ်။ သူ့ကွန့်မန့်ကို ဖတ်ရတဲ့အခါတိုင်း အော်… ငါရေးထားတာလေးကို သေသေချာချာ ဖတ်ပေးသွားတာပါလား ဆိုတဲ့ ခံစားမှုမျိုး သေချာပေါက် ဖြစ်ပေါ်စေတာပါ။ ပြဿနာများနဲ့ ကြံတွေ့တဲ့အခါတိုင်း အသင့်အတင့် နှလုံးသွင်းဆင်ခြင်နိုင်တဲ့ အစ်မကြီးရဲ့ စိတ်နေစိတ်ထားကို အားကျအတုယူမိပါတယ်။

အပြာရောင်ကျောပိုးအိတ်ကလေး၊ သနပ်ခါးပန်းကလေးတွေရဲ့ပိုင်ရှင်ဟာ သူ့ရဲ့ ကောင်းကင်ကြီးကိုလဲ သိုသိုဝှက်ဝှက်ကလေးနဲ့ ကြွားတတ်သူ ဖြစ်ပါတယ် 😛 ဗိသုကာသခင်မတစ်ဦးဟာ ရာဇ၀င်ချင်းရာများကိုလဲ ခြေရာကောက်တတ်သူ ဖြစ်ပါတယ်။ တစ်ခါတစ်ခါကျပြန်တော့ ကဗျာပတ်တီးတွေနဲ့ လောကရဲ့အနာတွေကို ကျပ်စည်းပေးတတ်ပြန်ပါတယ်။ ချစ်ခြင်းသီနွဲ့ ဆိုတေးလဲဖွဲ့တတ်ပြန်ပါရဲ့။

စိတ်ရင်းကောင်းတဲ့ အစ်မလေးမတစ်ယောက် ချစ်တဲ့ကောင်းကင်ကြီးနဲ့အတူ သားတစ်ရာမြေးတစ်ဖျာရတဲ့အထိ ကိုယ်၊ စိတ်၊ နှလုံး သုံးပါးစလုံး ရွှင်ပြုံးချမ်းမြေ့စွာနဲ့ ဘ၀လမ်းကို လျှောက်လှမ်းနိုင်ပါစေခင်ဗျာ။ ကျနော်တို့ အစ်မကြီးအတွက် ပျော်ရွှင်ကြည်နူးစရာ မွေးနေ့မင်္ဂလာလေးဖြစ်ပါစေ 🙂 🙂


အတွင်းရေးမှူး ကြွက်ကိုတင့်

ကမ္ဘာအတုထဲက မိန်းကလေးဟာ
ကမ္ဘာအတုထဲမှာ နေထိုင်တယ်
ကမ္ဘာအတုထဲက မိန်းကလေးဟာ
အတွေးအခေါ်တွေ ကျမ်းမာသန်စွမ်းတယ်
အရေးအသားတွေ အချိုးအစားပြေပြစ်တယ် ။
ကမ္ဘာအတုထဲက မိန်းကလေးဟာ
ကမ္ဘာအတုထဲမှာ ကောင်းကင်ကြီးကို ၀ှက်ထားတယ်
ကမ္ဘာအတုထဲက မိန်းကလေးဟာ
ဗိသုကာအနံ့အသက်တွေနဲ့ ထုံမွမ်းနေတယ်
ကမ္ဘာအတုထဲက မိန်းကလေးဟာ
ခင်မင်ဖော်ရွေတဲ့ ချစ်ခြင်းမေတ္တာ စစ်စစ်တွေကို
တစ်စက်ခြင်းစီ ယိုစိမ့်စေတယ် ။
ကမ္ဘာအတုထဲမှာ
ပုံတို ပတ်စ သမိုင်းကြောင်းတွေ အစီအရီ ရှိတယ်
နှလုံးသားနဲ့ သီဆိုရတဲ့ သီချင်းတွေ ရှိတယ် ။
ကမ္ဘာအတုထဲမှာ
သနပ်ခါးပန်းတွေ ပွင့်တယ်
လူသားစက်ရုပ်ကလေးတွေ လမ်းလျှောက်သင်တယ်
ကြွက်ကလေးတွေ တွင်းပိတ်ခံရတယ် ။
ကမ္ဘာအတုထဲမှာ
အပြာရောင် ကျောပိုးအိပ်တစ်လုံး ရှိတယ်
ဘာဘီနာရီ (၁) လုံးရှိတယ်
ပြတင်းပေါက်နဲ့ ပန်းချီကားတွေ ရှိတယ်
အိပ်မက် ၊ လူသားဘ၀နဲ့ အရောင်တွေ ရှိတယ်
ကမ္ဘာအတုထဲမှာ
ကျောက်ဆောင် ပင်လယ်နဲ့ မိန်းကလေး တစ်ယောက်လဲ ရှိသေးတယ် ။
ကမ္ဘာအတုဟာ
ခင်မင်ရင်းနှီးမှုတွေ
ကုန်တင်ကုန်ချ များတဲ့ ဆိပ်ကမ်းတစ်ခုဖြစ်တယ် ။ ။

သားကြွက်
အတုကမ္ဘာထဲက တီကြွက်
ခင်မင်ခဲ့တဲ့ အမှတ်တရတွေကို
ပြောဖို့လိုသလားး
အဖြူရောင်စာမျက်နှာပေါ်က သံယောဇဉ်တွေအတွက်
အားပေးခဲ့ဖူးတဲ့ မှတ်ချက်စကားလေးတွေအတွက်
မပြုံးပဲမနေနိုင်အောင် အပြန်အလှန် စနောက်ခဲ့ကြတဲ့ နေ့ရက်တွေအတွက်
တစ်လုံး နှစ်လုံး စာစီကုံးဖို့ မလိုဘူးဆိုတာ
ပြောဖို့လိုသလား
ဂေါ်မစွံ ဂီလာန အခွံကြောင်မျိုးလို့ နာမည်လှလှတွေပေးလို့
အားကျမခံ ဒေါ်အာပလာမေသန်းပု၊
အာလာဒင် စနှိုးဝှိုက် အကယ်ဒမီ ၅ ထပ်ကွမ်းပေးခဲ့တာတွေကို
မှတ်မိသေးလား
ကမ်းကပ်တော့မယ့်
ဘလော့လှေငယ်ကို လှမ်းဆွဲခဲ့တယ်
ကြွက်တွင်းပေါက်ကလေးကနေ
ရောက်အောင်တိုးထွက်ခဲ့တဲ့ ဂိုဏ်ချုပ်ကြီးပေါ့
ပြောရင် ယုံမှာလား
သံယောဇဉ်ကြိုးတွေကို ဒီလိုတစ်စချင်းဆီ
ဆွဲဖြည်လိုက်တော့ လက်တမ်းရေးချလိုက်တဲ့ စာကြောင်းတွေက
တီကြွက် အတွက် အမှတ်တရဖြစ်ရင် ကျေနပ်ပြီး

ကြည့်စမ်း ကြည့်စမ်း ဒီကြွက်စုတ် ကိုယ့်အဒေါ်ကို စကားပြောတာက လား?? လား?? လား?? နဲ့ မသိတဲ့သူတွေက ထင်ကြအုံးမယ် အကြွေးတောင်းနေတာလား ရန်ဖြစ်နေတာလားလို့း) ။ ကျနော်က ဒီဘလော့ရပ်ဝန်းကို ခြေမချခင်တည်းက ကြွက်တွင်းပေါက်ထဲကနေ ဘလော့တွေလိုက်လည် မာနကတော့မသေးဘူးရယ် ကိုယ့်ကို စကားပြန်ပြောတဲ့ ဘလော့မှ နောက်နေ့သွားတယ် စကားပြန်မပြောတဲ့သူဆို ပျင်းလို့ ဘာမှမရေးခဲ့ပဲ တိတ်တိတ်လေးပဲ ခိုးဖတ်တော့တယ် ။ ဒါပေမယ့် တီကြွက်တော့ ခြွင်းချက်ပေါ့ ဆီပုံးက ဂျစ်ကန်ကန် ရီပလိုင်းလေးကြောင့် အားတက်ပြီးနောက်နေ့ကစ ခုချိန်ထိ နက်သုံးဖြစ်တိုင်း သူ့ဘလော့ကိုတော့ အမြဲဝင်ဖြစ်တယ်။ စိတ်ကူးလေးတွေကို ပုံဖော်ပြီး ပျော်စရာကောင်းတဲ့ စာတွေ အမြဲရေးခဲ့သူ ။ စိတ်ညစ်နေတဲ့ အချိန်တောင် သူ့ရဲ့ကော့မန့်လေးတွေကိုဖတ်ပြီး ပြုံးမိတယ်။ကျနော့် ဘလော့လေးမှာ စရေးတဲ့ အချိန်ကစပြီး ဒီနေ့ထိ မပျက်မကွက် မှတ်ချက်လေးတွေပေးနေတဲ့ ပင်တိုင်အားပေးသူ ရဲဘော်ရဲဘက်တစ်ယောက်ပါ ။ ကောင်ကင်ကြီး အကြောင်း ဖော်ကျူးထားတာကလည်း စာဖတ်တဲ့သူတွေကို ကြည်နူးစေတာပါပဲ ( အမှန်ကတော့မသိမသာကြွားတာပါ 😛 )။ ကြွက်ဂိုဏ်းသားတွေဆုံဖြစ်တိုင်း စကားဝိုင်းထဲမှာတော့ ဂိုဏ်းချုပ်က မပါမပြီး ဇတ်လိုက်ကျော်ကြီးပေါ့ ။ အပြာရောင် ကျောပိုးအိတ်ထဲက လူသားလေးတစ်ယောက်အကြောင်းနဲ့ ကျနော်တို့ကို အားတက်စေခဲ့သလို ရန်ကုန်သတင်းပုံစံနဲ့ မျောက်တွေ သန်းရှာပြီး အတင်းတုတ်နေတာတဲ့အကြောင်းတွေနဲ့ ပျော်စေခဲ့သူပါ။ ချောင်းသားက ပြန်လာတော့ မုန့်ဝယ်ခဲ့မယ်ဆိုပြီး ခရုခွံတွေပဲဝယ်ခဲ့တယ် ။ တီကြွက်ရေ့ လေကြောရှည်တော့ စာတွေကများနေပြီး အောက်ကကြွက်မကလည်း ၁၀ ကြောင်းဆိုပြီးရေးထားလိုက်တာ ပို့စ်တစ်ပုဒ်တောင်ပြည့်တော့မယ် သားကြွက်ပြောမှာတွေ သူကပြောသွားပြီး အဲ့တော့ကား တိုတိုနဲ့တုတ်တုတ်ပဲ ပြောတော့မယ် မွေးနေ့မှာ အရမ်းအရမ်းကိုပျော်ပြီး ကောင်းကင်ကြီးနဲ့ ပိုပိုတိုးလို့ချစ်နိုင်ပါစေဗျာ ပြီးတော့ ချစ်စရာကောင်းတဲ့ သားသားမီးမီး လေးတွေလည်း ၂ ဒါဇင်လောက် နဲ့ ပျော်စရာကောင်းတဲ့ မိသားစု လေးကို အမြန်ပိုင်ဆိုင်ပါစေလို့ ဆုတောင်းပေးပါတယ် ။ အယ်……………မေ့တော့မလို့ တီကြွက်က လေးမဆိုတာ ကမ္ဘာတုမှာပဲရှိတယ်ဆိုပေမယ့် သားကြွက်တို့မောင်နှမတွေအားလုံးက ကမ္ဘာစစ်မှာလည်း ခင်မင်ခွင့် ရချင်ပါကြောင်း အသံတိတ်ပြောချင်ပါတယ် 🙂
မွေးနေ့လက်ဆောင် ကောင်းကင်ကြီးဆီက အနမ်းလက်ဆောင်တောင်းနေတယ် ရှက်လည်းရှက်ဘူး 😛


ကြွက်နတ်သမီးလေး မွန်

“ကမ္ဘာအတုထဲမှာ နေထိုင်တဲ့ တိမ်စိုင်ငယ်ဟာ သူမဖြစ်တယ်။
ရေမှုန်ရေမွှားတွေစုပြီး တိမ်ယောင်ဆောင်နေတဲ့ တိမ်တိုက်ကလေးဟာ ဘယ်လောက်ပဲ
သူမစိတ်တွေ မှိုင်းညို့နေပါစေ အမြဲတစေ ငွေနားကွပ်ထားတတ်တယ်။ သူမမှာ
ခိုတွယ်စရာ ကောင်းကင်အစစ်တစ်ခုရှိနေတဲ့အတွက် ကမ္ဘာအတုလေးထဲမှာ
သူမခဏတာပဲပျော်တယ်”

တိမ်တိုက်ကလေးဟာ နေရောင်အောက်မှာဆို ပုန်းအောင်းနေတတ်တဲ့အတွက် သူမလေးကို
ဘယ်အခါမှ တိတိကျကျပုံဖော်လို့မရခဲ့ဘူး။ သူမနှစ်သက်တဲ့ ဒစ်စနီကာတွန်းထဲက
အရုပ်မကလေးတွေလို ချစ်စရာကောင်းမယ် အပြစ်ကင်းစင်မယ် ပြုံးပျော်နေမယ်လို့
ယုံကြည်ရတဲ့ အဲဒီ့တိမ်တိုက်ကလေးဟာ တစ်ခါတစ်လေ မိုးတွေရွာချတယ်။ ဥပမာ
ကမ်းနားသစ်ပင်လို မခင်နှင်းဆီလို ကဗျာမျိုးနဲ့ပေါ့။ တစ်ခါတစ်လေလဲ
ပူနေတဲ့နေတွေကိုကာပြီး အေးမြမှုတွေပေးတတ်တယ်။ သူတို့လိုပျော်မိသည်
ရူးသူများမဖတ်ရတို့လို စာလေးတွေနဲ့ ပြုံးသွားအောင် တိမ်တိုက်လေးက
တတ်နိုင်တယ်လေ။ တစ်ခါတစ်လေလဲ သူလေ ပျောက်ချင်းမလှပျောက်ပြီး
အတိတ်လမ်းတွေကို ပြန်လျှောက်နေပြန်ရော။ ပုဂံခေတ် အင်းဝခေတ်ထိကို
လွင့်သွားတော့တာပဲနော် တိမ်တိုက်ကလေးရေ။
သူမလေးက ပုန်းပုန်းနေတတ်ပေမယ့် စိတ်ကောင်းလေးဝင်ပြီးတော့
သူ့အကြောင်းတစိတ်တဒေသလေးတွေကို တိုးတိုးလေး လာပြောတတ်တာတွေလဲ ရှိသေးတယ်။
သူမခိုဝင်မှေးစက်ရာ ကောင်းကင်ကြီးကတော့ တိမ်တိုက်လေးရဲ့ စကားသံလေးတွေမှာ
မပါမပြီးပေါ့။ တိမ်တိုက်ကလေးက အရှုပ်တွေအမှိုက်တွေဆို
ဟားတိုက်ပစ်တတ်သေးတာလေ။ မိုးရွာနေသည် ယနေ့ရန်ကုန်တို့ အွန်လိုင်းပေါ်က
ညီမလေးတို့လို ပို့စ်မျိုးတွေဆို သူမရဲ့သရော်ဓာတ်က အဲ့ဒီလို။
ကိုပြူးနဲ့မပြုံးတို့လို ချစ်စရာဇာတ်ကောင်လေးတွေကို ခေါ်ခေါ်လာပြီး
မွန်တို့ကိုအပြုံးမိုးရွာချအောင် တတ်နိုင်တဲ့ တိမ်တိုက်ကလေးမို့
နောက်တစ်ခါ ကျောက်ဆောင် ပင်လယ်ကြီးဆီ မိန်းကလေးသွားတဲ့အခါ
ခေါ်သွားဖြစ်မယ့် သူမအသေးစားလေးတွေကိုလဲ ကိုပြူးနဲ့မပြုံးလို့ ချစ်စနိုး
နာမည်ပေးဖို့ မွန်က တိတ်တိတ်လေး တွေးရယ်နေခဲ့မိဖူးတယ်။

“အတုတွေထဲမှာ နေထိုင်
အမြင်တွေကို ဖုံးကွယ်
အလင်းတွေထဲကနေ ပုန်းအောင်းနေခဲ့တိုင်း
သံယောဇဉ်အစစ်တွေမဟုတ်နိုင်ဘူးလို့ ဘယ်သူပြောလဲ”

ဘာဂါလေးလို့ လာလာခေါ်ပြီး အမြဲအားပေးတွဲခေါ်ခဲ့ပါတယ်။ တစ်ခါတစ်လေ
သူမပျောက်ကွယ်နေခဲ့ပေမယ့် ဘာဂါလေးကိုတော့
မျက်ခြေပြတ်မသွားခဲ့ဘူးဆိုတာသိတော့ သိပ်အံ့သြမိတယ်။ သူမရဲ့
ဆဌမအာရုံများလား။ သူမချစ်တဲ့ သံယောဇဉ်ရှိတဲ့သူတွေရဲ့နောက်မှ
အရိပ်ကလေးလိုလိုက်နေတတ်တဲ့ သိပ်ကိုချစ်ဖို့ကောင်းတဲ့
ဂရုတစိုက်အကျင့်လေးကို ပိုင်ဆိုင်ပါတယ်။ သူတပါးရင်ထဲအထိ
ထွင်းဖောက်မြင်နိုင်တာကလဲ သူမရဲ့အရည်အချင်းပဲလေ။ တစ်ခါတစ်လေ
နားလည်ပေးနိုင်လွန်းတဲ့ မျှဝေခံစားတတ်လွန်းတဲ့ နှလုံးသားလေးကို
လေးစားမိခဲ့ရတယ်။
ထူးထူးခြားခြားသတိထားမိခဲ့တာ တစ်ခုရှိခဲ့တယ်။ သူမရဲ့ကမ္ဘာလေးထဲမှာ
လေးမတော့စိတ်ညစ်လိုက်တာ ဆိုတဲ့အသံမျိုးလေး တစ်ခါမှမကြားခဲ့ရဘူး။
မငိုနဲ့ဘာဂါလေးရေလို့ အားပေးခဲ့ပေမယ့် သူမကိုယ်တိုင်က စိတ်ဓာတ်ကျ
ကြေကွဲအားငယ်မနေတတ်တာ သူမရဲ့ကံကောင်းခြင်းတွေထဲက တစ်ခုပဲလား။
လူတကာရဲ့ချစ်ခင်မှုကိုခံစားရသလို ချစ်စရာ အားကျစရာ ဘဝလေးတစ်ခုကို
တည်ထောင်ထားနိုင်လိုက်တာ အင်းးး သူမနဲ့သူမရဲ့ကောင်းကင်ကြီးဟာ
မွန့်အိပ်မက်ထဲက မင်းသားမင်းသမီးတွေကို ဖြစ်လို့။ ဘာဘီနာရီလေးတေ၊ွ
အမေးအဖြေ၊ ကိုနဲ့လေးလို့ခေါ်တာတွေ၊ ကမ်းကြိုလာတဲ့လက်တစ်ဖက်ကို
လှမ်းခိုလိုက်ပါတယ်ဆိုတဲ့ အရေးအသား၊
ကျောင်းတုန်းကမုန့်ဝယ်ကျွေးတယ်ဆိုတာကအစ ဟိုး အိပ်မက်ထဲက
မြင်းခွါရွက်သုပ်ပန်းကန်အထိ အားကျစရာ ပီတိဖြစ်စရာကြီးတွေကို
ဖြစ်နေတော့တယ်။

“တစ်ခါတစ်ရံ မသိတာတွေက ပိုပြီးခံစားကြည်နူးနေစေတတ်သတဲ့
သူမဟာ ကိုယ့်အတွက်တော့ ထုပ်ပိုးထားတဲ့ လက်ဆောင်လေးတစ်ခုလို
စိတ်လှုပ်ရှားပျော်ရွှင်ကြည်နူးခွင့်တွေကို ပေးနေခဲ့တာပါ
ဒါပေမယ့် ဒီလက်ဆောင်ထုပ်ကလေးနာမည်ကိုက မသိခြင်းလက်ဆောင်တဲ့

ဂါဂါနဲ့ သူမအကြောင်း သုံးနာရီလောက်ဖုန်းပြောခဲ့ဖူးတယ်။ ဂါ နင်တို့တွေကို
ခင်ပေမယ့် ငါအပြင်မှာအတွေ့ချင်ဆုံး ဘလော့ဂါက မမလေးမပဲ
လို့မကွယ်မဝှက်ပြောပြခဲ့ဖူးတယ်။ မဖြစ်နိုင်မှန်းသိရဲ့နဲ့
မွန်ပြန်ရောက်ချိန်မှာ သူမစိတ်ကူးအတိုင်း ဒီဇိုင်းဆင် ဆောက်လုပ်ထားမယ့်
သူမနဲ့ကောင်းကင်ကြီးတို့ရဲ့ ဂေဟာလေးမှာ သူမတို့ချစ်သူနှစ်ဦးနဲ့
ကလေးမလှလှသေးသေးလေးတစ်ယောက်(အဲဒီအချိန်ရှိနေမယ့် ကလေးလေးကိုပါ
ကြိုတင်စိတ်ကူးထားတာ) ကိုမြင်တွေ့ရတယ်လို့ စိတ်ကူးရှည်ရှည်တွေ
ယဉ်ခဲ့ဖူးတယ်။ တိမ်ပြာပြာတွေအောက် စကားတွေပြောကြမယ့် မောင်နှမတွေထဲမှာ
ကြွက်ဂိုဏ်းချုပ်က မပါမပြီးပါတယ်။ မတွေ့နိုင်ခဲ့ကြရင်တောင်
အမည်တပ်လို့မရတဲ့ ဖြူဖြူစင်စင်ခံစားချက်လေးတစ်ခုနဲ့ သူမအကြောင်း
နောက်နှစ်တော်တော်ကြာအောင် သတိတရတွေးတောနေမိမယ်။
သူမကတော့ မွန့်ကို မသိခြင်းတွေထဲက ခိုင်မြဲမှုတွေပေးတတ်တယ်။ မရေရာခြင်းထဲက
သေချာယုံကြည်မှုတွေပေးခဲ့တယ်။ မမြင်နိုင်တဲ့ သံယောဇဉ်တွေနဲ့
ထိတွေ့ကိုင်တွယ်လို့ မရတဲ့ အားအင်တချို့ကို
မွန့်လက်ထဲတနည်းတဖုံထည့်ပေးခဲ့ပါတယ်။ ကျိတ်ပြီးဝမ်းနည်းတတ်တဲ့
မွန့်အကျင့်အတိုင်း သူမမွန့်ကိုလင့်မထားတုန်းက တော်တော်ကြာကြာ
တိတ်တိတ်လေးခံစားနေခဲ့ရဖူးတယ်။ ကိုညိမ်းညိုတို့ကြွက်ဂိုဏ်းတည်ထောင်ပြီး
ဆော့နေကြတုန်းက သူမနဲ့တခြားမောင်နှမတွေ မွန့်ကိုမခေါ်ပဲဆော့နေကြလို့
တယောက်ထဲစိတ်ကောက်နေဖူးတယ်။ ဦးမောင်တင့်က မွန်ရေ နင်နဲ့မလေးမကတော့
တူတူပဲ ကောမန့်ပေးလိုက်ရင်ရော တွေးလိုက်ရင်ရေးလိုက်ရင်ရော သိပ်တတ်တယ်လို့
တစ်ခါမှတ်ချက်ချတုန်းက သူမနဲ့အနှိုင်းခံရတဲ့အတွက်
အကြီးအကျယ်ဂုဏ်ယူနေခဲ့ဖူးတယ်။ ဘာကြောင့်မှန်း ရှင်းမပြတတ်ပေမယ့် သူမဟာ မွန့်ဘဝရဲ့ ပြယုဂ်တစ်ခုလို
စွဲမြဲကျန်ရစ်နေတတ်တယ်။

“သူမရောက်လာတယ်
သူမပျောက်သွားတယ်
သူမတိတ်တိတ်ကလေးရှိနေတယ်
သူမတနေရာရာကနေ စောင့်ကြည့်နေတယ်
သူမဘယ်တော့မှ နှုတ်ဆက်မသွားဘူးလို့ပဲ ပရမတ်တရားတွေကို ဆန့်ကျင်ပြီး ယုံကြည်နေတယ်
ဟေးး ဂါဂါ တွေ့လား ဟိုးတိမ်တိုက်ကလေးရဲ့ နောက်မှ သူမပုန်းနေတယ် ပြီးတော့
သူမငါတို့တွေကို ကြည့်နေတယ်”

ချစ်သောမမလေးမ အမှတ်တရဖြစ်ပါစေ
ချစ်တဲ့ ဘာဂါလေး မွန်

ကြွက်ရွှန်းမီ
သို့ . . .. မွေးနေ့ရှင် မလေးမ

မမြင်ဖူးပေမယ့် အကျွမ်းတ၀င် ရှိလှတဲ့ ပုံရိပ်မှာ သနပ်ခါးပန်းရနံ့တွေ ပါတယ် . ..
မခင်နှင်းဆီ သီချင်းသံ ပါတယ် .. .
မိုးပြာရောင်ကို နှစ်သက်တတ်ပြီ . .. ရံဖန်ရံခါ ကောင်းကင်ကြီး ညိုမှိုင်းနေရင် သူမလည်း တုံ့ဆိုင်းနေတတ်တယ်။ တခါတရံမှာတော့ သူမရဲ့  စိတ်အင်အားတွေနဲ့ တိမ်ညိုညစ်များကို မောင်းထုတ်ပစ်နေပါလိမ့်မယ်။
သူငယ်ချင်းတွေကို ပျော်ရွှင်စေတတ် ခင်မင်တတ်တဲ့ စေတနာ အပြည့်ပါတဲ့ စကားလုံးတွေ သီကုံးတတ်တဲ့ မလေးမကို လေးစားအားကျမိပါတယ်။
မလေးမရဲ့ စာတွေ ဖတ်ရတာ တီးလုံးသံမြည်တဲ့ ရတနာသေတ္တာလေးကို ဖွင့်ကြည့်ရတာနဲ့ တူတယ်။
သေတ္တာထဲက ကနေတဲ့ မင်းသမီးရုပ်လေးလို Virtual World မှာ မြင်ရတဲ့ မလေးမကို ပုံဖော်ကြည့်မိတယ်။
musical box ဖွင့်လိုက်ရင် သီချင်းသံမြည်ပြီး မင်းသမီးရုပ်လေး က,နေသလို မလေးမရေးတဲ့ စာတွေကို ဖတ်လိုက်ရင် ကဗျာဆန်တဲ့ အနုပညာတစ်မျိုးကို အလိုလို ခံစားနေရတယ်။ မလေးမရဲ့ ဘလော့နဲ့ တူတဲ့ သီချင်းသေတ္တာလေးက သိပ်ကို အသက်ဝင်ပါတယ်။
မှော်ဝင်သေတ္တာထဲက နတ်သမီးနဲ့ တူတဲ့ မလေးမကို ခင်မင်ခွင့်ရတာ ဘလော့ဘ၀ရဲ့ ပျော်စရာ တစ်ခုပါပဲ။
တစ်လတည်း မွေးတဲ့ အစ်မကို ခပ်ဆင်ဆင်တူတဲ့ စရိုက်တွေကြောင့် အချိန်တိုအတွင်း တွယ်တာခင်မင်မိခဲ့ပါတယ်။ သူငယ်ချင်း သံယောဇဉ် ကြီးတာတွေ၊ ရန်ဖြစ်ရမှာ ကြောက်တတ်တာတွေ၊ ကိုယ်ချစ်တဲ့သူတွေကို နားလည်ပေးတတ် အလျော့ပေးတတ်တာတွေကြောင့် အောင်မြင်ပျော်ရွှင်ရသလို တခါတရံ နာကျင်ရတယ်။ သံယောဇဉ် ကြီးပေမယ့် တသီးတခြား အေးအေး နေတတ် တွေးနေတတ်လို့ စိမ်းကားတယ်လို့ ထင်ခံရတတ်တယ်။ ဘာပဲဖြစ်ဖြစ် ဒီရာသီဖွားတွေဟာ အလွယ်တကူ အားမလျှော့ဘဲ လုပ်စရာတွေ ဖြစ်အောင် လုပ်တတ်တယ်။ ကိုယ့်ပိုင်စိတ်စွမ်းအား မြင့်သလို သူငယ်ချင်းတွေကိုလည်း အားပေးကြင်နာတတ်တဲ့ မလေးမ ဟာ အသက်တစ်နှစ်ပိုကြီးလာတာကိုလည်း ကြံဖန်ဂုဏ်ယူပြီး ပျော်နေဦးမှာပါ။
ပျော်စရာ ရှာကြံတွေးပြီး ပျော်အောင်နေတတ်တဲ့ မလေးမ မွေးနေ့ကို ပျော်ပျော်ရွှင်ရွှင် ဖြတ်သန်းနိုင်ပါစေ။ တကယ်တော့ မွေးနေ့ တစ်ရက်ထဲ မဟုတ်ပဲ နေ့တိုင်း မွေးနေ့ရှင်တစ်ယောက်လို ပျော်ရွှင်နေစေချင်ပါတယ်။ မလေးမ စိတ်ညစ်တာတွေလည်း ရှိရင် ပေါ့ပါးသွားအောင် ရင်ဖွင့်ပြီး ဘလော့မောင်နှမတွေကို ဆက်လက်လမ်းပြနိုင်ပါစေ လို့ ဆုတောင်းလိုက်ပါတယ်။

ချစ်ခင်ရသော မလေးမ ဆက်ရေးမယ့် စာတွေကို
မလွတ်တမ်း ဖတ်ချင်နေသေးတဲ့
(ရွှန်းမီ)

သူတို့ တွေဆိုတာ … Happy Birthday!  ပါ အစ်မရေ. မွေးနေ့မှသည် နောင်နှစ်များစွာတိုင် ချစ်သောသူနဲ့ ပျော်ပျော်ရွင်ရွင်၊ အောင်အောင်မြင်မြင်၊ အားလုံး ပြည့်စုံချမ်းမြေ့ပြီး ခရီးသွားနိုင်ပါစေ
လေးစားချစ်ခင်စွာ
— မှော်ဆရာ

12 Jan 09, 16:26

ဖြိုးငယ်: Happy BD ပါ အမ .. ပျော်ရွှင်ပါစေ

12 Jan 09, 15:11

JulyDream: Happy birthday to you, sister!

12 Jan 09, 13:56

sin dan lar: Happy Birthday to u, :g

12 Jan 09, 12:30

အိမ့်ချမ်းမြေ့: လေးမ… ပျော်ရွှင်သော မွေးနေ့ဖြစ်ပါစေ။

12 Jan 09, 11:23

SoeMoe: Happy Birthday MAMA.. :heart: :bye :heart: :lau

12 Jan 09, 11:23
ပုံရိပ်: မလေးမရေ ပျော်ရွှင်သော မွေးနေ့ ဖြစ်ပါစေ။
12 Jan 09, 09:42

မောင်မျိုး: ကိုညိမ်းညို ။ကိုတင့်၊ မောင်မျိုး၊ မီ နဲ့ မွန် တို့ ဘလော့တွေမှာ မလေးအတွက် အမှတ်တရပို့စ်များတင်ထားကြောင်းး :P မုန့်ဟင်းခါးချက်ကျွေးနော့် ။

12 Jan 09, 09:38

မိ: ပျော်ရွှင်သောမွေးနေ့နှင့်အတူ ပျော်စရာတွေ တပုံတပင်ကြီး နင့်အနားကို ရောက်လာပါစေဟာ နင့်ကို လွမ်းနေတယ် မိ

12 Jan 09, 08:07

သားကြွက်: : Happy Birthday !!! :dri:

12 Jan 09, 05:20

THS: Happy Birthday !!!! :) :D

စုံတွဲလာ ဆုတောင်းတဲ့ သူတွေကလည်း ရှိသေး…

mtj: စုန်းမလေးနဲ့ တူတူလာဆုတောင်းပေးပါတယ် :)
12 Jan 09, 17:06

mtj: THS ဘလော့ဂ်မှာ ကောမန့်ပေးထားတယ် လေးမရေ… ပျော်ရွှင်ပါစေ

12 Jan 09, 17:02

စုန်းမလေး: ပျော်ရွှင်ဖွယ်ရာကောင်းသော မွေးနေ့ဖြစ်ပါစေ ချစ်မ…အမြဲသတိတယရှိနေပါတယ်.. ချစ်မ အမြဲပျော်ရွှင်ဖို့ ဆုတောင်းတယ်နော်…

ဝေလေး: မမရေ မွေးနေ့မှာ ပျော်ရွင်ပါစေနော်. နောင်နှစ်ပေါင်းများစွာ ချစ်သောမိသားစုနဲ့ ပျော်ရွှင်စွာနေထိုင်သွားနိုင်ပါစေကြောင်း :)

ကြေးအိုး: ချစ်မမွေးနေ့မှာ ဘလော့ဝင်မရဖစ်နေလို့ အီးကဒ်လေးပို့လိုက်တယ် ရလား

ဝှိုက်: မလေးမ မွေးနေ့လား Happy Birthday ပါနော် မွေးနေ့ကပြီးပြီထင်နေတာ အဲ့ဒါကြောင့် ပြန်လာဆုတောင်ပေးတာ ပျော်ရွှင်ပါစေရှင်

13 Jan 09, 16:40

ကြွက်မီ: Happy Birthday to you!!! :-)

အပြုံးပန်း: အွန်လိုင်းနဲ့ ရှစ်ရက်လောက် အဆက်ပြတ်သွားလို့ အခုမှပဲ လေးမရဲ့ စာတွေ ကမန်းကတန်း လာဖတ်ရတော့တယ်။ သုံးဆယ်ထဲကိုရောက်ပြီပေါ့။ ရာဇ၀င်ကောင်းတွေ များများချန်ထားနိုင်ပါစေ။

လင်းဒီပ: ရောက်လာပါတယ်..ကောင်းသောမွေးနေ့ပါ..

မှော်ဆရာ၊ ဖြိုးငယ် ၊ ကိုဂျူလိုင်၊ ပုံရိပ်၊ မလေး၊ စိုးမိုးလေး၊ မောင်မျိုး၊ ဘိုတင့် ၊ ဘိုညိမ်း၊ မစန်ဒါ၊ စုန်းမလေးနှင့် ကိုကို ၊  ဝေလေး ၊ ကြေးအိုးလေး.၊ ၀ှိုက်၊ မမ အပြုံးပန်း၊ မီ၊ မပန်ဒိုရာ ၊ ဝေလေး ၊ကိုလင်းဒီပ၊ ဘိုတင့်၊အစ်မ မနုစံ.. အားလုံးကို ကျေးဇူးတင်ပါတယ်..။ အဝေးကနေ ဖုန်းဆက် ဆုတောင်းပေးတဲ့ ချစ်သူငယ်ချင်း မိ.. နဲ့  အဝေးက ကဒ် ၆ ခု ပို့ ပေးတဲ့ သူငယ်ချင်း.. အားလုံးကို အမှတ်တရ သိမ်းရင်း ပို့ စ်အဖြစ်တင်လိုက်ပါတယ်…။

နောက်ဆက်တွဲ။ ။

နောက်ထပ် ဘာရသေးလဲ.. ဟုတ်လား.. ရှင်… ကောင်းကင်ကြီး ဆီကလား… သိချင်လို့ လား… ဘာမှမတောင်းပါဘူး… ဟင့်အင်း.. ဘာမှ မရပါဘူး .. အော်… မယုံဘူးလား… တကယ်… အင်း.. မောင်မျိုး.. ရေးထားလို့  သတိရသွားပြီး.. ဟိုလေ..ဟို… အင်း ၂၉ ခါ .. ဖြတ်… ( မီးပျက်သွားပြီ ) … :P။ ။

မုန်းကြည့်ပါသည်

ကိုဟန်သစ်ငြိမ် ဒီတစ်ခါရေးခိုင်းတာ တကယ်ခေါင်းစားသွားတယ်…။ လေးမ ကိုယ့်ကိုယ်ကို မုန်းတဲ့ အချက် သိပ်မရှိပါဘူး…။ ကိုယ့်ကိုယ်ကို အားမလိုအားမရဖြစ်ရတာတွေ အများကြီးရှိနေပေမယ့် မုန်းတယ်လို့  ပြောရမှာ ကိုယ့်ကိုယ်ကို အားနာတယ်…။ သိပ်တော် သိပ်ကောင်းနေလို့ တော့မဟုတ်ပါဘူး…။ ဟာ.. ဟ… လေးမ ကိုယ့်ကိုယ်ကို မုန်းတဲ့အချက် ၁၀ ချက်ပြည့်အောင် မနည်း စဉ်းစားရတယ်… သူများကို မုန်းတဲ့ အချက်တွေချည်းပဲ တန်းစီထွက်လာတယ်… သေရော.. ခက်ဘူးလား…။

လေးမရဲ့ မုန်းစရာ ၁၀ ချက်ကို ရှုစားကြပါရှင်..။ သူများတွေဘက်ကကြည့်ရင် လေးမမှာ မုန်းစရာအချက်တွေ ဒီထက်မက ရှိနေမှာပါ…။ လေးမကိုယ် လေးမ ပြန်ကြည့်တော့ ဒီလောက်ပဲ မြင်ပါတယ်…။

***** ၁။ အပျင်းထူခြင်း ( လေးမ ပျင်းလို့ ရရင် ရသလောက် ပျင်းပါတယ်ရှင်… တစ်နေ့ သေမှာပဲမို့  ရည်မှန်းချက်တွေလည်း သိပ်ကြီးကြီးမထားပါဘူး… အဲဒီ အကျင့် မုန်းစရာကောင်းပါတယ်… အကျင့်ဆိုးပါ.. )

***   ၂။ စကားမပြောလိုခြင်း ( ပြောဖို့ လိုတဲ့ အကြောင်းအရာကို သိုင်းသိုင်းဝိုင်းဝိုင်း ပြောတတ်ပေမယ့် … အလှူ..မွေးနေ့ .. ဧည့်ခံပွဲတွေမှာ လေးမ အမြဲ စိတ်အိုက်ရပါတယ်… အဲလိုနေရာတွေမှာ အာလပသလာပလို့ ခေါ်မလားမသိဘူး… အဲဒါတွေပြောပြီး ရယ်မော ခေါင်းငြိမ့်တဲ့ အရည်အချင်းမှာ အညံ့ဆုံးပါ..)

**    ၃။ ထမင်းမစားလိုခြင်း ( လေးမ မြန်မာမ ဖြစ်ပေမယ့် ထမင်းမကြိုက်ပါဘူးရှင်… ၀တ်ကျေတန်းကျေ ထမင်းစားနေတဲ့ ကိုယ့်ကိုယ်ကို အမြင်ကတ်ပါတယ်… မုန့်ပဲသရေစာ နှစ်ခြိုက်ပါတယ်.. )

**    ၄။ အစပ်မစားနိုင်ခြင်း ( အပူုအစပ်စားရင် အဆီကျတယ်.. ပိန်တယ်လို့  သိရပြီးကတည်းက အစပ်မစားနိုင်တဲ့ ကိုယ့်ကိုယ်ကို မုန်းမိတာပါပဲရှင် )

*****၅။ စိတ်ပျော့ခြင်း ( အရာတော်တော်များများကို ပြေပြေလည်လည်တွေး အရှုံးပေးတတ်တာ စိတ်ပျက်မိပါတယ်)

*      ၆။ ခါးခါးသီးသီး နာကျည်းတတ်ခြင်း ( လေးမ မုန်းမိတဲ့ သူတိုင်း နာမည်ပျက်သွားကြတာ… တိုက်တိုက်ဆိုင်ဆိုင် ၅ ယောက်လောက်ကြုံပြီးတဲ့အခါ ခါးခါးသီးသီး နာကျည်းတတ်တာ အကုသိုလ်တစ်ခု ပြုမိသလိုများဖြစ်နေသလားလို့  …။ အခုတော့ ဒီအကျင့်ကို ဖျောက်ပြီး မမုန်းမိအောင် .. ပြေလည်အောင်.. တွေးတတ်ဖို့  ကြိုးစားနေပါတယ်…)

***   ရ။ အားကစား ၀ါသနာမပါခြင်း ( ကိုယ်တိုင်လည်းမလုပ်… သူများလုပ်တာလည်း မကြည့်တော့… လေးမ… ကျန်းမာရေးနဲ့  မညီညွတ်ဘူး.. ဒီအကျင့်လည်း မုန်းစရာပဲ )

*      ၈။ ဆံပင်ညှပ်ဆိုင် မကြာခဏ သွားလိုခြင်း ( ဆံပင်ကိုတော့ အမျိုးမျိုးလုပ်ချင်နေတာပဲ… ညှပ်လိုက်.. ကောက်လိုက်…ဖြောင့်လိုက်… ဘာမှ မလုပ်ဖြစ်ရင် ဆံပင်ပေါင်းတင်တယ်… ဖယောင်းသွင်းတယ်… ဆံပင်ဆိုင်မရောက်တဲ့ လ … ဆိုတာမရှိဘူး… အဲဒီအကျင့်က ပက်ကျံ ကုန်သပေါ့ရှင်.. )

***   ၉။ အ၀တ်အစား မရွေးချယ်တတ်ခြင်း ( လေးမနဲ့  လိုက်ဖက်တဲ့ အ၀တ်အစား ဒီအသက်အရွယ်ရောက်နေတာတောင်… ဗိသုကာတစ်ယောက် ဖြစ်နေတာတောင်… မရွေးချယ်တတ်လို့  စိတ်ပျက်ရပါတယ်… ဘယ်သူဝယ်ပေး.. ရွေးပေးသလဲဆိုတော့… အမေ ၂ ယောက်နဲ့  ကိုကောင်းကင် ပါ…)

**** ၁၀။ တစ်ယောက်ထဲ နေလို ချိန် များခြင်း ( တစ်ယောက်ထဲ သက်မဲ့တစ်ခုခုနဲ့ ( ကွန်ပြူတာ.. စာအုပ်..) နေရတာ သိပ်ကြိုက်ပါတယ်… အဲဒီအတွက် သူက မငြိုငြင်ပေမယ့် ကိုယ့်ကိုယ်ကို ငြိုငြင်မိပါတယ်…)

ခင်မင်စွာနဲ့  လေးမကို ရေးခိုင်းတဲ့ ကိုဟန်သစ်ကို ကျေးဇူးတင်ပါတယ်…။ ဘာလို့ တင်သလဲဆိုတော့ သူများတွေ ရေးထားတာဖတ်ဖြစ်တိုင်း “ ငါဆိုရင် ဒီလို ရေးမိမှာ..” “ ငါရော ဘယ်လို စဉ်းစားမှာပါလ်ိမ့်..” “ ကျွန်မကတော့ ဒီလိုထင်တယ်.. ရှင်…” ဆိုတဲ့ အတွေးလေးက အမြဲကပ်ပါလာနေကျ ဖြစ်နေလို့ .. အဲဒီအတွေးတွေ ရေးချခွင့်ရအောင် ဖန်တီးပေးတဲ့ သူကို ကျေးဇူးတင်တာပါ…။ သူများတွေ ရေးနေတဲ့ ခေါင်းစဉ်တစ်ခုအောက်ကို ဘယ်သူမှ မဖိတ်ခေါ်ဘဲ ၀င်ရေးရမှာ ရှက်စရာကောင်းတဲ့အတွက် ဖိတ်ခေါ်တဲ့သူရှိတာ ဂုဏ်ယူပါတယ်…။

လေးမ ရေးတဲ့ စာကို ခင်မင်စွာ လာရောက် ဖတ်ရှုသွားကြသူများကို ကျေးဇူးတင်ပါသည်…။ ။

 

ဖြည့်စွက်ချက် ။ ။ * လေးတွေက comment မှာ လေးမနဲ့  တူတဲ့ အချက်တွေ ပြောပြသွားတဲ့ လူတွေကို ကိုယ်စားပြုတာပါ…။ အားရှိစရာကြီး လေးမ ရဲ့ မုန်းစရာကောင်းတဲ့ အရည်အချင်းတွေက လေးမ တစ်ယောက်ထဲမှာပဲ ရှိနေတာမဟုတ်ပါလား…ဟေး..ဟေး…။

အမေးအဖြေ

ကြာပြီလား

မကြာသေးပါဘူး…

မကြာသေးဘူးလား…

နည်းနည်းတော့ကြာပြီ

ဘယ်လောက်ရှိပြီလဲ

၅ နှစ်ပါ

ဘယ်တုန်းကပြည့်သွားတာလဲ

နိုဝင်ဘာလထဲမှာပဲ

ပျော်လား

အပျော်အတွက် လက်တွဲခဲ့တာမှမဟုတ်ဘဲ

စိတ်ချမ်းသာလား

ချမ်းသာတယ်

အဆင်ပြေတယ်မဟုတ်လား

ပြေပါတယ်…

ရန်ဖြစ်ဖူးလား

ဖြစ်ဖူးတယ်

ခဏခဏပဲလား

တစ်ခါ

ဘာလို့  ရန်မဖြစ်တာလဲ

ရန်ဖြစ်ရတာ ပင်ပန်းလို့ 

အားလုံးကျေနပ်စရာတွေချည်းပဲလား

မကျေနပ်တာတွေလည်းရှိတယ်…

မကျေနပ်တာကို ဘယ်လိုလုပ်လဲ

ကျေနပ်အောင်နေလိုက်တယ်

၅ နှစ်ပြည့်တဲ့ နှစ်ပတ်လည်နေ့ မှာ ဘာဖြစ်ချင်လဲ

သူ့ ဆီက လက်ဆောင်တစ်ခုခု လိုချင်တယ်…

သူက ပေးမယ်ထင်လား..

မထင်ဘူး…

တောင်းလိုက်ပါလား

မတောင်းဘူး

လက်ဆောင်မရရင် ဘယ်လိုလုပ်မလဲ

ကျွန်မကပဲ လက်ဆောင်ပေးလိုက်ပါ့မယ် …

ဒီစာဖတ်နေတဲ့သူတွေကို တစ်ခုခုပြောပါဦး

တကယ်ချစ်ခဲ့ပါတယ် ဆိုတာကတော့ လုပ်ဇာတ်မဟုတ်ပါဘူး ပရိတ်သတ်ကြီးရယ် … ။ ။

MyMyanmar ကို တစ်စစီဆွဲဆုပ်ခြင်း

ဒီနေ့   MyMyanmar Unicode System ကြောင့် လေးမ အချိန်တွေ တော်တော်ကုန်သွားပါတယ်..။ မနုစံရဲ့ သရဖူမဂ္ဂဇင်း အညွှန်းပို့ စ် ဖတ်ပြီး ကတည်းက download ချထားတဲ့   MyMyanmar ကို မနုစံက မသွင်းဖို့  အကြံပေးထားရက်နဲ့  မနေနိုင်မထိုင်နိုင် လက်ဆော့ပြီး သွင်းလိုက်မိတဲ့ ကိုယ့်ကိုယ်ကိုလည်း  အပြစ်တင်မိပါရဲ့…။   MyMyanmar သွင်းပြီးသကာလ လေးမရဲ့  Firefox Browser မှာ ဖောင့်ပုံစံတွေ ပြောင်းကုန်ပါတယ်..။ G-mail ဖတ်လို့ မရဘူး..။ Google search မှာ ဇော်ဂျီ နဲ့  ရိုက်ပြီး ရှာလို့  မရတော့ဘူး..။  Ie မှာတော့ သိပ်မပြောင်းဘူး..။ Zawgyi သုံးလို့ ရတယ်..။  Ie .. accessibility မှာ D:/ie.css ကို သုံးထားလို့  ထင်ပါရဲ့…။
ပထမတော့ Firefox ကြောင့်လို့  ထင်ခဲ့တယ်…။ ကို သင်္ကြန်လည်း အမျိုးမျိုး အကြံပေးတယ်…။ ဘယ်လို မှ အဆင်မပြေဘူး…။ ဒါနဲ့  တရားခံက   MyMyanmar ဆိုပြီး ပြန်ဖြုတ်ပါတယ်..။ အကုန် ဖျက်လို့ မရဘူး..။ Permission တောင်းနေတယ်..။ သေရော…။ အမျိုးမျိုးကြိုးစားတယ်… ။ မရဘူး…။
လေးမပဲ… ဘယ်လက်လျှော့လိမ့်မတုန်း…။ Cbox မှာ အော်ထားလိုက်တယ်..။ လေးမမှာ ဘလော့ဂါ မိတ်ဆွေ ကောင်းတွေ ရှိသားပဲ..။ လေးမ ဒုက္ခရောက်နေတာ ဘယ် လက်ပိုက်ကြည့်နေလိမ့်မတုန်း…။ မရရင် Twitter မှာ အော်ဦးမှာ…။ ပြီးတော့ ပို့ စ်တင်ပြီး အကူညီတောင်းဦးမှာ…။ စိတ်ထဲက တေးထားလိုက်တယ်…။
လေးမ တွက်ကိန်းမှန်ပါတယ်…။ ကို မှော်ဆရာက ၀င်ဖြေပေးသွားတယ်…။

ဒီမှာ ဒေါင်းလုဒ်လုပ်ပါ >> http://is.gd/15fz

ဒီလင့်ခ်မှာ ပါတဲ့ Total Commander ကို Zip File အမျိုးအစားကို ရွေးပြီး ဒေါင်းလုဒ် လုပ်လိုက်ပါ။ ပြီးရင် ရလာတဲ့ Software ကို Run လိုက်။ Window တစ်ခု parallel sub window ပုံစံနဲ့ တက်လာရင် စီထဲမှာ  မလေးမ ဖျက်ချင်တာကို ရွေးပြီးဖျက်လိုက်လို့ ရပြီ။ My Myanmar က ကျွန်တော် အရင် တစ်ခါ Install လုပ်တုန်းက – Cpanel ထဲမှာ Shortcut Icon တစ်ခုကတော့ လုံးဝ ဖျက်မရဘူး
မှော်ဆရာပြောသလို ဆက်လုပ်တာပေါ့..။ ဒါလဲမရပြန်ဘူး..။ ဖြစ်နိုင်ချေက လေးမ နည်းမျိုးစုံသုံးပြီး ဖျက်ထားလို့    MyMyanmar က အပြည့်မကျန်တော့ဘူး..။ နည်းနည်းပဲ ကျန်တာ…။ ဒါနဲ့ ..အဆိပ်ကို အဆိပ်နဲ့  ဖြေ” ကြည့်မယ်ဆိုပြီး   MyMyanmar ကို download ပြန်ချတယ်.. ပြန်သွင်းတယ်… မှော်ဆရာပြောတဲ့ နည်းနဲ့  ပြန်ဖျက်တယ်…။
မရပါဘူးရှင်…။
ဒါနဲ့  ကိုသင်္ကြန်သင်ပေးထားတဲ့ အတိုင်း  about:config မှာ ပြန်စစ်လိုက်တယ်…။ တွေ့ ပါပြီ …   MyMyanmar အခန့်သားကြီး… ( ပထမတစ်ကြိမ်သွင်းတုန်းစစ်တုန်းက မရှိဘူး)..။ နာကျည်းစွာနဲ့  ဖျက်လိုက်တယ်…   MyMyanmar နေရာမှာ လေးမချစ်တဲ့  Zawgyi-One သွင်းလိုက်တယ်…။ Restart ပြန်လုပ်လိုက်တော့ ရသွားပြီ…။ အရင်လို  Zawgyi ကမ္ဘာပြန်ဖြစ်သွားပြီ …။ MyMyanmar ကြီးကို C က ထုတ်လို့ မရလည်း နေပစေတော့ … Total Commander နဲ့  အပြုတ်ဆော်လိုက်ပြီ ။ သရဖူမဂ္ဂဇင်း ဖတ်လို့ မရလည်း နေတော့…။  နောင်ကို  MyMyanmar သွင်းဖို့   လုံးဝ မစဉ်းစားတော့ဘူး…( လောလောဆယ် စိတ်ကူး..နောင်ပြောင်းချင်ပြောင်းမည်) …။
ဘယ်သူတွေ ဘာအတွက် ဘယ်လိုကောင်းအောင် ကြိုးစားထားသလဲဆိုတာ ဥာဏ်မမှီလို့  နားမလည်ပေမယ့် ကိုယ့်စက်ထဲက ကိုယ့်သဘောအတိုင်း လွယ်လွယ်ကူကူ ဖျက်လို့  မရတာတော့ တော်တော် စိတ်ကုန်မိတယ်…(လေးမ အသုံးမကျတာကြောင့်လည်း ဖြစ်မှာပါလေ)..။
အကူအညီတောင်းချင်လို့ 
http://www.download.com/MyMyanmar%20of%20Technomation/3260-20_4-6286517.html ကို သွားကြည့် တော့လည်း …

Contact Info

  • Web site
    http://www.mymyanmar.net
  • Support Web site
    Not provided
  • Support e-mail
    Not provided
  • Support phone
    Not provided
    တဲ့ … ။ ကျေးဇူးကြီးမားလှပါပေတယ်..။
ဒီနေ့ ရလိုက်တဲ့ အကျိုးအမြတ်ကတော့ မသိသေးတာတွေ အများကြီးသိခွင့်ရလိုက်ပြီး  ဘလော့ရေးမိတဲ့ အတွက် ကူညီနိုင်တဲ့ မိတ်ဆွေတွေ ရရှိတယ် ဆိုတဲ့ အခွင့်ထူးတစ်ခုကို သေသေချာချာ ခံစားလိုက်ရပါတယ်…။
ကိုသင်္ကြန် နဲ့  ကိုမှော်ဆရာကို အထူးကျေးဇူးတင်ပါတယ်…။ နောင်ကိုလည်း ကူညီကြပါဦး…။ နောက်ထပ်ကူမယ့် ကယ်မယ့်သူများကိုလည်း  မျှော်ပါတယ်..ရှင်…။
*************************************************************
မှတ်ချက် ။   ။   MyMyanmar ကို ဘယ်အဖွဲ့ အစည်းက လုပ်တယ်ဆိုတာ မသိပါဘူး.. မလေ့လာထားပါဘူး.. စိတ်လည်းမ၀င်စားပါဘူး… ။ လေးမ သုံးလို့  အဆင်မပြေလို့  ( လက်သုံးတော် ဓါးကိုမှ… ယောင်မှားကာကိုင် ) ဆိုတဲ့ အတိုင်း လက်သုံးတော် ဘလော့မှာ ပို့ စ်တင်လိုက်တာပါ…။ ရေးမှား ဆိုမှား ရှိရင် ၀င်ဆုံးမသွားနိုင်ပါတယ်… ဆဲသွားရင်တော့ ဘလော့ပိုင်ရှင်က ခွင့်မပြုပါဘူး..။

လူသား ဘ၀

လူသား ဘ၀ကို ဘယ်လို ခံယူသလဲ .. ( ဒီမေးခွန်းကို နောက်ဆုံးမှ ဖြေပါ့မယ် )

ဘာတွေ လုပ်သွားမှ လူဖြစ်ရတာ တန်တယ်ထင်သလဲ။

ဘာလုပ်သွားမှ တန်တယ်ထင်သလဲ။

ဘာလုပ်သွားမှ တန်တယ်ထင်သလဲ… တဲ့…။

စပ်မိစပ်ရာက လူပြိုကြီး … အာပြဲ ကြီး နဲ့ ထအော်လိုက်လို့  ငိုက်မျဉ်းနေတဲ့ လေးမ လန့် နိုးသွားပါတယ်…။

လေးမ ရဲ့ ဘ၀ နဲ့  စိတ်ကူးတွေက သိပ်ပြီး သမရိုးကျ ဆန်လွန်းပါတယ်..။ ခုမှ အိပ်ယာက လန့်နိုးသွားသလို ပဲ ..။ လေးမ လူဖြစ်ရတာ တန်ခဲ့ပြီလား…။ တန်ရဲ့လား…။ တန်ပါ့မလား…။ တစ်ခါမှ ကိုယ့်ကိုယ်ကို ပြန်မမေးဖူးတဲ့ မေးခွန်းကို အခု ပြန်မေးကြည့်ရတော့မယ်…။ တစ်ခါမှ မတွေးဖူးခဲ့တာတွေကို စိတ်ကူးကြည့်ရတော့မယ်…။ လူဆိုတော့ ဖြစ်ချင်တာ … လုပ်ချင်တာတွေ က အများသား…။ General ကျတာတွေကို ဖယ်ထားပြီး သမရိုးကျမဟုတ်တဲ့ ဆန္ဒတွေကို ချရေးကြည့်မယ်…။

 

ဒါတွေ လုပ်ခဲ့ပြီးလို့  လူဖြစ်ရတာ တန်တယ် လို့  ထင်တယ်..။

၁။ နောက်ဆုံးနှစ်မှာ ဆရာတွေ တားနေတဲ့ ကြားက … ဆရာအများစု သဘောမတူတဲ့ ခေါင်းစဉ်နဲ့  ဘွဲ့ ယူစစ်တမ်းတင်သွင်းပြီး ဂုဏ်ထူးရအောင် ယူခဲ့တယ်..။ ခုချိန်ထိလည်း အဲဒီ Thesis ကို အားရတယ်… တွေးမိတိုင်းကျေနပ်တယ်… ။

၂။ ခွေး အကြီးစားမွေးချင်တယ် … ခု အယ်ဇေးရှင်း ၃ ကောင် မွေးထားတယ်..။

၃။ စာရေးချင်တယ်… စာရေးဆရာ မဖြစ်ချင်ဘူး… စာရေးချင်တယ်… အခု ဘလော့ဂ်မှာ ရေးနေတာ တစ်နှစ်ကျော်သွားပြီ…။

 

ဒါတွေတော့ လုပ်ချင်တယ်… ခက်ခက်ခဲခဲ မပါ ပါဘူး…

၁။ ကားကို ကိုယ်တိုင်မောင်းချင်တယ်..။ (ဆယ်တန်းအောင်ပြီးစက ကားမောင်းသင်ခဲ့ပေမယ့် အဖေက စိတ်ပူလို့  မမောင်းခဲ့ရဘူး… အခုလည်း သူက စိတ်မချလို့  မမောင်းရဘူး… ဒီလိုနဲ့  မမောင်းတတ်တော့ဘူး.. ။ )

၂။ လေးမတို့  နေဖို့  လေးမ စိတ်ကြိုက် အိမ်တစ်လုံး ( ရေကူးကန်ပါထည့်ချင်တယ်) .. လေးမ ကိုယ်တိုင် ဒီဇိုင်းဆွဲပြီး ဆောက်ချင်တယ်… ။ လေးမ သေသွားတဲ့ အခါ လေးမ ဖန်တီးခဲ့တဲ့ လက်ရာမှာ လေးမရဲ့ အငွေ့  အသက်တွေ နဲ့  လေးမရဲ့ မိသားစုကို ကျန်ခဲ့စေချင်တယ်..။

၃။ မြန်မာပြည် က ထင်ရှားတဲ့ နေရာတွေ အကုန်ရောက်ချင်တယ်…။ လောလောဆယ် မြစ်ဆုံ အရင်သွားချင်တယ်…။ နောက်ဆို မြစ်ဆုံက… ရှိတော့မှာ မဟုတ်ဘူး..။ ကော့သောင်း သူဌေးကျွန်းသွားမယ်…။

၎။ စင်္ကာပူ.. ဘန်ကောက် … ကိုရီးယား.. ( မဲဆောက်… တကာပေါ်လို့  ထပ်ဖြည့်သည် ) ကို shopping ထွက်ချင်တယ်… ။ ဂျပန် နဲ့  ရုရှား မှာ လျှောက်လည်ချင်တယ်…။ ( ဘလော့ဂ်ဂါ သူငယ်ချင်းတွေက အစားအသောက်နဲ့  ကြိုဆိုကြလိမ့်မယ်လို့ မျှော်လင့်ထားတယ်…။)

၅။ အီတလီ.. ပြင်သစ်က ကမ္ဘာကျော် နေရာတွေကို သွားကြည့်ချင်တယ်..။

လူသားဘ၀ ကို ဒီလို အဓိပ္ပါယ်ဖွင့်မယ်

လူသား  မှန်ရင် … လူပီသရမယ်.. လူသားဆန်တဲ့ အလုပ်တွေ လုပ်ရမယ်.. (ဒါပေမယ့် တိရစ္ဆာန်တွေကို အတုယူသင့်တဲ့ နေရာမှာလည်း အတုယူဖို့ လိုအပ်တယ်…။)

ဘ၀ မှန်ရင် … ရုန်းကန် လှုပ်ရှားနေရမယ်… ငြိမ်သက်မနေရဘူး…။

လူသားဘ၀ ဆိုတာ … ဘာသာရေး..ပတ်ဝန်းကျင်… အသိတရား.. လူပုဂ္ဂိုလ်တွေရဲ့  လွှမ်းမိုး တိုက်တွန်းမှုမပါဘဲ … ကိုယ်စိတ်အားထက်သန်နေတဲ့ အလုပ်.. အနည်းဆုံး တစ်ခုလောက်တော့ ကျေကျေနပ်နပ် နောင်တမရဘဲ လုပ်လိုက်နိုင်ရင် အဓိပ္ပါယ် ရှိလိမ့်မယ် …။

 

စိတ်ကူးတွေကို နှိုးဆွပေးတဲ့ စပ်မိစပ်ရာက ကို သင်္ကြန်ကို ကျေးဇူးတင်ပါတယ်…။

လူဖြစ်ရတာ တန်အောင် တွင်းအောင်း ဂျယ်ရီ နဲ့  ညီမငယ် ဝေလေး က ဘာတွေ လုပ်သွားမလဲ ဆိုတာ မျှဝေစေချင်ပါတယ်…။ အဆင်ပြေရင်ပြောကြပါဦး..။<–>

လေးမနှင့် နာရီ

/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:””;
mso-padding-alt:0in 5.4pt 0in 5.4pt;
mso-para-margin:0in;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}


“နင်သေရင် တမလွန်မှာ အချိန်တွက်လို့ ရအောင် နာရီ တစ်လုံးထည့်ပေးလိုက်မယ် ” လို့  ပြောခဲ့ဖူးတဲ့ သူငယ်ချင်းဆီက မမျှော်လင့်ဘဲ နာရီတစ်လုံး လက်ဆောင်ရခဲ့တယ်…။

လေးမ သေရတော့မှာလား…

( ဟား… ဟား… မမျှော်လင့်ဘဲ တိုက်ဆိုင်သွားတာဆိုတာ ငါသိပါတယ် … မိ ) ။

သူငယ်ချင်းရေ … လေးမ အရင်လို နာရ်ီတွေကို လိုက်မဖမ်းတော့ဘူး…

( နာရီတွေကပဲ လေးမ ကို လိုက်ဖမ်းနေတာ ) ။

အချိန်တွေကိုလည်း ဂရုမစိုက်တော့ဘူး… ။

နာရီ မပတ်တာ ကြာပြီ သူငယ်ချင်းရေ …

( နာရီတွေ ပျက်ကုန်လို့  .. ) … ။

လေးမရဲ့ လက်တွေကို လွတ်လပ်နေစေခဲ့တာ ကြာပြီ .. ကြာခဲ့ပြီ .. ။

နာရီ .. ဟန်းချိန်း .. လက်စွပ်တွေကို အဆင်တန်ဆာလို့  မမြင်နိုင်ဘဲ လက်မှာ နွယ်တွေ လာညှိနေတယ်လို့  ခံစားတတ်နေတယ်…

( အ၀တ်လျှော်ရ .. ပန်းကန် ဆေးရဆိုတော့ သူတို့ နဲ့  မဖြစ်ဘူးလေ .. ) ..။

ဘယ်လောက်ထိ အနှောင်အဖွဲ့  ကင်းနေသလဲ ဆိုတော့ လက်ထပ်လက်စွပ်တောင် ချွတ်သိမ်းထားတယ်…။

( လက်သူကြွယ် ၀လာလို့  ကျပ်နေလို့ ဟေ့ … ) ။

လေးမရဲ့ လက်နှစ်ဖက်လုံး ဘာမှ မ၀တ်ထားဘူး..။

ဗလာ .. ဗလာ … လက်ဗလာ .. ။

သူငယ်ချင်းပို့  လိုက်တဲ့ နာရီလေးကို ကြိုက်တယ်…။

နေ့ တိုင်းတော့ မပတ်ဖြစ်ဘူး… ။ မကြာမကြာတော့ ပတ်တယ် …။

အချိန်တွေကို စိန်စီပေးလိုက်တဲ့ သူငယ်ချင်းကို ကျေးဇူးတင်တယ်…။

နာရီတွေ မိနစ်တွေ ဒိုင်ခွက်ထဲမှာ ပတ်ချာလည် ပိတ်မိနေတာကို လည်း သဘောကျတယ် ( ညစ်ကျယ်ကျယ် အတွေး ) …။

နာရီ လက်တံတွေ ပတ်ချာလည်နေသလို … ဒိုင်ခွက်ထဲက နံပါတ်တွေကို ခဏခဏ ပြန်ရောက်သလို …

ငါတို့ ရဲ့ အတိတ်တွေ .. ပျော်စရာ ဘ၀လေးတွေလည်း ပတ်ချာ လှည့်ပြီး ခဏခဏ ပြန်ပြန်ရောက်လာရင် သိပ်ကောင်းမှာပဲ လို့  တွေးနေမိတယ် .. သူငယ်ချင်း…။