Feeling 28

Feeling 28 ( 1 )

အကယ်ဒမီ စိုးမြတ်သူဇာက ၃၅ နှစ်မြောက် မွေးနေ့ အထိမ်းအမှတ်အဖြစ် ခံစားမှု ၃၅ ဆိုတဲ့ စာအုပ်ထုတ်ဝေခဲ့တယ်…။ လေးမကလည်း ခေတဲ့သူမှမဟုတ်ဘဲ … အကယ်ဒမီ ၁၅ ထပ်ကွမ်းလေ ( မောင်မျိုးပေးတာ)….။ ဒီတော့ ရေးမှာပေါ့… လာပြီ..ခံစားမှု ၂၈…။

လူတိုင်းမှာ သူတို့ ဖြတ်သန်းခဲ့ရတဲ့ ရက်စွဲတွေ … သက္ကရာဇ်တွေ ကိုယ်စီရှိကြပါတယ်…။

အဲဒီရက်စွဲတွေထဲမှာ ရေးမချထားပေမယ့် သတိရစရာတွေ..၀မ်းနည်းစရာတွေ …ပျော်စရာတွေ… မေ့သွားတာတွေ… မှတ်မိနေတာတွေ အများကြီးပါပဲ …။

လေးမရဲ့ ၂၇ နှစ်တာဖြတ်သန်းလာတဲ့ လမ်းဟောင်းလေးကို ပြန်ငဲ့ကြည့်ရင်း မှတ်မှတ်ရရ မှတ်တမ်းလေးတစ်ခု ရေးထားချင်လာတယ်…။

ဝန်ခံစရာတစ်ခုက ဒီမှတ်တမ်းထဲမှာ ကိစ္စတော်တော်များများနဲ့ … သောကတွေ … မျက်ရည်တွေကို ချန်လှပ်ထားခဲ့ပါတယ်….။

၁၉၈၀ … ဇန်န၀ါရီလရဲ့ နေ့တစ်နေ့မှာ လေးမ လူ့လောကထဲ ရောက်လာပါတယ်…။

သမီးတစ်ယောက်ရှိပြီးသားမို့ သားယောက်ျားလေး လိုချင်နေတဲ့ မေမေက ဘာလေးလဲဆရာမ… မိန်းကလေး..လို့လဲဖြေရော… ဟင်…ဆိုပြီး ဟိုဘက်လှည့်သွားခဲ့မိတယ်လို့ မေမေက အမြဲပြောပါတယ်…။

အဲလိုပြောခဲ့ပေမယ့် မေမေက လေးမကို သိပ်ချစ်ပါတယ်…။

လေးမ ၁၆နှစ်အထိ အမေမပါတဲ့ ခရီးဆိုလို့ တစ်ခါပဲသွားဖူးပါတယ်…။ ခုချိန်မှာ မေမေ အားအကိုးဆုံးကလည်း လေးမပါပဲ…။

ဖေဖေကတော့ တာဝန်ကျနေတဲ့နေရာကနေ အပြေးအလွှား ဆေးရုံကိုလာကြည့်တော့ ဆရာမ ချီလာတဲ့ ကလေးလေးက pink color လေးလို့ပြောပါတယ်…..။

လေးမ ငယ်ငယ်က ဖေဖေက pink လေးလို့ခေါ်ပါတယ်…။

၃နှစ်သမီးအရွယ်က ..အမေရိုက်လို့ အဖေနဲ့ သွားတိုင်မယ်ဆိုပြီး အမေအ၀တ်လျှော်နေတဲ့ အချိန်မှာ အိမ်တံခါးလှပ်ပြီး အိမ်ပေါ်က ဆင်းသွားဖူးပါတယ်…။

၎ နှစ်သမီး အရွယ် မူကြိုစတက်တဲ့ အချိန်မှာ “ သမီးကို သူများ လာလုပ်ရင် .. မခံလာနဲ့..ပြန်သာလုပ်ပစ်ခဲ့..” လို့ အမေမှာလိုက်တဲ့ စကားကို သေချာလိုက်နာခဲ့တဲ့ အတွက် လေးမရဲ့ ကျောင်းရာဇ၀င်မှာ လေးမ ခံလာရတယ်ဆိုတာ မ၇ှိခဲ့ပါဘူး…

သူများကို ရန်စခြင်းမရှိသော်လည်း မကျေနပ်လျှင် ခြေထောက်ကလေးတော့ ထိုးခံပစ်တတ်သည့် ညစ်ကျယ်ကျယ် လူဆိုးလေး ဖြစ်ခဲ့ပါတယ်…။

၅ နှစ်ကနေ ၁၆ နှစ် အထိ မိန်းကလေးကျောင်းမှာ ပညာသင်ယူခဲ့ပါတယ် …

တပ်မတော်နေ့ ဥာဏ်စမ်း ရေးဖြေပြိုင်ပွဲတွေမှာ စစ်သီချင်း တစ်ပုဒ်မှ ဆုံးအောင်မရေးပြနိုင်ဘဲ တလွဲတွေချည်း ဖြေတတ်ပေမယ့် မိခင်နဲ့ကလေးစောင့်ရှောက်ရေးက ကျင်းပတဲ့ ကျန်းမာရေးဗဟုသုတ စာမေးပွဲတွေအတွက်တော့ “အထူးအောင်” ဆိုတဲ့ မှတ်ချက်ရေးထားတဲ့ အောင်လက်မှတ် ၃ ခု ပိုင်ဆိုင်ခဲ့ပါတယ်…။

ဒါပေမယ့် ဆရာဝန်တစ်ယောက် မဖြစ်ချင်ခဲ့ပါဘူး…။

ဆယ်တန်းဖြေပြီး အောင်စာရင်းစောင့်နေတဲ့ အချိန်ကစပြီး တက္ကသိုလ်မတက်ခင်အထိ study guide အဖြစ်ပိုက်ဆံရှာခဲ့ပါတယ်…။

မနက် ၇ နာရီကနေ ကျောပိုးအိတ်တစ်လုံးနဲ့ ထွက်လိုက်တာ ည ၉ နာရီခွဲအထိပါ … ညပိုင်းက အိမ်ပေါ်ထပ်က ညီမလေးကို Guide လုပ်ပေးတာပါ …။

ထို့နောက် မန္တလေးမှာ တက္ကသိုလ် ကျောင်းသူဘ၀ကို ပျော်ရွှင်စွာ … လေးနက်စွာ …အဓိပါယ်ပြည့်ဝစွာ ဖြတ်သန်းခဲ့ပါတယ်…။

၁၈ နှစ်သမီးကတည်းက အမေ့ အိမ်နဲ့ ခွဲသွားလိုက်တာ ဒီနေ့အထိ သမီးကို အမေ လက်လွှတ်ခဲ့ရတယ် လို့ မေမေက မကြာခဏပြောခဲ့ပါတယ်…။

Feeling 28 ( 2 )

တက္ကသိုလ်တက်စမှာ မိန်းကလေး ကျောင်းကလာပြီး အစ်ကိုတွေ မောင်တွေ မရှိသူမို့ ယောကျာ်းလေးတွေကို သိပ်ကြောက်ခဲ့ပါတယ် …။

စကားလာပြောရင်လည်း ပြန်မပြောရဲ…စရင်လည်းမရီရဲ … မြှားနဲ့ပေါက်ရင်လည်း လှည့်မကြည့်ရဲ …။

သိပ်ကြီးကျယ်တာပဲဆိုတဲ့ ဂုဏ်ပုဒ်ကို ခံယူခဲ့ပါတယ်…။

နောက်တော့ ကျောင်းကမဟုတ်တဲ့ အပြင်က အစ်ကိုလေးယောက်နဲ့ မိတ်ဆွေတွေ ဖြစ်လာတဲ့အခါ ယောက်ျားလေး မိတ်ဆွေတွေက အင်မတန် ကူညီတတ်တယ်ဆိုတာ သဘောပေါက်သွားပါတယ်….။

အစ်ကိုတွေက ကျောင်းကဆွဲခိုင်းတဲ့ Drawing တွေအတွက် အမြဲကူညီပေးခဲ့သလို .. .ကျွန်တော်တို့ကို သစ်ရွက်မျိုးစုံရှာပေးပါဗျာ ဆိုရင်လည်း သစ်ရွက်မျိုးစုံကို လွယ်အိတ်အနီကြားကြီးထဲ ထည့်ပြီး.. မန္တလေးကနေ ပုသိမ်ကြီးအထိ ခရီးဝေးကို လာပေးပါတယ်…။

အရောင်တွေ စပ်လို့ မရဘူးဗျာ ဆိုရင်လည်း ငါတို့ စပ်ကြည့်မယ်ဆိုပြီး အဆောင်ရှေ့က မြက်ခင်းပေါ်မှာ အားရပါးရထိုင်ပြီး အရောင်တွေ စပ်ကြပါတယ်…။

ဆရာ က ဌာနကို တိုင်းခိုင်းတဲ့ အခါမှာလည်း သူတို့ပဲ ပေကြိုးကိုင်ပြီး တိုင်းပေး.ကူပေးခဲ့ကြတာပါ…။

မန္တလေးတောင်ပေါ်မှာ… အိမ်တော်ရာ ဘုရားမှာ…. တောင်သမန်အင်းမှာ … ၀က်သားတုတ်ထိုးဆိုင်မှာ …ဈေးချိုထဲမှာ … ရတနာပုံ ကစားကွင်းမှာ … အသုတ်ဆိုင်မှာ… မုန့်ပျစ်သလက်ဆိုင်မှာ … ဘီသုံးလုံးမှာ လေးမတို့ ၇ ယောက်ရဲ့ ခြေရာတွေ … ခုချိန်မှာ ပြန်ရှာတွေ့နိုင်ပါဦးမလား…။

အဆောင်က မိန်းကလေးတစ်ချို့ရဲ့ ဘယ်တစ်ယောက်နဲ့ ဘယ်သူနဲ့ ကြိုက်သွားမလဲ ဆိုတဲ့ ခပ်တိမ်တိမ်အတွေးတွေကို မောင်နှမလို … သူငယ်ချင်းလို အဖြူရောင် သံယောဇဉ်တွေက အပြတ်အသတ်အနိုင်ယူနိုင်ခဲ့ပါတယ်…။ နောက်တော့ ကျောင်းတွေ…အလုပ်တွေနဲ့ ဝေးကွာသွားလိုက်တာ ခုထိ ပြန်မဆုံကြတော့ဘူး…။

ရန်ကုန်မှာ ပညာဆက်သင်တဲ့အချိန်မှာတော့ … ကာလအကြာကြီး အိပ်မောကျနေခဲ့ရှာတဲ့ … လေးမရဲ့ ဖူးစာရေးနတ်ကြီးက ဗြုန်းဆိုနိုးလာပြီး မြှားနဲ့ထပစ်ပါတယ် …။

မြှားမှန်သွားတဲ့ သေရာပါဒဏ်ရာကြောင့် ၂၀၀၃ မှာ “ ရှေ့က လျှောက်မှာလား.. နောက်ကလိုက်မှာလား ” ဆိုတဲ့ မေးခွန်းနဲ့ ကမ်းကြိုလာတဲ့လက်ကို “ ဘေးက လိုက်ရင် အိုကေလား..” လို့မေးရင်း လှမ်းခိုလိုက်ပါတော့တယ်….။

Feeling 28 ( 3 )

တကယ်တော့ ဒီအကြောင်းကို ချန်ထားမလို့ပါဘဲ… ဒါပေမယ့် မောင်မျိုးက ရယ်ချင်သတဲ့လေ… ဆီပုံးမှာ လာအော်သွားတယ်…။ လေးမရဲ့ အဖြစ်ကို ဖတ်ပြီး ရယ်ပေဦးတော့ သူငယ်ချင်းတို့ရေ…။

အဲဒီနေ့က သတို့သမီးလေး သိပ်လှနေတာပေါ့( ကိုယ့်ကိုယ်ကို ထင်တာ )..။ မြန်မာသတို့သမီး ၀တ်စုံလေးနဲ့ မင်းသမီးလေးလို ၀တ်ထားတာလေ…။

ဝတ်စုံဝတ်ပြီးသွားတဲ့ အချိန်မှာ အရမ်းစိတ်လှုပ်ရှားလာပြီး Rest room ခဏ၀င်မယ်ဆိုပြီး ၀င်လိုက်ပါတယ်…။

ရေချိုးခန်းထဲရောက်တော့ လက်ထဲက tissue လေး ပြုတ်ကျသွားလို့ ကုန်းကောက်လိုက်တယ်…။

အဲဒီမှာ သွားရော..ကျပ်နေအောင်ချုပ်ထားတဲ့ အကျီင်္က လက်မောင်းချုပ်ရိုးတွေ ပြုတ်ကုန်ရော…။

ငိုမဲ့မဲ့ နဲ့ ရေချိုးခန်းထဲက ပြန်ထွက်လာတဲ့ သတို့သမီးကိုကြည့်ပြီး အားလုံးလန့်သွားပါတယ်…။

အပ်ချည်အ၀ါရှာပြီး ၀တ်ထားတဲ့ အကျီင်္မှာ လက်နဲ့ ကိုယ်ထည်ပြန်တွဲပေးနေတော့ အပ်စူးမှာလည်းကြောက်…

တောင်ရှည်..ခေါင်းပေါင်းနဲ့ သတို့သားကလည်း ပြီးသေးဘူးလား… အချိန်နီးနေပြီ ဆိုပြီး အပေါက်ဝမှာ ရစ်သီရစ်သီလာလုပ်နေတော့ ဇောချွေးတွေ ပိုးပိုးပေါက်ပေါက်ကျလာပါတယ်…။

မိတ်ကပ်မာမီကတော့ ချွေးပြန်နေတဲ့ မျက်နှာကို မိတ်ကပ်လိုက်ဖို့ရင်း သမီးလေး.. စိတ်လျှော့ထား… ဘာမှ မဖြစ်ဘူး..အေးအေးဆေးဆေးပဲ… လှလှလေးပြုံးနေလို့ပြောပါတယ်…။

သူတို့ပြင်ဆင်တာပြီးတာနဲ့ စိတ်မြန်တဲ့ သတို့သမီးဟာ ထိုင်မသိမ်းကို မပြီး မိတ်ကပ်ခန်းအပြင်ဘက်ကို ဇိုးဇိုးဇတ်ဇတ်နဲ့ ထွက်လိုက်ပါတယ်…။

ပွဲထွက်ဖို့ သတ်မှတ်ထားတဲ့ အချိန်ရောက်နေပြီမို့ စတိုင်လ်နဲ့ မလျှောက်နိုင်တော့ပါဘူး…။

မိတ်ကပ်မာမီတစ်ယောက်က ဟဲ့..သတို့သမီး..ဖြည်းဖြည်း ..စိတ်လျှော့….နဲ့ အော်ရှာပါတယ်…။

သတို့သားနဲ့ လက်ချင်းချိတ်လိုက်မှပဲ သူတို့သမီးနြေ္ဒရသွားပါတယ်…။

ခန်းမထဲကို ၀င်ဖို့ လှေကားကဆင်းလာပါတယ်…။

ဗွီဒီယိုရိုက်တဲ့သူက အော်တယ်… စကားလေးပြောပြီး ဆင်းလာပါ..အသက်ဝင်အောင်လို့ပါ တဲ့…

သူကငဲ့ကြည့်ပြီး..

ပျော်လား..

အင်း…အဟင်း…ဟိုလေ …. စူးနေတယ်

ဟင်..ဘာလဲ…ဘာစူးတာလဲ…

ပြုံးပြုံးလေး ခင်ဗျာ တဲ့ ( ဓါတ်ပုံဆရာက အော်နေတယ်)

ဟိုလေ.. ထိုင်မသိမ်းမှာ ထိုးထားတဲ့ ပင်အပ်..ပင်အပ်တွေက ခြေလှမ်း လှမ်းလိုက်တိုင်း စူးနေလို့…

အန်… ဘယ်လိုလုပ်ကြမလဲ

ဘယ်လိုမှ လုပ်လို့မရတော့ဘူးလေ…

အသာလေးထိန်းလျှောက်နော်…မဲ့ရင် ဓါတ်ပုံထဲမှာ မလှဘဲနေမှာနော်… သည်းခံလိုက်နော် …တဲ့…။

အခွေထဲမှာ အသံမပါလို့သာ တော်တော့တာပေါ့…။

လှချင်ပါတယ်ဆိုမှ အဲဒီနေ့က ……။

အော် ….. မင်္ဂလာဆောင်တယ်ဆိုတာ ထင်သလောက်မလွယ်ပါလားနော်…။

အဲဒီအဖြစ်လေးက အဲဒီတုန်းက ..စိတ်ညစ်စရာ…ခုတော့ ရယ်စရာလေး ဖြစ်သွားပြီ…။

အဲဒီတုန်းက ၀မ်းနည်းပြီး ခုထိစိတ်မကောင်း ဖြစ်ခဲ့ရတာကတော့ … အဲဒီနေ့က အိမ်မှာ ဖေဖေ မျက်ရည်ကျသတဲ့….။ ။

Feeling 28 ( 4 )

၂၀၀၄၊ ၂၀၀၅ ၊ ၂၀၀၆ ၊ ၂၀၀၇ ဆိုတဲ့ ခုနှစ်တွေက လူတစ်ယောက်ကို သူကိုယ်တိုင်တောင် သတိမပြုမိလိုက်ဘဲ ပြောင်းလဲ သွားဖို့ တော်တော်လုံလောက်တဲ့ အချိန်ကာလတွေ ဖြစ်လို့နေပြန်ပါတယ်…။

သိပ်မထူးခြားလှတဲ့ ပြောင်းလဲမှုတချို့ကို ပြောပြရရင်….

၁။ မိဘအိမ်မှာ အမေချက်ကျွေးတာစားပြီး ကျောင်းမှာ အဆောင်က ကျွေးတာစား.. သူငယ်ချင်းတွေ ချက်တာစားနဲ့ ဇိမ်ကျကျ နေခဲ့တဲ့ မိန်းကလေးတစ်ယောက် မီးဖိုထဲကို ချက်ပြုတ်နည်း စာအုပ်တွေ ကိုင်ပြီး ယောင်တိယောင်ကန်းနဲ့ ၀င်ရောက်ခဲ့ရတဲ့ ဘ၀ကနေ… မီးဖိုထဲမှာ နေသားတကျ ဖြစ်နေတဲ့ အိမ်ရှင်မတစ်ယောက်ဖြစ်လာခဲ့တယ်…။

မှတ်မှတ်ရရ..အမေ့ကို “ မေမေ ဘာလို့ သမီးကို ဟင်းချက်နည်းတွေ သင်မပေးလိုက်သလဲ ဆိုတာ သမီး သိပြီ.. ဟင်းချက်ရတာ သင်စရာမှ မလိုဘဲ…သိပ်လွယ်တာပဲ … အခြေခံသဘောတရားကလည်း တူတူပဲ …ကိုယ်စားဖူးတာတွေ စဉ်းစားပြီး ဘာတွေ ပါလဲ စဉ်းစားပြီး စိတ်ကူးပေါ်သလို ချက်လိုက်ရုံပဲနော်..” လို့..ပြောဖြစ်ခဲ့ပါတယ်။

ဟုတ်ပါတယ်… သမရိုးကျ အိမ်မှာစားတဲ့ ဟင်းလောက်ကတော့ very easy ပါ…။

ခုဆိုရင် မလုလုဆီက ခိုးလာတဲ့ ဟင်းချက်နည်းတွေနဲ့ ပိုတောင် အလုပ်ဖြစ်နေပါသေးတယ်…။ ဒါကြောင့် မီးဖိုချောင်မ၀င်ဖူးတဲ့ မိန်းကလေးကို ယောက်ျားလေးတွေ အထင်မသေးပါနဲ့ … ခေါင်းမရမ်းပါနဲ့… ။အချိန်တန်ရင် သူ့ဟာသူဖြစ်သွားလိမ့်မယ်… လို့ ကိုယ်တွေ့ နဲ့ ယှဉ်ပြီး..ပြောချင်ပါတယ်…။

၂။ ဈေးထဲမှာ ဈေးသည်တွေ ရန်ဖြစ်တာကို တစ်ခါတွေ့ဖူးကတည်းက ဈေးသည်တွေကို ကြောက်ပြီး ဈေးမဆစ်ရဲခဲ့တဲ့ မိန်းကလေးက ခုတော့

ဟေ့ဘော်ဒါ… ဟေ့သူငယ်ချင်း …အန်တီ…. ဦးလေး… အဖွား.. အဆင်ပြေသလို ခေါ်ပြီး မရမက အဆစ်တောင်း..ဈေးဆစ်တတ်နေပါပြီ…။

၃။ တစ်ချိန်တုန်းက အချိန်ကုန်မှာစိုးလို့ အပို အလုပ်တွေ သိပ်မလုပ်… တီဗွီတောင်သိပ်မကြည့်ခဲ့လို့ သူငယ်ချင်း “မိ” ကတောင်ပြောခဲ့တယ်…

“ နင်သေရင် နာရီတစ်လုံး ထည့်ပေးလိုက်မယ်… အချိန်ကြည့်ပြီး အလုပ်လုပ်လို့ရအောင်လို့…” တဲ့…။

ခုတော့ အချိန်တွေကို မကုန်ကုန်အောင် ထိုင်ဖြုန်းပစ်နေတတ်တယ် ( ကွန်ပြူတာရှေ့မှာလေ ) …။

“မိရေ..နာရီ..မထည့်ပေးနဲ့တော့နော်… ငါ့ blog လေးထည့်ပေးလိုက်ရင် ကျေနပ်ပါပြီ…”…

၎။ တစ်ခါတုန်းက အားလုံးရဲ့ ရှေ့မှာ ရှိနေရမယ်ဆိုတဲ့ လောဘတွေနဲ့ လောင်မြိုက်ခဲ့တဲ့ … ကိုယ့်အတ္တွနဲ့ ကိုယ် ချောင်ပိတ်မိခဲ့တဲ့ … ရုပ်ကလာပ်တစ်ခု လောင်ကျွမ်းလို့

အခြေအနေတိုင်းကို ကျေနပ်တင်းတိမ်နိုင်အောင် ကြိုးစားရင်း… ရည်မှန်းချက်ကြီးကြီး… မျှော်လင့်ချက် များများတွေကို သေးသေးလေးတွေ အဖြစ်ပုံစံပြောင်းခဲ့တဲ့ နာမ်ရုပ်တစ်ခုအဖြစ် အသွင်ကူးပြောင်းလာခဲ့တယ်…။

အရှည်ကြီး မရေးချင်လို့ ၅ ချက်ပဲ ရေးမယ်လို့ ဆုံးဖြတ်ထားတာ.. ။ ဘယ်အပြောင်းအလဲနဲ့ အဆုံးသတ်ရပါ့..။

၅။ အဟဲ… သိပ်လှချင်လာတာပဲ…။

ပြီးပါပြီ….။

လေးမရဲ့ ခံစားမှု (၂၈) ကို စိတ်ဝင်တစားဖြစ်စေ … ချစ်ခင်ရင်းနှီးမှုကြောင့်ဖြစ်စေ…ကြုံကြိုက်မှုကြောင့်ဖြစ်စေ… ဖတ်ရှုသွားကြသော … ပျော်ပျော်ပါးပါး စနောက်သွားကြသော … လေးမ၏ အဖွဲ့သားများအားလုံးနှင့် မိတ်ဆွေသစ်များအားလုံး ရွှင်လန်းချမ်းမြေ့ကြပါစေရှင် …။ ။

2 Responses

  1. Ma Layma Yae,

    It is very first time for me to have a feeling of reading blog. It is really wonderful. Btw, I want to ask you sth,would you please reply me. I want to know all the things about blogs like how to create, and so on. As for me, I am not used to with that kinds of things. I will wait for you reply.

    Best regards,
    am.re

  2. ဘယ်လိုမျက်စိမှောက်နေမိမှန်းမသိဘူး။ ခုမှ ရောက်လာတယ်။
    မလေးမရဲ့  အတွေ့အကြုံတွေမျှဝေတဲ့ အရေးအသားတွေကို လေးစားလျက်ပါ။
    Feeling(4) ထဲက နံပါတ် 1 ကို သဘောကျနေတာ။း-)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: