လှူရန်

ကို ဒေါင်းမင်းရဲ့ မွန်မြတ်သော အလှူ ဆိုတဲ့ ပို့ စ်လေးကို  http://myanmarkingpeacock.blogspot.com/2009/01/blog-post_4621.html မှာ ဖတ်ရှုပေးပါရန်။

ကျွန်မမှာ… ရှိတယ်…

ကျွန်မမှာ… လေးမမှာ… ရှိတယ်…။ မခေါ်ဘဲ ရောက်လာတဲ့ သူတွေ.. ရှိတယ်…။ မတောင်းဘဲ ပေးတဲ့ လက်ဆောင်တွေ ရှိတယ်…။ မကျွေးဘဲ … စားတဲ့ သူတွေ ရှိတယ်…။ 🙂

သူတို့ တွေ … ခေါင်းချင်းရိုက် … လက်ချင်းခတ်… ဒူးချင်းတိုက်ပြီး ကြံစည်ထားကြတယ်…။

သူတို့ တွေ … ဘလော့ဂ် ငါးနေရာမှာ သတင်းတွေ့ ပြီး.. တွေ့ တဲ့ နေရာမှာ ဆုတောင်းပေးသွားကြတယ်…။

သူတို့ တွေ … သတင်းရတာနဲ့  စီပုံးကို အပြေးလာပြီး လက်ဆောင်စကားတွေ ဆိုကြတယ်…။

သူတို့ တွေ… ပေးကြတယ်… ပေးသွားကြတယ်… သူတို့ ကို ပစ်ထားတဲ့… ဘာမှ အသိမပေးတဲ့… လေမုန့် လေးတောင် ကျွေးဖော်မရတဲ့… အဲဒီ အမျိုးသမီးကိုလေ… ခင်မင်စွာ… သတိရစွာ… ။ သူတို့ တွေ အားလုံးကို ကျေးဇူးတင်တယ်…။ သူတို့ တွေရှိနေတဲ့အတွက် ပျော်ရွှင်ကြည်နူးခဲ့ရတယ်…။

သူတို့ တွေဆိုတာ …… အမှတ်တရ ပို့ စ်ရေးပေးတဲ့… ဘိုညိမ်း.၊ ဘိုတင့် ၊ မောင်မျိုး.၊ ရွှန်းမီ၊ မွန် …။

သူတို့ ကပြောတယ်..  ကမ္ဘာတုထဲက ကြွက်ဂိုဏ်းချုပ် တဲ့..။

မလေးမကြိုက်တဲ့ အရုပ်မလေး

ဒီနေ့ကတော့ ကျနော် တို့ရဲ့ ချစ်လှစွာသော အစ်မကြီးလေးမ ကြွက်ဂိုဏ်းချုပ်ရဲ့ မွေးနေ့ပါ။ အစ်မရင်းတစ်ယောက်လို လေးစားခင်မင်ဖို့ကောင်းပြီး ပျော်ပျော်နေတက်တဲ့ သူမအတွက် ကျနော်တို့ ညီကိုမောင်နှမတွေက ထူးထူးခြားခြားလေးဖြစ်အောင် စုပေါင်းရေးသားခဲ့ပါတယ်။ တစ်ယောက်ချင်းစီရဲ့ ဘလော့ပေါ်မှာလည်းတင်ထားပြီး သူမအတွက် ကိုယ်ပိုင်ခံစားချက်လေးတွေနဲ့ စုပေါင်းစပ်ပေါင်းရေးထားတာလေးပါ ။ မလေးမ Happy Birthday 🙂

“ ၀မ်ဆွေ့ ၀မ်ဆွေ့ ၀မ်ဝမ်ဆွေ့”
ဂိုဏ်းသားများမှ ဂိုဏ်းချုပ်သက်တော်ရာကျော် ရှည်ပါစေကြောင်း ဆုတောင်း မေတ္တာပို့ပါတယ်ခင်ဗျာ ။

ဒုဂိုဏ်းချုပ် (ခ) ကြွက်ကြီးညိမ်းညို

ကျနော်တို့မှာ ကမ္ဘာအတုထဲက အစ်မကြီးတစ်ယောက်ရှိပါတယ်။ ကျနော်တို့က ဂိုဏ်းချုပ်ကြီးလို့ ချစ်စနိုးခေါ်ကြပါတယ်။
ထူးခြားတဲ့ ရှုထောင့်ကနေ တွေးဆခံစားရတာကို နှစ်ခြိုက်သူ၊ ဇ၀နဉာဏ်ရွှင်သူ၊ ကိုယ်ပိုင်စာရေးဟန်သီးသန့်ရှိသူ ကျနော်တို့ အစ်မကြီးဟာ
သူ့ရဲ့ ကမ္ဘာတုလေးထဲမှာ သူ့အနုပညာလက်ရာတွေကို သပ်သပ်ရပ်ရပ် ခင်းကျင်းပြသလေ့ ရှိပါတယ်။ ခင်မင်ဖော်ရွှေတတ်သူမို့ အစ်မကြီးရဲ့အိမ်ကလေးဟာ ချစ်မိတ်ဆွေသူငယ်ချင်းများနဲ့ အမြဲစည်ကားနေလေ့ ရှိပါတယ်။ အစ်မကြီးက ကွန့်မန့် အရေးကောင်းသူလဲ ဖြစ်ပါတယ်။ သူ့ကွန့်မန့်ကို ဖတ်ရတဲ့အခါတိုင်း အော်… ငါရေးထားတာလေးကို သေသေချာချာ ဖတ်ပေးသွားတာပါလား ဆိုတဲ့ ခံစားမှုမျိုး သေချာပေါက် ဖြစ်ပေါ်စေတာပါ။ ပြဿနာများနဲ့ ကြံတွေ့တဲ့အခါတိုင်း အသင့်အတင့် နှလုံးသွင်းဆင်ခြင်နိုင်တဲ့ အစ်မကြီးရဲ့ စိတ်နေစိတ်ထားကို အားကျအတုယူမိပါတယ်။

အပြာရောင်ကျောပိုးအိတ်ကလေး၊ သနပ်ခါးပန်းကလေးတွေရဲ့ပိုင်ရှင်ဟာ သူ့ရဲ့ ကောင်းကင်ကြီးကိုလဲ သိုသိုဝှက်ဝှက်ကလေးနဲ့ ကြွားတတ်သူ ဖြစ်ပါတယ် 😛 ဗိသုကာသခင်မတစ်ဦးဟာ ရာဇ၀င်ချင်းရာများကိုလဲ ခြေရာကောက်တတ်သူ ဖြစ်ပါတယ်။ တစ်ခါတစ်ခါကျပြန်တော့ ကဗျာပတ်တီးတွေနဲ့ လောကရဲ့အနာတွေကို ကျပ်စည်းပေးတတ်ပြန်ပါတယ်။ ချစ်ခြင်းသီနွဲ့ ဆိုတေးလဲဖွဲ့တတ်ပြန်ပါရဲ့။

စိတ်ရင်းကောင်းတဲ့ အစ်မလေးမတစ်ယောက် ချစ်တဲ့ကောင်းကင်ကြီးနဲ့အတူ သားတစ်ရာမြေးတစ်ဖျာရတဲ့အထိ ကိုယ်၊ စိတ်၊ နှလုံး သုံးပါးစလုံး ရွှင်ပြုံးချမ်းမြေ့စွာနဲ့ ဘ၀လမ်းကို လျှောက်လှမ်းနိုင်ပါစေခင်ဗျာ။ ကျနော်တို့ အစ်မကြီးအတွက် ပျော်ရွှင်ကြည်နူးစရာ မွေးနေ့မင်္ဂလာလေးဖြစ်ပါစေ 🙂 🙂


အတွင်းရေးမှူး ကြွက်ကိုတင့်

ကမ္ဘာအတုထဲက မိန်းကလေးဟာ
ကမ္ဘာအတုထဲမှာ နေထိုင်တယ်
ကမ္ဘာအတုထဲက မိန်းကလေးဟာ
အတွေးအခေါ်တွေ ကျမ်းမာသန်စွမ်းတယ်
အရေးအသားတွေ အချိုးအစားပြေပြစ်တယ် ။
ကမ္ဘာအတုထဲက မိန်းကလေးဟာ
ကမ္ဘာအတုထဲမှာ ကောင်းကင်ကြီးကို ၀ှက်ထားတယ်
ကမ္ဘာအတုထဲက မိန်းကလေးဟာ
ဗိသုကာအနံ့အသက်တွေနဲ့ ထုံမွမ်းနေတယ်
ကမ္ဘာအတုထဲက မိန်းကလေးဟာ
ခင်မင်ဖော်ရွေတဲ့ ချစ်ခြင်းမေတ္တာ စစ်စစ်တွေကို
တစ်စက်ခြင်းစီ ယိုစိမ့်စေတယ် ။
ကမ္ဘာအတုထဲမှာ
ပုံတို ပတ်စ သမိုင်းကြောင်းတွေ အစီအရီ ရှိတယ်
နှလုံးသားနဲ့ သီဆိုရတဲ့ သီချင်းတွေ ရှိတယ် ။
ကမ္ဘာအတုထဲမှာ
သနပ်ခါးပန်းတွေ ပွင့်တယ်
လူသားစက်ရုပ်ကလေးတွေ လမ်းလျှောက်သင်တယ်
ကြွက်ကလေးတွေ တွင်းပိတ်ခံရတယ် ။
ကမ္ဘာအတုထဲမှာ
အပြာရောင် ကျောပိုးအိပ်တစ်လုံး ရှိတယ်
ဘာဘီနာရီ (၁) လုံးရှိတယ်
ပြတင်းပေါက်နဲ့ ပန်းချီကားတွေ ရှိတယ်
အိပ်မက် ၊ လူသားဘ၀နဲ့ အရောင်တွေ ရှိတယ်
ကမ္ဘာအတုထဲမှာ
ကျောက်ဆောင် ပင်လယ်နဲ့ မိန်းကလေး တစ်ယောက်လဲ ရှိသေးတယ် ။
ကမ္ဘာအတုဟာ
ခင်မင်ရင်းနှီးမှုတွေ
ကုန်တင်ကုန်ချ များတဲ့ ဆိပ်ကမ်းတစ်ခုဖြစ်တယ် ။ ။

သားကြွက်
အတုကမ္ဘာထဲက တီကြွက်
ခင်မင်ခဲ့တဲ့ အမှတ်တရတွေကို
ပြောဖို့လိုသလားး
အဖြူရောင်စာမျက်နှာပေါ်က သံယောဇဉ်တွေအတွက်
အားပေးခဲ့ဖူးတဲ့ မှတ်ချက်စကားလေးတွေအတွက်
မပြုံးပဲမနေနိုင်အောင် အပြန်အလှန် စနောက်ခဲ့ကြတဲ့ နေ့ရက်တွေအတွက်
တစ်လုံး နှစ်လုံး စာစီကုံးဖို့ မလိုဘူးဆိုတာ
ပြောဖို့လိုသလား
ဂေါ်မစွံ ဂီလာန အခွံကြောင်မျိုးလို့ နာမည်လှလှတွေပေးလို့
အားကျမခံ ဒေါ်အာပလာမေသန်းပု၊
အာလာဒင် စနှိုးဝှိုက် အကယ်ဒမီ ၅ ထပ်ကွမ်းပေးခဲ့တာတွေကို
မှတ်မိသေးလား
ကမ်းကပ်တော့မယ့်
ဘလော့လှေငယ်ကို လှမ်းဆွဲခဲ့တယ်
ကြွက်တွင်းပေါက်ကလေးကနေ
ရောက်အောင်တိုးထွက်ခဲ့တဲ့ ဂိုဏ်ချုပ်ကြီးပေါ့
ပြောရင် ယုံမှာလား
သံယောဇဉ်ကြိုးတွေကို ဒီလိုတစ်စချင်းဆီ
ဆွဲဖြည်လိုက်တော့ လက်တမ်းရေးချလိုက်တဲ့ စာကြောင်းတွေက
တီကြွက် အတွက် အမှတ်တရဖြစ်ရင် ကျေနပ်ပြီး

ကြည့်စမ်း ကြည့်စမ်း ဒီကြွက်စုတ် ကိုယ့်အဒေါ်ကို စကားပြောတာက လား?? လား?? လား?? နဲ့ မသိတဲ့သူတွေက ထင်ကြအုံးမယ် အကြွေးတောင်းနေတာလား ရန်ဖြစ်နေတာလားလို့း) ။ ကျနော်က ဒီဘလော့ရပ်ဝန်းကို ခြေမချခင်တည်းက ကြွက်တွင်းပေါက်ထဲကနေ ဘလော့တွေလိုက်လည် မာနကတော့မသေးဘူးရယ် ကိုယ့်ကို စကားပြန်ပြောတဲ့ ဘလော့မှ နောက်နေ့သွားတယ် စကားပြန်မပြောတဲ့သူဆို ပျင်းလို့ ဘာမှမရေးခဲ့ပဲ တိတ်တိတ်လေးပဲ ခိုးဖတ်တော့တယ် ။ ဒါပေမယ့် တီကြွက်တော့ ခြွင်းချက်ပေါ့ ဆီပုံးက ဂျစ်ကန်ကန် ရီပလိုင်းလေးကြောင့် အားတက်ပြီးနောက်နေ့ကစ ခုချိန်ထိ နက်သုံးဖြစ်တိုင်း သူ့ဘလော့ကိုတော့ အမြဲဝင်ဖြစ်တယ်။ စိတ်ကူးလေးတွေကို ပုံဖော်ပြီး ပျော်စရာကောင်းတဲ့ စာတွေ အမြဲရေးခဲ့သူ ။ စိတ်ညစ်နေတဲ့ အချိန်တောင် သူ့ရဲ့ကော့မန့်လေးတွေကိုဖတ်ပြီး ပြုံးမိတယ်။ကျနော့် ဘလော့လေးမှာ စရေးတဲ့ အချိန်ကစပြီး ဒီနေ့ထိ မပျက်မကွက် မှတ်ချက်လေးတွေပေးနေတဲ့ ပင်တိုင်အားပေးသူ ရဲဘော်ရဲဘက်တစ်ယောက်ပါ ။ ကောင်ကင်ကြီး အကြောင်း ဖော်ကျူးထားတာကလည်း စာဖတ်တဲ့သူတွေကို ကြည်နူးစေတာပါပဲ ( အမှန်ကတော့မသိမသာကြွားတာပါ 😛 )။ ကြွက်ဂိုဏ်းသားတွေဆုံဖြစ်တိုင်း စကားဝိုင်းထဲမှာတော့ ဂိုဏ်းချုပ်က မပါမပြီး ဇတ်လိုက်ကျော်ကြီးပေါ့ ။ အပြာရောင် ကျောပိုးအိတ်ထဲက လူသားလေးတစ်ယောက်အကြောင်းနဲ့ ကျနော်တို့ကို အားတက်စေခဲ့သလို ရန်ကုန်သတင်းပုံစံနဲ့ မျောက်တွေ သန်းရှာပြီး အတင်းတုတ်နေတာတဲ့အကြောင်းတွေနဲ့ ပျော်စေခဲ့သူပါ။ ချောင်းသားက ပြန်လာတော့ မုန့်ဝယ်ခဲ့မယ်ဆိုပြီး ခရုခွံတွေပဲဝယ်ခဲ့တယ် ။ တီကြွက်ရေ့ လေကြောရှည်တော့ စာတွေကများနေပြီး အောက်ကကြွက်မကလည်း ၁၀ ကြောင်းဆိုပြီးရေးထားလိုက်တာ ပို့စ်တစ်ပုဒ်တောင်ပြည့်တော့မယ် သားကြွက်ပြောမှာတွေ သူကပြောသွားပြီး အဲ့တော့ကား တိုတိုနဲ့တုတ်တုတ်ပဲ ပြောတော့မယ် မွေးနေ့မှာ အရမ်းအရမ်းကိုပျော်ပြီး ကောင်းကင်ကြီးနဲ့ ပိုပိုတိုးလို့ချစ်နိုင်ပါစေဗျာ ပြီးတော့ ချစ်စရာကောင်းတဲ့ သားသားမီးမီး လေးတွေလည်း ၂ ဒါဇင်လောက် နဲ့ ပျော်စရာကောင်းတဲ့ မိသားစု လေးကို အမြန်ပိုင်ဆိုင်ပါစေလို့ ဆုတောင်းပေးပါတယ် ။ အယ်……………မေ့တော့မလို့ တီကြွက်က လေးမဆိုတာ ကမ္ဘာတုမှာပဲရှိတယ်ဆိုပေမယ့် သားကြွက်တို့မောင်နှမတွေအားလုံးက ကမ္ဘာစစ်မှာလည်း ခင်မင်ခွင့် ရချင်ပါကြောင်း အသံတိတ်ပြောချင်ပါတယ် 🙂
မွေးနေ့လက်ဆောင် ကောင်းကင်ကြီးဆီက အနမ်းလက်ဆောင်တောင်းနေတယ် ရှက်လည်းရှက်ဘူး 😛


ကြွက်နတ်သမီးလေး မွန်

“ကမ္ဘာအတုထဲမှာ နေထိုင်တဲ့ တိမ်စိုင်ငယ်ဟာ သူမဖြစ်တယ်။
ရေမှုန်ရေမွှားတွေစုပြီး တိမ်ယောင်ဆောင်နေတဲ့ တိမ်တိုက်ကလေးဟာ ဘယ်လောက်ပဲ
သူမစိတ်တွေ မှိုင်းညို့နေပါစေ အမြဲတစေ ငွေနားကွပ်ထားတတ်တယ်။ သူမမှာ
ခိုတွယ်စရာ ကောင်းကင်အစစ်တစ်ခုရှိနေတဲ့အတွက် ကမ္ဘာအတုလေးထဲမှာ
သူမခဏတာပဲပျော်တယ်”

တိမ်တိုက်ကလေးဟာ နေရောင်အောက်မှာဆို ပုန်းအောင်းနေတတ်တဲ့အတွက် သူမလေးကို
ဘယ်အခါမှ တိတိကျကျပုံဖော်လို့မရခဲ့ဘူး။ သူမနှစ်သက်တဲ့ ဒစ်စနီကာတွန်းထဲက
အရုပ်မကလေးတွေလို ချစ်စရာကောင်းမယ် အပြစ်ကင်းစင်မယ် ပြုံးပျော်နေမယ်လို့
ယုံကြည်ရတဲ့ အဲဒီ့တိမ်တိုက်ကလေးဟာ တစ်ခါတစ်လေ မိုးတွေရွာချတယ်။ ဥပမာ
ကမ်းနားသစ်ပင်လို မခင်နှင်းဆီလို ကဗျာမျိုးနဲ့ပေါ့။ တစ်ခါတစ်လေလဲ
ပူနေတဲ့နေတွေကိုကာပြီး အေးမြမှုတွေပေးတတ်တယ်။ သူတို့လိုပျော်မိသည်
ရူးသူများမဖတ်ရတို့လို စာလေးတွေနဲ့ ပြုံးသွားအောင် တိမ်တိုက်လေးက
တတ်နိုင်တယ်လေ။ တစ်ခါတစ်လေလဲ သူလေ ပျောက်ချင်းမလှပျောက်ပြီး
အတိတ်လမ်းတွေကို ပြန်လျှောက်နေပြန်ရော။ ပုဂံခေတ် အင်းဝခေတ်ထိကို
လွင့်သွားတော့တာပဲနော် တိမ်တိုက်ကလေးရေ။
သူမလေးက ပုန်းပုန်းနေတတ်ပေမယ့် စိတ်ကောင်းလေးဝင်ပြီးတော့
သူ့အကြောင်းတစိတ်တဒေသလေးတွေကို တိုးတိုးလေး လာပြောတတ်တာတွေလဲ ရှိသေးတယ်။
သူမခိုဝင်မှေးစက်ရာ ကောင်းကင်ကြီးကတော့ တိမ်တိုက်လေးရဲ့ စကားသံလေးတွေမှာ
မပါမပြီးပေါ့။ တိမ်တိုက်ကလေးက အရှုပ်တွေအမှိုက်တွေဆို
ဟားတိုက်ပစ်တတ်သေးတာလေ။ မိုးရွာနေသည် ယနေ့ရန်ကုန်တို့ အွန်လိုင်းပေါ်က
ညီမလေးတို့လို ပို့စ်မျိုးတွေဆို သူမရဲ့သရော်ဓာတ်က အဲ့ဒီလို။
ကိုပြူးနဲ့မပြုံးတို့လို ချစ်စရာဇာတ်ကောင်လေးတွေကို ခေါ်ခေါ်လာပြီး
မွန်တို့ကိုအပြုံးမိုးရွာချအောင် တတ်နိုင်တဲ့ တိမ်တိုက်ကလေးမို့
နောက်တစ်ခါ ကျောက်ဆောင် ပင်လယ်ကြီးဆီ မိန်းကလေးသွားတဲ့အခါ
ခေါ်သွားဖြစ်မယ့် သူမအသေးစားလေးတွေကိုလဲ ကိုပြူးနဲ့မပြုံးလို့ ချစ်စနိုး
နာမည်ပေးဖို့ မွန်က တိတ်တိတ်လေး တွေးရယ်နေခဲ့မိဖူးတယ်။

“အတုတွေထဲမှာ နေထိုင်
အမြင်တွေကို ဖုံးကွယ်
အလင်းတွေထဲကနေ ပုန်းအောင်းနေခဲ့တိုင်း
သံယောဇဉ်အစစ်တွေမဟုတ်နိုင်ဘူးလို့ ဘယ်သူပြောလဲ”

ဘာဂါလေးလို့ လာလာခေါ်ပြီး အမြဲအားပေးတွဲခေါ်ခဲ့ပါတယ်။ တစ်ခါတစ်လေ
သူမပျောက်ကွယ်နေခဲ့ပေမယ့် ဘာဂါလေးကိုတော့
မျက်ခြေပြတ်မသွားခဲ့ဘူးဆိုတာသိတော့ သိပ်အံ့သြမိတယ်။ သူမရဲ့
ဆဌမအာရုံများလား။ သူမချစ်တဲ့ သံယောဇဉ်ရှိတဲ့သူတွေရဲ့နောက်မှ
အရိပ်ကလေးလိုလိုက်နေတတ်တဲ့ သိပ်ကိုချစ်ဖို့ကောင်းတဲ့
ဂရုတစိုက်အကျင့်လေးကို ပိုင်ဆိုင်ပါတယ်။ သူတပါးရင်ထဲအထိ
ထွင်းဖောက်မြင်နိုင်တာကလဲ သူမရဲ့အရည်အချင်းပဲလေ။ တစ်ခါတစ်လေ
နားလည်ပေးနိုင်လွန်းတဲ့ မျှဝေခံစားတတ်လွန်းတဲ့ နှလုံးသားလေးကို
လေးစားမိခဲ့ရတယ်။
ထူးထူးခြားခြားသတိထားမိခဲ့တာ တစ်ခုရှိခဲ့တယ်။ သူမရဲ့ကမ္ဘာလေးထဲမှာ
လေးမတော့စိတ်ညစ်လိုက်တာ ဆိုတဲ့အသံမျိုးလေး တစ်ခါမှမကြားခဲ့ရဘူး။
မငိုနဲ့ဘာဂါလေးရေလို့ အားပေးခဲ့ပေမယ့် သူမကိုယ်တိုင်က စိတ်ဓာတ်ကျ
ကြေကွဲအားငယ်မနေတတ်တာ သူမရဲ့ကံကောင်းခြင်းတွေထဲက တစ်ခုပဲလား။
လူတကာရဲ့ချစ်ခင်မှုကိုခံစားရသလို ချစ်စရာ အားကျစရာ ဘဝလေးတစ်ခုကို
တည်ထောင်ထားနိုင်လိုက်တာ အင်းးး သူမနဲ့သူမရဲ့ကောင်းကင်ကြီးဟာ
မွန့်အိပ်မက်ထဲက မင်းသားမင်းသမီးတွေကို ဖြစ်လို့။ ဘာဘီနာရီလေးတေ၊ွ
အမေးအဖြေ၊ ကိုနဲ့လေးလို့ခေါ်တာတွေ၊ ကမ်းကြိုလာတဲ့လက်တစ်ဖက်ကို
လှမ်းခိုလိုက်ပါတယ်ဆိုတဲ့ အရေးအသား၊
ကျောင်းတုန်းကမုန့်ဝယ်ကျွေးတယ်ဆိုတာကအစ ဟိုး အိပ်မက်ထဲက
မြင်းခွါရွက်သုပ်ပန်းကန်အထိ အားကျစရာ ပီတိဖြစ်စရာကြီးတွေကို
ဖြစ်နေတော့တယ်။

“တစ်ခါတစ်ရံ မသိတာတွေက ပိုပြီးခံစားကြည်နူးနေစေတတ်သတဲ့
သူမဟာ ကိုယ့်အတွက်တော့ ထုပ်ပိုးထားတဲ့ လက်ဆောင်လေးတစ်ခုလို
စိတ်လှုပ်ရှားပျော်ရွှင်ကြည်နူးခွင့်တွေကို ပေးနေခဲ့တာပါ
ဒါပေမယ့် ဒီလက်ဆောင်ထုပ်ကလေးနာမည်ကိုက မသိခြင်းလက်ဆောင်တဲ့

ဂါဂါနဲ့ သူမအကြောင်း သုံးနာရီလောက်ဖုန်းပြောခဲ့ဖူးတယ်။ ဂါ နင်တို့တွေကို
ခင်ပေမယ့် ငါအပြင်မှာအတွေ့ချင်ဆုံး ဘလော့ဂါက မမလေးမပဲ
လို့မကွယ်မဝှက်ပြောပြခဲ့ဖူးတယ်။ မဖြစ်နိုင်မှန်းသိရဲ့နဲ့
မွန်ပြန်ရောက်ချိန်မှာ သူမစိတ်ကူးအတိုင်း ဒီဇိုင်းဆင် ဆောက်လုပ်ထားမယ့်
သူမနဲ့ကောင်းကင်ကြီးတို့ရဲ့ ဂေဟာလေးမှာ သူမတို့ချစ်သူနှစ်ဦးနဲ့
ကလေးမလှလှသေးသေးလေးတစ်ယောက်(အဲဒီအချိန်ရှိနေမယ့် ကလေးလေးကိုပါ
ကြိုတင်စိတ်ကူးထားတာ) ကိုမြင်တွေ့ရတယ်လို့ စိတ်ကူးရှည်ရှည်တွေ
ယဉ်ခဲ့ဖူးတယ်။ တိမ်ပြာပြာတွေအောက် စကားတွေပြောကြမယ့် မောင်နှမတွေထဲမှာ
ကြွက်ဂိုဏ်းချုပ်က မပါမပြီးပါတယ်။ မတွေ့နိုင်ခဲ့ကြရင်တောင်
အမည်တပ်လို့မရတဲ့ ဖြူဖြူစင်စင်ခံစားချက်လေးတစ်ခုနဲ့ သူမအကြောင်း
နောက်နှစ်တော်တော်ကြာအောင် သတိတရတွေးတောနေမိမယ်။
သူမကတော့ မွန့်ကို မသိခြင်းတွေထဲက ခိုင်မြဲမှုတွေပေးတတ်တယ်။ မရေရာခြင်းထဲက
သေချာယုံကြည်မှုတွေပေးခဲ့တယ်။ မမြင်နိုင်တဲ့ သံယောဇဉ်တွေနဲ့
ထိတွေ့ကိုင်တွယ်လို့ မရတဲ့ အားအင်တချို့ကို
မွန့်လက်ထဲတနည်းတဖုံထည့်ပေးခဲ့ပါတယ်။ ကျိတ်ပြီးဝမ်းနည်းတတ်တဲ့
မွန့်အကျင့်အတိုင်း သူမမွန့်ကိုလင့်မထားတုန်းက တော်တော်ကြာကြာ
တိတ်တိတ်လေးခံစားနေခဲ့ရဖူးတယ်။ ကိုညိမ်းညိုတို့ကြွက်ဂိုဏ်းတည်ထောင်ပြီး
ဆော့နေကြတုန်းက သူမနဲ့တခြားမောင်နှမတွေ မွန့်ကိုမခေါ်ပဲဆော့နေကြလို့
တယောက်ထဲစိတ်ကောက်နေဖူးတယ်။ ဦးမောင်တင့်က မွန်ရေ နင်နဲ့မလေးမကတော့
တူတူပဲ ကောမန့်ပေးလိုက်ရင်ရော တွေးလိုက်ရင်ရေးလိုက်ရင်ရော သိပ်တတ်တယ်လို့
တစ်ခါမှတ်ချက်ချတုန်းက သူမနဲ့အနှိုင်းခံရတဲ့အတွက်
အကြီးအကျယ်ဂုဏ်ယူနေခဲ့ဖူးတယ်။ ဘာကြောင့်မှန်း ရှင်းမပြတတ်ပေမယ့် သူမဟာ မွန့်ဘဝရဲ့ ပြယုဂ်တစ်ခုလို
စွဲမြဲကျန်ရစ်နေတတ်တယ်။

“သူမရောက်လာတယ်
သူမပျောက်သွားတယ်
သူမတိတ်တိတ်ကလေးရှိနေတယ်
သူမတနေရာရာကနေ စောင့်ကြည့်နေတယ်
သူမဘယ်တော့မှ နှုတ်ဆက်မသွားဘူးလို့ပဲ ပရမတ်တရားတွေကို ဆန့်ကျင်ပြီး ယုံကြည်နေတယ်
ဟေးး ဂါဂါ တွေ့လား ဟိုးတိမ်တိုက်ကလေးရဲ့ နောက်မှ သူမပုန်းနေတယ် ပြီးတော့
သူမငါတို့တွေကို ကြည့်နေတယ်”

ချစ်သောမမလေးမ အမှတ်တရဖြစ်ပါစေ
ချစ်တဲ့ ဘာဂါလေး မွန်

ကြွက်ရွှန်းမီ
သို့ . . .. မွေးနေ့ရှင် မလေးမ

မမြင်ဖူးပေမယ့် အကျွမ်းတ၀င် ရှိလှတဲ့ ပုံရိပ်မှာ သနပ်ခါးပန်းရနံ့တွေ ပါတယ် . ..
မခင်နှင်းဆီ သီချင်းသံ ပါတယ် .. .
မိုးပြာရောင်ကို နှစ်သက်တတ်ပြီ . .. ရံဖန်ရံခါ ကောင်းကင်ကြီး ညိုမှိုင်းနေရင် သူမလည်း တုံ့ဆိုင်းနေတတ်တယ်။ တခါတရံမှာတော့ သူမရဲ့  စိတ်အင်အားတွေနဲ့ တိမ်ညိုညစ်များကို မောင်းထုတ်ပစ်နေပါလိမ့်မယ်။
သူငယ်ချင်းတွေကို ပျော်ရွှင်စေတတ် ခင်မင်တတ်တဲ့ စေတနာ အပြည့်ပါတဲ့ စကားလုံးတွေ သီကုံးတတ်တဲ့ မလေးမကို လေးစားအားကျမိပါတယ်။
မလေးမရဲ့ စာတွေ ဖတ်ရတာ တီးလုံးသံမြည်တဲ့ ရတနာသေတ္တာလေးကို ဖွင့်ကြည့်ရတာနဲ့ တူတယ်။
သေတ္တာထဲက ကနေတဲ့ မင်းသမီးရုပ်လေးလို Virtual World မှာ မြင်ရတဲ့ မလေးမကို ပုံဖော်ကြည့်မိတယ်။
musical box ဖွင့်လိုက်ရင် သီချင်းသံမြည်ပြီး မင်းသမီးရုပ်လေး က,နေသလို မလေးမရေးတဲ့ စာတွေကို ဖတ်လိုက်ရင် ကဗျာဆန်တဲ့ အနုပညာတစ်မျိုးကို အလိုလို ခံစားနေရတယ်။ မလေးမရဲ့ ဘလော့နဲ့ တူတဲ့ သီချင်းသေတ္တာလေးက သိပ်ကို အသက်ဝင်ပါတယ်။
မှော်ဝင်သေတ္တာထဲက နတ်သမီးနဲ့ တူတဲ့ မလေးမကို ခင်မင်ခွင့်ရတာ ဘလော့ဘ၀ရဲ့ ပျော်စရာ တစ်ခုပါပဲ။
တစ်လတည်း မွေးတဲ့ အစ်မကို ခပ်ဆင်ဆင်တူတဲ့ စရိုက်တွေကြောင့် အချိန်တိုအတွင်း တွယ်တာခင်မင်မိခဲ့ပါတယ်။ သူငယ်ချင်း သံယောဇဉ် ကြီးတာတွေ၊ ရန်ဖြစ်ရမှာ ကြောက်တတ်တာတွေ၊ ကိုယ်ချစ်တဲ့သူတွေကို နားလည်ပေးတတ် အလျော့ပေးတတ်တာတွေကြောင့် အောင်မြင်ပျော်ရွှင်ရသလို တခါတရံ နာကျင်ရတယ်။ သံယောဇဉ် ကြီးပေမယ့် တသီးတခြား အေးအေး နေတတ် တွေးနေတတ်လို့ စိမ်းကားတယ်လို့ ထင်ခံရတတ်တယ်။ ဘာပဲဖြစ်ဖြစ် ဒီရာသီဖွားတွေဟာ အလွယ်တကူ အားမလျှော့ဘဲ လုပ်စရာတွေ ဖြစ်အောင် လုပ်တတ်တယ်။ ကိုယ့်ပိုင်စိတ်စွမ်းအား မြင့်သလို သူငယ်ချင်းတွေကိုလည်း အားပေးကြင်နာတတ်တဲ့ မလေးမ ဟာ အသက်တစ်နှစ်ပိုကြီးလာတာကိုလည်း ကြံဖန်ဂုဏ်ယူပြီး ပျော်နေဦးမှာပါ။
ပျော်စရာ ရှာကြံတွေးပြီး ပျော်အောင်နေတတ်တဲ့ မလေးမ မွေးနေ့ကို ပျော်ပျော်ရွှင်ရွှင် ဖြတ်သန်းနိုင်ပါစေ။ တကယ်တော့ မွေးနေ့ တစ်ရက်ထဲ မဟုတ်ပဲ နေ့တိုင်း မွေးနေ့ရှင်တစ်ယောက်လို ပျော်ရွှင်နေစေချင်ပါတယ်။ မလေးမ စိတ်ညစ်တာတွေလည်း ရှိရင် ပေါ့ပါးသွားအောင် ရင်ဖွင့်ပြီး ဘလော့မောင်နှမတွေကို ဆက်လက်လမ်းပြနိုင်ပါစေ လို့ ဆုတောင်းလိုက်ပါတယ်။

ချစ်ခင်ရသော မလေးမ ဆက်ရေးမယ့် စာတွေကို
မလွတ်တမ်း ဖတ်ချင်နေသေးတဲ့
(ရွှန်းမီ)

သူတို့ တွေဆိုတာ … Happy Birthday!  ပါ အစ်မရေ. မွေးနေ့မှသည် နောင်နှစ်များစွာတိုင် ချစ်သောသူနဲ့ ပျော်ပျော်ရွင်ရွင်၊ အောင်အောင်မြင်မြင်၊ အားလုံး ပြည့်စုံချမ်းမြေ့ပြီး ခရီးသွားနိုင်ပါစေ
လေးစားချစ်ခင်စွာ
— မှော်ဆရာ

12 Jan 09, 16:26

ဖြိုးငယ်: Happy BD ပါ အမ .. ပျော်ရွှင်ပါစေ

12 Jan 09, 15:11

JulyDream: Happy birthday to you, sister!

12 Jan 09, 13:56

sin dan lar: Happy Birthday to u, :g

12 Jan 09, 12:30

အိမ့်ချမ်းမြေ့: လေးမ… ပျော်ရွှင်သော မွေးနေ့ဖြစ်ပါစေ။

12 Jan 09, 11:23

SoeMoe: Happy Birthday MAMA.. :heart: :bye :heart: :lau

12 Jan 09, 11:23
ပုံရိပ်: မလေးမရေ ပျော်ရွှင်သော မွေးနေ့ ဖြစ်ပါစေ။
12 Jan 09, 09:42

မောင်မျိုး: ကိုညိမ်းညို ။ကိုတင့်၊ မောင်မျိုး၊ မီ နဲ့ မွန် တို့ ဘလော့တွေမှာ မလေးအတွက် အမှတ်တရပို့စ်များတင်ထားကြောင်းး :P မုန့်ဟင်းခါးချက်ကျွေးနော့် ။

12 Jan 09, 09:38

မိ: ပျော်ရွှင်သောမွေးနေ့နှင့်အတူ ပျော်စရာတွေ တပုံတပင်ကြီး နင့်အနားကို ရောက်လာပါစေဟာ နင့်ကို လွမ်းနေတယ် မိ

12 Jan 09, 08:07

သားကြွက်: : Happy Birthday !!! :dri:

12 Jan 09, 05:20

THS: Happy Birthday !!!! :) :D

စုံတွဲလာ ဆုတောင်းတဲ့ သူတွေကလည်း ရှိသေး…

mtj: စုန်းမလေးနဲ့ တူတူလာဆုတောင်းပေးပါတယ် :)
12 Jan 09, 17:06

mtj: THS ဘလော့ဂ်မှာ ကောမန့်ပေးထားတယ် လေးမရေ… ပျော်ရွှင်ပါစေ

12 Jan 09, 17:02

စုန်းမလေး: ပျော်ရွှင်ဖွယ်ရာကောင်းသော မွေးနေ့ဖြစ်ပါစေ ချစ်မ…အမြဲသတိတယရှိနေပါတယ်.. ချစ်မ အမြဲပျော်ရွှင်ဖို့ ဆုတောင်းတယ်နော်…

ဝေလေး: မမရေ မွေးနေ့မှာ ပျော်ရွင်ပါစေနော်. နောင်နှစ်ပေါင်းများစွာ ချစ်သောမိသားစုနဲ့ ပျော်ရွှင်စွာနေထိုင်သွားနိုင်ပါစေကြောင်း :)

ကြေးအိုး: ချစ်မမွေးနေ့မှာ ဘလော့ဝင်မရဖစ်နေလို့ အီးကဒ်လေးပို့လိုက်တယ် ရလား

ဝှိုက်: မလေးမ မွေးနေ့လား Happy Birthday ပါနော် မွေးနေ့ကပြီးပြီထင်နေတာ အဲ့ဒါကြောင့် ပြန်လာဆုတောင်ပေးတာ ပျော်ရွှင်ပါစေရှင်

13 Jan 09, 16:40

ကြွက်မီ: Happy Birthday to you!!! :-)

အပြုံးပန်း: အွန်လိုင်းနဲ့ ရှစ်ရက်လောက် အဆက်ပြတ်သွားလို့ အခုမှပဲ လေးမရဲ့ စာတွေ ကမန်းကတန်း လာဖတ်ရတော့တယ်။ သုံးဆယ်ထဲကိုရောက်ပြီပေါ့။ ရာဇ၀င်ကောင်းတွေ များများချန်ထားနိုင်ပါစေ။

လင်းဒီပ: ရောက်လာပါတယ်..ကောင်းသောမွေးနေ့ပါ..

မှော်ဆရာ၊ ဖြိုးငယ် ၊ ကိုဂျူလိုင်၊ ပုံရိပ်၊ မလေး၊ စိုးမိုးလေး၊ မောင်မျိုး၊ ဘိုတင့် ၊ ဘိုညိမ်း၊ မစန်ဒါ၊ စုန်းမလေးနှင့် ကိုကို ၊  ဝေလေး ၊ ကြေးအိုးလေး.၊ ၀ှိုက်၊ မမ အပြုံးပန်း၊ မီ၊ မပန်ဒိုရာ ၊ ဝေလေး ၊ကိုလင်းဒီပ၊ ဘိုတင့်၊အစ်မ မနုစံ.. အားလုံးကို ကျေးဇူးတင်ပါတယ်..။ အဝေးကနေ ဖုန်းဆက် ဆုတောင်းပေးတဲ့ ချစ်သူငယ်ချင်း မိ.. နဲ့  အဝေးက ကဒ် ၆ ခု ပို့ ပေးတဲ့ သူငယ်ချင်း.. အားလုံးကို အမှတ်တရ သိမ်းရင်း ပို့ စ်အဖြစ်တင်လိုက်ပါတယ်…။

နောက်ဆက်တွဲ။ ။

နောက်ထပ် ဘာရသေးလဲ.. ဟုတ်လား.. ရှင်… ကောင်းကင်ကြီး ဆီကလား… သိချင်လို့ လား… ဘာမှမတောင်းပါဘူး… ဟင့်အင်း.. ဘာမှ မရပါဘူး .. အော်… မယုံဘူးလား… တကယ်… အင်း.. မောင်မျိုး.. ရေးထားလို့  သတိရသွားပြီး.. ဟိုလေ..ဟို… အင်း ၂၉ ခါ .. ဖြတ်… ( မီးပျက်သွားပြီ ) … :P။ ။

2008 နောက်ဆုံးည

လွန်ခဲ့သော နှစ်ပေါင်းများစွာရဲ့ နောက်ဆုံးညတွေကို အိပ်ပျော်ရင်း.. ရုပ်ရှင် ကြည့်ရင်း.. ငြိမ်သက်စွာ ဖြတ်ကျော်ခဲ့ပါတယ်..။

ဒီနှစ် ၂၀၀၈ ရဲ့ နောက်ဆုံးညကိုတော့… မအိပ်ဘဲ… ဖြတ်ကျော်ခဲ့ပါတယ်..။ အကြောင်းတိုက်ဆိုင်လို့  ၂၀၀၈ ကို နှုတ်ဆက်တဲ့ နေရာတစ်ခုကို ရောက်ခဲ့ပါတယ်…။ ဘူဖေးပွဲကြီးထဲမှာ လေးမ အကြိုက်တွေက အမယ်စုံ …။ ညနေ ငါးနာရီလောက်ကတည်းက ဆာနေတဲ့ ဗိုက်ကို ရေကလွဲပြီး ဘာမှ မဖြည့်ထားတာ… တန်အောင်ဆွဲတာပေါ့…။ ပထမတစ်ခေါက် … စားပွဲရှည်ပေါ်က ဟင်းတစ်မျိုးစီကို မစားတဲ့ အသားတွေကလွဲရင် တစ်မျိုး နည်းနည်းစီ ထည့်လာခဲ့တယ်…။ သတိရတာ ပေါ့.. လေးမကို သံယောဇဉ်ရှိကြတဲ့ အွန်လိုင်းက မောင်နှမတွေကို သိပ်သတိရတာပေါ့… ဒါကြောင့်… အားလုံး ကိုယ်စား… လေးမ ပိုစားခဲ့ပါတယ်…။ အရည်လား… အချိုရည် က သတ်သတ်ဝယ်သောက်ရမယ်ဆိုလို့ ဟင်းချို ပဲသောက်တယ်… အပိုတော့ ၀ယ်သောက်ဘူး..။ အလကားတိုက်တဲ့ ဘီယာကျတော့ ကြိုက်ဘူး..လေ…( နေရာ ချင်းသာ လဲလိုက်ချင်တယ်… လို့  တွေးနေတယ်မို့ လား.. ) ။

ဒုတိယတစ်ခေါက်… ပထမတစ်ခေါက်က စားထားတဲ့ထဲက အရသာတွေ့ တာလေးတွေ ထပ်ဆွဲလိုက်တယ်…။ တတိယ တစ်ခေါက်… အချိုပွဲ… ရေခဲမုန့် ကို စတော်ဘယ်ရီနဲ့  ချောကလက် တစ်ဝက်စီရော.. ဝေဖာ နှစ်ခု စိုက်… ၀ စေတာတွေ ဘာတွေ.. လုံးဝ ခေါင်းထဲမထည့်ဘူး…။ အကြိုက်ဆုံးအရာတွေ မျက်စိရှေ့ ရောက်နေတာ.. စားမှာပဲ…။ ရေခဲမုန့် ပန်းကန်လေးကိုင်ပြီး ဘေးက “ဘို” ကြီးကို ပြုံးပြလိုက်ရင်း လေးမ နည်းနည်း ရှက်သွားတယ်…။ ရေခဲမုန့် ကြောင့် မဟုတ်ပါဘူး…။ သူက ပင်နီအင်္ကျီနဲ့  ပိုးပုဆိုး ၀တ်ထားတဲ့ “ ဘို” ဖြစ်နေပြီး လေးမက ဂျင်းဘောင်းဘီ နဲ့  နိုင်ငံခြားဖြစ် အင်္ကျံဝတ်ထားတဲ့ မြန်မာမ ဖြစ်နေလို့ ပါ…။ ရှက်ရွ့ံ သိမ်ငယ်စွာ နောက်ဆုတ်လာပြီး ကိုယ့်နေရာရောက်တော့ ဘေးဘီဝဲ ယာ ကြည့်ပြီး စိတ်ကို ဖြေရတယ်…။ ငါဝတ်ထားတာ အများကြီး တော်ပါသေးတယ်… မြန်မာ မဆန်ရုံလေးပါလို့  တွေးရတယ်…။ အခြားသော ရွှေပွဲလာ မြန်မာမိန်းကလေးအများစုရဲ့ ၀တ်စားဆင်ယင်မှုက အရမ်းကို ဟော့ပြီး.. အရမ်းကို ရှော့ … ပါတယ်…။ ဒီလို ၀တ်စားပြင်ဆင်လာမယ့် မိန်းမလေးတွေ ရှိတဲ့ နေရာကို သူ့  တစ်ယောက်ထဲမလွှတ်ဘဲ ဘေးက လိုက်လာမိတာ သိပ်မှန်တယ်လို့ လည်း ကိုယ့်ကိုယ်ကို ချီးကျူးလိုက်သေးတယ်…။

အဲဒီလိုနဲ့  ..ဆိုနေတာတွေ နားထောင်… ပြနေတာတွေကြည့်… စိတ်ပါရင် လက်ခုပ် ထ တီးပြီး … ၁၂ နာရီ ထိုးတော့ ‘HAPPY NEW YEAR’ လို့  အော်လိုက်တယ်…။ ကောင်မလေးတွေကလည်း ‘HAPPY NEW YEAR’.. ကောင်လေးတွေကလည်း ‘HAPPY NEW YEAR’ … လူကြီးတွေကလည်း ‘HAPPY NEW YEAR’ … ဘေးက ကောင်းကင်ကြီးကလည်း ‘HAPPY NEW YEAR’ … …။

ဒီလိုနဲ့ … ၂၀၀၈ ရဲ့ နောက်ဆုံးညကို လွန်မြောက်ပြီး ဘေးမသီ ရန်မခ အိမ်ပြန်ရောက်လာတယ်…။

ဟယ်… အံ့သြစရာ… အိမ်က ထွက်လာတုန်းက ၂၀၀၈ … အိမ်ပြန်ရောက်တော့ ၂၀၀၉ …( မအံ့သြရင်လဲနေပေါ့ ) ။ ။

ကြွေးရှင် ( မောင်မျိုး ) ကိုက်မှာ ကြောက်လို့  ၂၀၀၈ ရဲ့ နောက်ဆုံးညကို ဖွင့်ပြလိုက်ပါတယ်…။

လမ်းဖောက်တဲ့အခါ

လူတွေဟာ အချိန်တန် အရွယ်ရောက်လာရင် လမ်းရိုးကြီးကို ငြီးငွေ့ လာကြတယ်…။တချို့ လူတွေက လမ်းသစ်ဖောက်ဖို့  သတ္တိကောင်းကြတယ်…။ တချို့ က သတ္တိမကောင်းပေမယ့် အကြောင်းအမျိုးမျိုးကြောင့် လမ်းသစ်ဖောက်လိုက်ကြတယ်..။ တချို့ က လမ်းဖောက်ဖို့ အများကြီး စဉ်းစားဆဲ… စဉ်းစားမြဲ… ဒီလိုနဲ့  နှောင့်နှေး နေကြတယ်…။ တချို့ ကတော့ လမ်းသစ်ဖောက်ချင်ပေမယ့် လိုအပ်ချက်တွေ ပြည့်စုံဖို့ အတွက် ရုန်းကန်နေရတယ်..။ တချို့ ကတော့ လမ်းသစ်ဖောက်ဖို့  သတ္တိ မရှိသေးဘူး…။

သတ္တိရှိဖို့ လိုသလား… သိပ်လိုတာပေါ့.. တကယ်တော့ ပျော်စရာလို့  ထင်ရတဲ့ ဘ၀ သစ်တစ်ခုကို ဦးတည်တဲ့ အဲဒီလမ်းဟာ သိပ်ကိုကြောက်ဖို့  ကောင်းပါတယ်…။ မျှော်လင့်ထားပြီးသားဖြစ်တဲ့ အန္တရာယ်တွေရော… မထင်မှတ်ထားတဲ့ စိန်ခေါ်မှုတွေရော လမ်းခရီးမှာ စောင့်နေကြတယ်..။  သာယာတဲ့ဘ၀ဆိုတဲ့ ဦးတည်တဲ့နေရာလည်းရှိတယ်… လမ်းညွှန်တွေလည်း ရှိတယ်…။ ဒါပေမယ့် ကိုယ်တိုင်ဖောက်ကြည့် လျှောက်ကြည့်တဲ့အခါ… ထင်သလောက်မလွယ်မှန်း သိလာရမယ်…။ ဦးတည်တဲ့ နေရာကို ဘယ်တော့ ရောက်မယ်… ဘယ်လို ပုံစံမျိုးနဲ့ ရောက်မယ်… ရောက်နေတဲ့ နေရာက တစ်သက်လုံး ဒီပုံစံပဲဖြစ်နေပါ့မလား.. ဘာကိုမှ ရေရေရာရာ မသိနိုင်တဲ့ စမ်းတ၀ါးဝါးလျှောက်ရမယ့် လမ်းကို ဖောက်တော့မယ်ဆိုရင် သတ္တိရှိရမယ်…။

လက်ထပ်တယ်ဆိုတာ အရင်းနှီးဆုံး တစိမ်းနှစ်ယောက် ပေါင်းစည်းခြင်း လို့ မှတ်ယူလိုက်ပါ…။ ရည်းစားဘ၀မှာ ဟန်ဆောင်လို့ ရပေမယ့် အိမ်ထောင်သည်ဘ၀မှာ ဟန်ဆောင်လို့  မရတော့ဘူး…။ သွေးမတော်သားမစပ် .. ကြီးပြင်းရာ အသိုင်းအ၀ိုင်းချင်းမတူတဲ့ တစိမ်းနှစ်ယောက်.. စိတ်တူကိုယ်တူ… ဖြစ်ဖို့ ဆိုတာ တော်တော်ကြီးကို ခက်ခဲတဲ့ အခြေအနေလည်း ဖြစ်တယ်…။ နှစ်ယောက်ထဲတင်မပြီးပြန်ဘူး.. သူ့ ဘက် ကိုယ့်ဘက်.. ဆွေမျိုး.. မိဘ.. မိတ်ဆွေ.. အပေါင်းအသင်း.. အများကြီး ပါဝင်ပတ်သက်နေမယ့် ပြဇာတ်တစ်ခုထဲကို ကိုယ်ရောက်သွားပြီလို့ သာ မှတ်လိုက်တော့ …။

သို့ ပါသော်လည်း… သို့ ပါသော်လည်း… လူဆိုတာ စိတ်လှုပ်ရှားမှုကို ခုံမင်တယ်.. စိန်ခေါ်မှုကို နှစ်သက်တယ်.. ပြသနာတစ်ခုခု ဖြေရှင်းနိုင်ရင် ပီတိဖြစ်တယ်…။ ဒီအချက် တွေနဲ့တင် လမ်းသစ်ဖောက်ခြင်း… လက်ထပ်ခြင်းဟာ လုပ်ထိုက်ပါတယ်…။ လမ်းသစ်ဖောက်မယ့်သူတွေအတွက် လမ်းခရီးမှာ အခက်မကြုံရအောင်  လေးမ သိသလောက် လမ်းညွှန် စာအုပ်တွေ လက်ဆောင်ပေးလိုက်ပါ့မယ်…။ လက်ထဲအရောက်မပို့ နိုင်တဲ့ အဝေးက သူငယ်ချင်းအနေနဲ့  နာမည်ပဲရေးပေးပါ့မယ်..။ ကိုယ့်ဟာကိုယ်.. ရှာဖတ်လိုက်ပေါ့နော်..။ တစ်ခုတော့ သတိပေးချင်တယ်… မင်္ဂလာမောင်မယ် နှစ်ဦးစလုံး ဖတ်မှ အပေးအယူမျှမယ်..။ တစ်ဦးတည်းဖတ်ခဲ့ရင် အသိကြွယ်နေတဲ့ အဲဒီ တစ်ဦးတည်း ကပဲ ပေးဆပ်သူဖြစ်နေလိမ့်မယ်…။

၁။ မင်္ဂလာဦးသူသို့ 

စာရေးဆရာတွေ အများကြီးပါဝင်ရေးသားထားတဲ့ ၀တ္ထုတိုလေးတွေ.. စုထားတဲ့ စာအုပ်ဖြစ်တယ်…။ ဆုံးမစာ..ပညာပေးစာတွေ တကူးတက မဖတ်ချင်ရင် ဒီစာအုပ်လေးကို ဖတ်ပါ..။

၂။လက်ထပ်ထိမ်းမြားခြင်းအနုပညာ ( တင်မောင်မြင့် ( မြန်မာပြန်) )

စာအုပ်က နာမည် လှပေမယ့် ဖတ်ရတာ လေးမ တော့ သိပ်မကြိုက်လှဘူး…။

၃။ ထိမ်းမြားပေါင်းဖက် ရန်ဖြစ်လျက်ပင်ချစ်ကြင်နေနည်း ( အတ္တကျော်)

တော်တော်လေး ပြည့်စုံတဲ့ စာအုပ်ပါ…။ ခေါင်းစဉ်ထဲကလိုပဲ ရန်ဖြစ်နည်းပါ ပါတယ်..။ ယောက်ျားနဲ့ မိန်းမဆိုတာ မတူ..မတူ..ဘယ်နေရာမှ ..မတူ လို့  ဒီစာအုပ်မှာ ရေးထားတယ်…။

၎။ ချစ်ဇနီး ချစ်လင် ( သာဓု )

နည်းလမ်းရေးထားတဲ့ စာအုပ်မဟုတ်ပါဘူး…။ ရသစာပေ.. အိမ်ထောင်ရေး..၀တ္ထုတစ်အုပ်ပါ… ။

၅။ အေးအတူ ပူအမျှ ( ဒေါ်ရီကြိန် )

ဆင်ခြင်စရာတွေ ပါဝင်ပါတယ်…။

၆။ အပေးအယူမျှပါစေ ( ဒေါ်ရီကြိန် )

အပေးရော… အယူရော.. မျှမျှတတ ဖြစ်ချင်ရင် ဖတ်ပါ..။

ရ။ ရာသက်ပန်ရွယ် မောင်နှင့်မယ် ( မင်းစည်သူ )

ဒီစာအုပ်အကြောင်း.. မေ့နေတယ်… ပြန်ဖတ်မှသတိရမယ်..။

၈။ ပျိုလေးရည်းစား မောင့်စိတ်ထားနှင့် မောင့်ရဲ့သက်ထား ပျို့ စိတ်ထား ( ဥမ္မာရီ .. မဟာဝိဇ္ဖာ လက္ခဏာ ပါရဂူ )

ဗေဒင်မယုံဘူးဆိုပြီး လစ်လျူမရှုသင့်တဲ့ စာအုပ်ပါ..။ တော်တော်လေး နီးစပ်တိုက်ဆိုင်တာ တွေ့ ရပါတယ်..။ ဘယ်ရာသီဖွားနဲ့  ဘယ်ရာသီဖွား ပေါင်းရင် ဘယ်လို အိမ်ထောင်ရေးမျိုးဆိုတာက စလို့ … ကိုယ့်ရဲ့ လက်တွဲဖော်ရဲ့ စိတ်နဲ့  သဘောသဘာဝ ကိုပါ အကြမ်းဖျင်း မှတ်သားနိုင်ပါတယ်…။ “တန်ဆေးလွန်ဘေး” ဆိုသလို … လိုသလောက်လေး ယုံကြည်မှတ်သားမယ်ဆိုရင် “ဆေး”  ဖြစ်မှာပါ…။ “ ဘေး” ဖြစ်လောက်အောင်တော့ ယုံကြည်စွဲလန်းစိတ်မထားပါနဲ့ …။

သူငယ်ချင်းရေ…

“ ဖုံကတ္တီပါမှာ စုံညီစွာ ထိုင်ရင်း လက်ဆက်ခဲ့ကြသလို ဘ၀ခရီးလမ်းကို မမောမပန်း မကြမ်းမတမ်းဘဲ လျှောက်လှမ်းနိုင်ကြပါစေ…”

P.S. အော်… မေ့တော့မလို့ … ဟန်းနီးမွန်းခရီးကိုတော့ တစ်သက်စာ မမေ့နိုင်စရာတွေ အပြည့်ဖြစ်နေအောင် သေချာဖန်တီးခဲ့နော်…။

၂၀၀၈ ကိုမျက်နှာသစ်ပေးလိုက်တယ်

ဒီမယ် ၂၀၀၈

ဟန်ဆောင်မှု အထပ်ထပ်နဲ့ 

ညစ်ထေးမှုန်ဝါးနေတဲ့ နင့်မျက်နှာကို

ရေနဲ့  ဆေးပစ်လိုက် …။

အလိမ်အညာတွေနဲ့  ပုပ်အဲ့နံစော်နေတဲ့

နင့်ပါးစပ်ထဲ spray နဲ့  ဖြန်းလိုက်…။

အရိုးအသား မခွဲခြားတဲ့

နင့်ရဲ့သွားတွေကို တိုက်ချွတ်ဆေးကြောလိုက် …။

ပွယောင်းဖွာလန်နေတဲ့ နင့်ရဲ့ဆံပင်ကို

စည်းနှောင် ဘီးဖီးထားလိုက်…။

ဖာထေးစပ်ချုပ် ထားတဲ့ အ၀တ်တွေကို

အသစ်တွေနဲ့  လဲလိုက် …။

ကဲ.. ပြီး ပြီလား..

ကိုယ့်ကိုယ်ကို ၂၀၀၉ လို့ ပြော …

အားလုံးက လက်ခံတယ်…။ ။

HAPPY NEW YEAR

လူသားများအားလုံး နှစ်သစ်ဖြစ်တဲ့၂၀၀၉ ခုနှစ်မှာ သူတစ်ပါးကို ထိခိုက်စေမယ့် ဟန်ဆောင်မှုမျိုး…၊ သူတစ်ပါး နစ်နာရမယ့် လိမ်ညာမှုမျိုး …၊ သူတစ်ပါး ပျက်စီးရာပျက်စီးကြောင်းဖြစ်တဲ့ အမြတ်ထုတ်မှုမျိုး…တွေကို ရှောင်ရှား ထိန်းသိမ်းနိုင်ပြီး.. ဗရမ်းဗတာ စိတ်ကူးတွေ … စနစ်တကျမရှိတဲ့ အတွေးအခေါ်တွေ ကို သေသပ်အောင်ပြုပြင်နိုင်ပြီး … ပြီးစလွယ်ပြင်ဆင် အသုံးချနေတဲ့ အမှားတွေ.. နောင်တတွေကို သစ်သော.. ကောင်းသော.. မှန်သော.. အရာများနဲ့  အစားထိုးနိုင်ပါစေလို့  ဆုတောင်းလိုက်ပါတယ်..။ အထူးသဖြင့် လေးမ ပြုပြင်ဆင်ခြင်နိုင်ပါစေ..။

စိတ်ကူးယဉ်ခြင်း

 စိန်ပွင့်လေးတွေလို တဖျတ်ဖျတ်တောက်နေတဲ့ ကြယ်လေးတွေကို မမှီ့ တမှီ  လှမ်းထိလိုက်ရင်း လမင်းကြီးကို မခို့ တရို့ ပြုံးပြလိုက်တယ်…။ မည်းမှောင်နေတဲ့ ညကတီပါနောက်ခံမှာ လေးမ စီးနင်းလိုက်ပါလာတဲ့ ယာဉ်ပျံလေးက မီးရောင်စုံလင်းလက်လို့  တောက်တောက်ပပလေးဖြစ်နေပါတယ်…။

“မလေးမရေ… စောင့်ပါဦး… နေ့အိပ်မက်လည်း လိုက်မယ်… ”

“ လာလာ… မြန်မြန်.. ကြိုးချပေးလိုက်မယ်.. တက်… တက်… ဟဲ့ … လက်ထဲက စာအုပ်တွေ ထားခဲ့လေ.. လေးတယ်…”

“ မဖြစ်ဘူး… မထားခဲ့နိူင်ဘူး.. ပလုတ်တုတ်စာစောင်တွေ.. နေ့ အိပ်မက် ကဗျာတွေပါတယ်.. ပြီးတော့ ဟိုမဂ္ဂဇင်းတိုက်အတွက် ရေးလက်စ စာမူတွေ .. မမရဲ့..”

“ အဂါင်္ဂြိုဟ်မှာ အေးအေးဆေးဆေး နားပါမယ်ဆိုအေ …”

“ နားချိန်မှာလည်း စာနဲ့  မခွဲနိုင်ဘူး.. မမရဲ့… ဒါနဲ့  အဂါင်္ဂြိုဟ်မှာ ကိုးနတ်ရှင် ကောင်းရဲ့လားမသိဘူးနော်… ဘလော့ဂ်တွေ လည်လို့ မှရပါ့မလား.. မမ.. ဘန်းတာတွေ ဘာတွေများ ရှိလားမသိ..”

“ မပူပါနဲ့ .. မမတစ်ယောက်လုံးပါတာပဲ… အင်တာနက်သာ သုံးလို့ ရရင် ကျန်တာ ဘာမှမပူနဲ့ ..”

“ ဟွန်း.. ဟွန်း.. ဟွန်း.. မင်းဘယ်ပြေးမလဲ မိချိုသဲ… အဟဲ… တီကြွက်တို့က စိတ်ပုတ်တယ်ဗျာ.. အဂါင်္ဂြိုဟ်သွားတာ အနော့်ကိုကျတော့ မခေါ်ဘူး… ဒါပေမယ့် ဘယ်ရမလဲ.. အနော့်မှာ အင်ဖော်မာတွေ ရှိပြီးသား… မျက်စိတွေ .. နားတွေကို  ဖြန့် ကျက်ထားတာ… သိသိခြင်း စုံစီနဖာ အိမ်က အစာတောင်းနေတဲ့ ကြောင်ကို ခွစီးပြီး အမှီလိုက်လာတာ…။ ဟိုဘက်နည်းနည်းတိုး.. အနော်ထိုင်မယ်…။ ဂိုး.. ပြန်ပေတော့..ကြောင်ရေ..။”

“ကိုမျိုး.. ဘိုလို ရောမပြောပါနဲ့ .. အင်ဖော်မာကို .. သတင်းပေးသူ…  ဂိုးကို မြန်မာလို.. သွား.. လို့ ပြောလည်းရတာပဲ..”

“ဆောတီး.. နေ့အိပ်မက်ရယ်… အယ်… ၀မ်းနည်းပါတယ်… တောင်းပန်ပါတယ်… စိတ်မကောင်းပါဘူး.. အဲ.. သိတော့ဘူးဟာ… နောက်ဆို ဘိုလို ရောမသုံးတော့ဘူးနော်… စိတ်ဆိုးနဲ့ ..”

“ မမရေ.. မီ့..ကြောင်ကို မောင်မျိုး လုသွားတယ်… ”

“ ဟယ်… ရွှန်းမီ… လာလာညီမလေး.. ဘာလို့ နောက်ကျနေတာလဲ… ”

“ လမ်းမှာဗိုက်ဆာရင် စားဖို့  ပေါင်မုန့် ဖုတ်နေလို့.. မမရဲ့..”

“ပေါင်မုန့်တဲ့.. စားချင်လိုက်တာ.. ပေး..ငါ့ကိုတစ်လုံး…။ ဟင်… နင့် ပေါင်မုန့် ကလည်း အတူးကြီး…”

“ ကိုကြီးပန်လေ… မောင်မျိုးရဲ့… နင်ပဲ ကြိုက်တယ်ဆို..”

“ မမ.. ရှေ့ မှာ .. ရှေ့ မှာ… နတ်သမီးလေးလားမသိဘူး… တောင်ပံလေးခတ်ပြီး လာနေတယ်… လက်ထဲမှာပန်းကန်ပြားလေးနဲ့ …”

“ အားလုံး မာကလာပင်… ပလာတာ စားကြပါဦးရှင်.. မနက်အိပ်ယာထကတည်းက မျက်နှာတောင်မသစ်ဘဲ ထချက်ထားတဲ့ အာလူးပတာတာ.. ကြွက်သားပလာတာပါရှင်…”

“… ဂါဂါ … နင်သွားလည်းမတိုက်လာဘူးမဟုတ်လား… ခေါင်းလည်းဖြီးလာပုံမပေါ်ဘူး..”

“နင်ရော.. ဘယ်လောက် သန့်လို့လဲ.. နင့်ကိုယ်ပေါ်မှာ ယင်ကောင် ၃ ကောင်နားနေတာ နင်သိလား…”

“အယ်… ဟုတ်တယ်… မောင်မျိုးကို ဘာလို့  ယင်နားနေတာတုန်း…”

“ဟီး.. ချမ်းလို့  ရေမချိုးတာ ၁ ပတ်ကျော်သွားပြီ..”

“ဖြောင်း.. ဖောင်း…ဗုန်း..”

“မမ… ရှေ့ မှာ ဗုန်း… ထင်တယ်.. ကြယ်တွေ ပေါက်ကွဲ.. လွှင့်စင်နေတာတွေ့ တယ်…”

“တီကြွက်ရဲ့.. သွားကြည့်ရအောင်ပါဗျာ.. အားလုံးမကြောက်ကြပါနဲ့ .. ဗလကြီး မောင်မျိုးပါတယ်.. အရေးအကြောင်းဆို ခါးကိုတင်းတင်းဆွဲထား…”

“ ဟယ်… ဘိုညိမ်း.. ဘိုတင့်နဲ့ သီဟညိမ်း.. ပဲ … ဟိုဘက်က ကြယ်တွေကို ထိုင်မျှားနေတာ.. မျှားပြာ.. မဟုတ်လား..”

“ ဟာ.. ဟုတ်တယ်.. ဒီကောင်ကြီး.. ဒီရောက်နေတာကိုး… ဟေ့..ပဲဟင်း.. ချက်ကြီး…”

“မင်းတို့  ဒီမှာ.. ဘာလုပ်နေကြတာလဲ…”

“ငါတို့  နူးကလီးယား.. စမ်းသပ်မှုပြုလုပ်နေကြတာ..”

“ ဘိုညိမ်းတို့ က ဘာလို့  ဒီမှာ စမ်းသပ်နေတာတုန်း… ကမ္ဘာမြေပေါ်မှာစမ်းမှပေါ့..”

“ထိခိုက်မှု အနည်းဆုံး… ဆုံးရှုံးမှု အနည်းဆုံး ဖြစ်အောင်ပါ.. အစ်မ…။”

“အဆင့်မြင့် နည်းပညာတွေ သုံးပြီး တီထွင်ထားတာပေါ့နော်…”

“ ဟုတ်တယ်… အစ်မ… မင်းကျန်စစ် ပေးတဲ့ အကြံအတိုင်း တီထွင်ထားတာ.. မြင့်သလားမမေးနဲ့ .. ဒီနူးကလီးယား မှန်တဲ့ အရာဝတ္ထုက ပထမဆုံးယားမယ်… အတွင်းကလီစာတွေ မခံနိုင်အောင်ယားပြီး သူ့ ဟာသူ ပေါက်ကွဲသွားမယ်…”

“ ဟဲ့.. ပလုတ်တုတ်.. ကြောက်စရာကြီးပါလား… နင်တို့ ဟာတွေ ခဏ ရပ်ထားကြပါဦး.. ငါတို့ ကို မတော်တဆမှန်ကုန်ရင် လမ်းတစ်ဝက်မှာတင် နတ်ပြည်ရောက်ကုန်ဦးမယ်…”

“ ဟား…ဟား.. သိပ်မကြောက်ပါနဲ့  အစ်မရဲ့… ဒီနူးကလီးယားက မိန်းကလေးတွေကိုမှန်ရင် မပေါက်ကွဲပါဘူး… နည်းနည်းလေး ယားရုံလေးယားမယ်.. ယားပြီးရင်တော့ ရည်းစားဖြစ်သွားမယ်… ပစ် တဲ့သူနဲ့  … ဟဲ…ဟဲ…ဟဲ..”

“ ကျွန်တော်တို့ တောင် စမ်းသပ်မှုကို စာရင်းပိုပြပြီး နည်းနည်းစီ တိုထားသေးတယ်… လိုအပ်ရင် အရေးပေါ်သုံးဖို့ …”

“ကြည့်စမ်း… ဘိုတင့်… ဘိုညိမ်း.. တိုင်လိုက်ရမလား… သွားပြောလိုက်မှာနော်… ”

“ ဘိုတင့်ရေ.. အစ်မလေးမကတော့ ဘလော့ဂ်ပေါ်မှာတင်မကဘူး… ဒီနေရာမှာလည်း နိုင်ကွက်ရနေပါလားကွာ… ငါတို့ အဖြစ်ကို ကဗျာရေးကြစို့ …”

“ ဘိုညိမ်းရေ.. ခြေခင်းလက်ခင်းသာတဲ့ တစ်နေ့ ရေးကြတာပေါ့ကွာ… လောလောဆယ်တော့ စာမေးပွဲဖြေနိုင်အောင် စာတွေကို ကဗျာစပ်ပြီး ကျက်ကြဦးစို့ …”

“ ကဲ.. အစ်မတို့  ခရီးဆက်လိုက်ဦးမယ်… ။ မောင်လေးတို့ရယ်… အစ်မတို့  သွားပြီး နာရီဝက်လောက်နေမှ ဆက်စမ်းသပ်နော်.. ။ ”

“ စိတ်ချပါအစ်မရဲ့… ဖွာကနဲ လွှင့်စင်သွားတဲ့ ကြယ်စတွေကို မြင်ပြီး ရင်ဘတ်ထဲမှာ ပိုးဟပ်တွေ ရွစိတက်နေသလို ကဗျာရေးချင်စိတ်တွေ ဖွာလန်ကြဲနေလို့  ရေးလိုက်ဦးမယ်ဗျာ… ရေးပြီးမှ ဆက်စမ်းသပ်မှာ….”

“ အစ်မရေ.. ဟိုမှာ… ပူဖောင်းကြီးတစ်လုံး… လာနေတယ်..”

“ ပူဖောင်းထဲမှာ မျက်မှန်တ၀င်းဝင်းနဲ့  ထိုင်နေတာ ပိစိနဲ့  တူတယ် တီကြွက်ရဲ့…”

“ အဲဒီကောင်လေးကို တို့  ယာဉ်ပျံပေါ် ခေါ်လိုက်စမ်းပါဟယ်… တော်ကြာ မလေးမက ပိစိကို အဖတ်မလုပ်ဘူးလို့  အတင်းအုပ်နေဦးမယ်…”

“ ပိကျိ.. နင်က ပူဖောင်းကြီးနဲ့  စတိုင်လ်ထုတ်တာလား…”

“ ဟုတ်ပါဘူးဟာ… စိတ်ညစ်တာတွေ.. ဒေါသထွက်တာတွေ ပျောက်အောင် ပူဖောင်းမှုတ်ရင်း အရှိန်လွန်ပြီး လူပါ အထဲဝင်သွားတာ…။ ပြီးတော့ ဒီပေါ်လွှင့်လာတာ…။”

“ ဝေး.. ဟေး… ဟေး… အဂါင်္ဂြိုဟ်ပေါ် ရောက်ပြီ… လှလိုက်တာနော်… လာ… လာ.. ဓါတ်ပုံရိုက်ကြမယ်…”

“ ဟဲ့.. ဟိုနားက ကျောက်တုံးကြီးက စကားပြောသလိုပဲ… အသံကြားနေရတယ်… သွားကြည့်ရအောင်…”

“ ရှူး… ခြေသံလုံပါစေနော်…”

“ ကိုကို…ကလေး… ရော့စား… ကိုကို ကိတ်စား… ကလေးရော့ နှုတ်ခမ်းနီဆိုး… ကိုကို… ကလေး…”

“ ဟင်… ဆရာ့အသံနဲ့ တူလိုက်တာ… တီကြွက်ရေ”

“ ကိုကို.. ကိုကို့ ကားမှာ မီးလုံးလှလှလေးတပ်ဖို့ ပဲ စိတ်ဝင်စားနေတာလား… ကလေးနဲ့  ချက်ဖို့  ပျက်နေတာကြာပြီ… အဲ့ကားကို မနာလိုဖြစ်လာပြီ…”

“ ကလေးရယ်… ကိုကိုကလေ ကားလေးကို တအား စိတ်ဝင်စားနေလို့ ပါ… ကလေးနဲ့ ချက်ဖို့  ၂၄ နာရီမှာ ၁ နာရီလေးပဲ ပျက်မိတာပါ..”

“သေချာပြီဟ.. မောင်မျိုးရေ… ၁… ၂… ၃… မိပြီဗျို့ … ဒီအတွဲ… အဂါင်္ဂြိုဟ်ပေါ်မှာချိန်းတွေ့ နေတာ ဘလော့ဂ်ပေါ်မှာ ဖွလိုက်မယ်…”

“ လေးမ… ဘာပြောတယ်.. ဖွရဲဖွကြည့်ပါလား… နင့်ဘလော့ဂ် ဘာဖြစ်သွားမယ်…ထင်သလဲ… ဘာဖြစ်သွားမယ်…ထင်သလဲ…”

“ဟုတ်ကဲ့.. လေးမ ဘာမှ မဖွတော့ပါဘူး…”

ထိုစဉ်….

“ဖောင်း” … ပေါက်ကွဲသံတစ်ခုနဲ့အတူ မီးခိုးလုံးကြီး ပေါ်လာပြီး… မီးခိုးငွေ့ များ ပျောက်ကွယ်သွားသောအခါ အနက်ရောင် ၀တ်ရုံရှည်ခြုံထားသော လူတစ်ဦးပေါ်လာသည်…။ ထိုသူက ဆောင်းထားသော ကတော့ချွန်ဦးထုပ်ကိုပင့်ပြီး ခပ်ပြုံးပြုံးကြည့်ကာ “ wordpress plugin လေးတွေ ကလိနေလို့  နောက်ကျသွားတယ်..” လို့  လူမင်းစတိုင်လ်ဖြင့်ပြောသည်…။

“ရပါတယ် မှော်ဆရာရယ်… ဒါနဲ့  အစ်မတို့ကို အဂါင်္ဂြိုဟ်ပေါ်ရောက်ရင် လက်ဆောင်ပေးမယ်ဆို…”

“ပေးပါ့မယ်ဗျာ… ပန်းခြင်းလှလှလေး… ပန်းအိုးလှလှလေးတွေပေးမယ်… မှော်အတတ်နဲ့  ဖန်ဆင်းပေးမှာ… ”

“ဥုံ…. ပေါက်တွေရန်း .. ပန်းတွေရောက်… မြောက်မြောက်ရန်… မြန်မြန်ရောက်… အ..ချလောင်း…”

“ဟယ်… ပန်းခြင်းတွေတော့.. လှလိုက်တာ…အများကြီးပဲ…”

နောက်ဆုံးပန်းအိုးနဲ့ အတူ ပန်းထိုးနေသည့် အစ်မတစ်ယောက်ပါ တွဲပါလာ၏..။

“.. ဟယ်… မနုစံ.. ဒီမှာပန်းအိုးထိုးမလို့ လား… အစ်ကိုမလွှတ်ဘူးထင်လို့  အစ်မကိုမခေါ်တာ..”

“ ဘယ်လိုဖြစ်တယ်.. မသိပါဘူး လေးမရယ်…။ အစ်မက နယူးရီးယားအတွက် ပန်းထိုးကျင့်နေတုန်း… ဒုန်းဆို ကြမ်းပြင်ကြီးတုန်သွားပြီး.. ဒီကိုရောက်လာတာပဲ…”

“ဒါကဒီလိုပါ မနုစံ… ကျွန်တော်က ကမ္ဘာပေါ်မှာ အလှဆုံးပန်းအိုး.. ပန်းခြင်းမှန်သမျှ ဒီကို ရောက်စေလို့ မန်းမှုတ်လိုက်တဲ့အချိန်မှာ အလှဆုံးပန်းအိုးကို ထိုးလက်စဖြစ်နေတဲ့ အစ်မပါ ပါလာတာဖြစ်ပါတယ်ခင်ဗျာ..”

“အော်..ဒီလိုလား.. ဘာပဲဖြစ်ဖြစ်…ရောက်ဖူးသွားတာပေါ့.. ကျေးဇူးတင်ပါတယ်.. မှော်ဆရာ..”

“ မှော်ဆရာ…ရေ.. ကျေးဇူးတင်လက်စနဲ့  ဆက်တင်ရအောင်.. လေးမတို့ ကို အိမ်အမြန်ပြန်ရောက်အောင် ပို့ ပေး ပါကွယ်…။ အစ်မ ညနေစာမချက်ရသေးလို့ …။ ကျန်တဲ့သူတွေ လည်ချင်သေးရင် ဆက်လည်နော်.. လေးမတော့ပြန်တော့မယ်..”

“ပို့ ပေးမယ်..အစ်မ…မျက်စိမှိတ်.. ရောက်ချင်တဲ့ နေရာကို အာရုံပြုကြ… ဥုံ… ဥုံ.. ဥုံ… အ ..ချလောင်း…”

ဖျတ်ခနဲ မျက်စိကိုဖွင့်လိုက်တော့ … ဝေကျနေတဲ့ ထမင်းအိုးက မြင်ကွင်းထဲ ၀င်လာပါတယ်…။ ဖြစ်ပျက်ခဲ့သမျှ.. တကယ်လား.. အိပ်မက်လား… စိတ်ကူးယဉ်တာလား… ဘာမှ သဲသဲကွဲကွဲ မတွေးနိုင်ခင် အရင်ဆုံး အာရုံရတာက ယောင်းမ…ယောက်မ…။ ဘယ်မှာပါလိမ့်… ယောင်းမရေ.. ဘယ်ရောက်နေပါလိမ့်… ဘယ်မှာထားမိပါလိမ့်… ဒွတ်ခပါပဲ.. လိုရင်မတွေ့ ဘူး…။

“ဘတ်..”

နဖူးကို အရိုက်ခံလိုက်ရတာပါ…။ ယောင်းမက တွယ်ထည့်လိုက်တာပါ…။ သူက ထမင်းအိုးဘေးမှာ ခါးထောက်ရင်း ခပ်တည်တည်ပြောလိုက်ပါသေးတယ်…။

“ယောင်းမကိုမရှာနဲ့ … ညည်းရှေ့ မှာ ရှိတယ်..လို့  ပြောထားတယ်မဟုတ်လား… ဘာလို့ ရှာနေတာတုန်း… ပူစရာရှိရင် အပူခံဖို့  ကျူပ်ကစောင့်နေတယ်…” တဲ့…။

ကျေးဇူးပါပဲ … ယောင်းမရယ်…။ ။

လေးမ၏ “စိတ်ကူးယဉ်ခြင်း ”  ဤတွင်ပြီးဆုံးပါပြီ…။ ကိုယ်စိတ်နှစ်ဖြာ ကျန်းမာချမ်းသာကြပါစေရှင်…။

နေ့အိပ်မက် စိတ်ကူးယဉ်ခိုင်းလို့  အားပါးတရ စိတ်ကူးယဉ်လိုက်မိတဲ့ လေးမရဲ့ ပို့ စ်ထဲမှာ မနှစ်သက်တာလေးများ ပါနေခဲ့ရင်… မုန့် ဝယ်ကျွေး… ပြန်ဖျက်ပေးမယ်…။ နာမည်မရေးထားပေမယ့် အဂါင်္ဂြိုဟ်ခရီးစဉ်မှာ လေးမကို သံယောဇဉ်ရှိတဲ့သူ အားလုံးပါဝင်ခဲ့ပါကြောင်း ထပ်မံဖြည့်စွက်ပါတယ်ရှင်…။

ဒဿ and the Beast

ခေါင်းစဉ်ဖတ်ပြီး မြန်မာတစ်ဝက် ဘိုတစ်ဝက်နဲ့  လေးမ ရူးများရူးသွားပြီလားလို့  သက်သက်ညှာညှာ တွေးလိုက်ကြမလား … ။ ဒီနေရာက နံပါတ် ၈ စီမံကိန်းကြီး တကယ် အကောင်အထည်ဖော်လိုက်ပြီလားလို့  အပြေးအလွှား သတင်းမေးကြမလား … ။ မတွေးကြ.. မမေးကြပါနဲ့ ..။ တစ်ခါတည်း ရှင်းပါမယ်…။ ဒဿကို Datha.. Dadtha.. Deatha.. လို့  မရေးချင်လို့ ဒဿကို ဒဿ လို့ ပဲ ရေးလိုက်တာပါ … ။

The Beast ကတော့ Beauty and the Beast က Beast ကိုပြောတာပါ…။ မြန်မာပြန်စာအုပ်တွေမှာ ကိုရုပ်ဆိုးလို့  ကိုယ်စားပြုရေးသားထားပေမယ့် လေးမမျက်စိထဲမှာတော့ ခြင်္သေ့ကြီးလို့ ပဲ မြင်ပါတယ်…။ ကိုရုပ်ဆိုးပဲခေါ်ခေါ် .. ခြင်္သေ့ကြီးလို့ ပဲ ပြောပြော.. ဇာတ်လမ်းအဆုံးမှာ အောင်ပွဲ ခံနိုင်ခဲ့တဲ့ the Beast ဖြစ်ပါတယ် …။ အိပ်ယာဝင်ပုံပြင်တစ်ပုဒ် … Walt Disney ရဲ့ ကျော်ကြားတဲ့ ကာတွန်းရုပ်ရှင် တစ်ပုဒ် … ပုံပြင်စာအုပ်တွေထဲမှာ အမြဲတမ်းရှင်သန်နေတဲ့ ပုံပြင်လေးတစ်ပုဒ် … ဖြစ်တဲ့ Beauty and the Beast ကို လူတိုင်းလိုလို ရင်းနှီးပြီးသားဖြစ်မှာပါ…။ အဖိုးတန် နှင်းဆီတစ်ပွင့်အတွက်နဲ့  တောအုပ်ထဲက ကြမ်းတမ်းပြီး ကြောက်စရာကောင်းတဲ့ သားရဲကောင်ကြီးရဲ့ … ရဲတိုက်အိုကြီးမှာ လာနေရတဲ့ မိန်းမလှလေး နဲ့  သားရဲကောင်ကြီးတို့  မေတ္တာသက်ဝင်သွားကြတဲ့ ဇာတ်လမ်းလေးဖြစ်ပါတယ်…။

ဒီဇာတ်လမ်းက ဘာကိုရည်ရွယ်ပါသလဲ…။ ဘယ်လောက်ပဲ ကြမ်းတမ်းရုပ်ဆိုးသူဖြစ်ပါစေ .. မိန်းမလှလေးရဲ့ အချစ်ကို ရနိုင်တယ်လို့  ရုပ်ဆိုးသူတွေ အားမငယ်ရအောင် ဘက်လိုက်ထားတာလား…။ မိန်းမလှလေးရဲ့ အချစ်ကိုရတာနဲ့ ကျိန်စာပျယ်သွားတဲ့ မင်းသားချောလေး ဖြစ်နေတာကိုကြည့်ပြီး … အားငယ်ရမှာလား…။ နူးညံ့သိမ်မွေ့ တဲ့ အချစ်ကို ဘယ်သူမဆို ခံစားနိုင်တယ်လို့  ပြောချင်တာလား…။ အချစ်ဟာ အပေးရှိရင် အရ လည်းရှိတယ်လို့  နားလည်ရမှာလား…။ ဘာပဲပြောပြော ငယ်စဉ်ကတော့ အင်မတန် စိတ်ကူးယဉ်လို့  ကောင်းတဲ့ ဇာတ်လမ်းတစ်ပုဒ်ဖြစ်ခဲ့ပါတယ် … ။

ရုပ်ဆိုး အကျည်းတန်… ကြမ်းတမ်း ကြသူချင်းအတူတူမှာ ရာမ ဇာတ်တော်ထဲက ဒဿကတော့ ကံမကောင်းခဲ့ရှာပါဘူး…။ ဒဿလည်း ဘုရင်ဖြစ်တယ်… ဒဿလည်း ချစ်တတ်တယ်… ဒါပေမယ့် အချစ်ကံ ခေတဲ့ ဒဿခမျာမှာ သီတာ ရဲ့ အချစ်ကို မရခဲ့ရှာပါဘူး…။ ကျိန်စာသင့်နေတဲ့ မင်းသားလေးမှ မဟုတ်ဘဲ လို့  အတွန့် တက်ရမလား…။ သူများမိန်းမကို ခိုးတာကိုးလို့ ပဲ တွေးပေးရမလား…။ ဒဿဂီရိ ဘာလို့  အချစ်ရှုံးသမားဖြစ်တာလဲ…။ ဒဿနဲ့  the Beast က ပုံစံချင်းဆင်တဲ့ ဇာတ်ကောင်တွေ ဖြစ်ပေမယ့် ရလာဒ်ချင်း ဆန့် ကျင်ဘက်ဖြစ်နေတာ ဘာလို့ လဲ …။ အရှေ့ တိုင်းနဲ့  အနောက်တိုင်း စာရေးဆရာတွေရဲ့ ခံယူချက်… အတွေးအမြင်နဲ့  နှလုံးသားချင်းကွာခြားလို့  များလား…။

… လား…

….လား…

…လား….

အား..လား…လား… အလုပ်မရှိအလုပ်ရှာ စဉ်းစားခန်းဖွင့်နေလိုက်တာ .. ခေါင်းတောင်အတော်ပူသွားပြီ… သီချင်းလေး တစ်ပုဒ်လောက် ဖွင့်လိုက်ဦးမယ်….။

“ ဘီလူးခေါင်းလေးနဲ့  ချစ်သူလေး မောင်ရယ်…. မင်းသားလေးလို့  … မှတ်ထင်ထားပါတယ်… လိမ်တယ်… ညာတယ်… အချစ်ကို ကစားတယ်…. ညာနေတာကို သိရက်သားနဲ့ ….”

အင်း… သီချင်းနားထောင်လဲ ဘီလူးနဲ့  မလွတ်ပါလား…။ တကယ့် လူ့ လောကမှာ ကျိန်စာမိထားတဲ့ Beast တွေလည်း မတွေ့ ဖူးဘူး… ခေါင်းဆယ်လုံးနဲ့  ဒဿလည်း မရှိဘူး…။ မင်းသားခေါင်းဆောင်းထားတဲ့ ဘီလူးတွေပဲများနေတယ် ဆိုတော့ မခိုင်ရဲ့ သီချင်းက တကယ့်လောကနဲ့ အနီးစပ်ဆုံးသီချင်းပဲ … လို့  ကောက်ချက်ဆွဲရင်း မီးပျက်လိုက်ပါတယ်ရှင်… ။ ။

ယနေ့ရန်ကုန် ( ၂ )

ယနေ့ရန်ကုန် ( ၂ )

သူငယ်ချင်းရေ

ငါတို့ မြို့ မှာလေ …

သမိုင်းနဲ့  စကားပြောသူတွေအတွက်

နာဂစ်ဟာ ခေတ်တစ်ခေတ် ဖြစ်ခဲ့တယ်

နာဂစ် မတိုင်ခင်က …

နာဂစ်တုန်းက …

နာဂစ်ပြီးကတည်းက…။

သူငယ်ချင်းရေ

ငါတို့ မြို့ မှာလေ …

ရောင်းမကောင်းလို့ လား … ရောင်းကောင်းဖို့ လား

ဈေးပွဲတော်တွေ.. ပရိုမိုးရှင်းတွေနဲ့

ရာသီမစခင်က

ရာသီတုန်းက

ရာသီကုန်ကတည်းက …။

သူငယ်ချင်းရေ

ငါတို့ မြို့ မှာလေ…

Capital နဲ့ Ocean မှာ

promotion area တွေနဲ့  အမြတ်ထွက်နေချိန်

ဗိုလ်ချုပ်ဈေးက တစ်နာရီ ၂၀၀ နဲ့ 

အသက်ဆက်နေခဲ့တယ် … ။

သူငယ်ချင်းရေ

ငါတို့ မြို့ မှာလေ

ကန်တော်ကြီး ဘူဖေးပွဲကြီးထဲ

အဆိုတော် သရုပ်ဆောင် ဇာတ်မင်းသား အမယ်စုံလှတယ်

ကြိုက်တတ်ရင်တော့ ၀င်ကြေး ၃၀၀ …အပြင်

အပိုဆောင်းခဲ့ပေါ့ …။

သူငယ်ချင်းရေ

ငါတို့ မြို့ မှာလေ …

သားသည် မအေတွေက

နို့မှုန့် ထဲ မယ်လမင်း ပါတာလောက်တော့

ကျုပ်တို့ က အရေးမလုပ်ပါဘူး

ထမင်းရည်ထဲ အဆိပ်မပါတာဘဲ

စ်ိတ်အေးနေရပါတယ်တဲ့…။

သူငယ်ချင်းရေ

ငါတို့ မြို့ မှာလေ …

ပဲသမားတွေတော့

ခွက်ခွက်ကိုလန်လို့ 

နဖူးကွဲတဲ့သူနဲ

ဒူးပြဲတဲ့သူနဲ့ …။

သူငယ်ချင်းရေ

ငါတို့ မြို့ မှာလေ …

အင်တာနေရှင်နယ် လေဆိပ်ကြီးက

ပွဲခင်းကြီးလို စည်ကားနေတာ

စီးပွားပျက်ရာသီ မစခင်က..

ရာသီတုန်းက..

ရာသီပြီးကတည်းက … ။

သူငယ်ချင်းရေ

ငါတို့ မြို့ မှာလေ …

ဝမ်းရေးအတွက် လမ်းဘေးကလူတွေက

မာယာဗရပွနဲ့ 

ဘာသာဘာဝ ကျက်စားနေကြတာ

၂၀၀ရ မတိုင်ခင်က …

၂၀၀ရ တုန်းက …

၂၀၀ရ ပြီးကတည်းက…။ ။

မှတ်ချက်။ ။ ၂၀၀ရ နေရာတွင် နှစ်သက်ရာ ခုနှစ် အစားသွင်းနိုင်သည်…။

ဖွင့်ဆိုချက်

Capital = သာကေတမှ hypermarket

Ocean = ကိုးမိုင် တရုတ်သချိင်္ုင်းနေရာတွင် ဆောက်ထားသော supermarket

လမ်းဘေးကလူ = သူတစ်ပါးကို စိတ်၏ချမ်းသာခြင်း ၊ ကိုယ်၏ချမ်းသာခြင်း၊ မေတ္တာတရား… ဘာမှမပေးနိုင်ဘဲ.. မိမိအတွက်သာ အားလုံးတောင်းခံနေသူ…။

အကြိုက်ဆုံးကဗျာ …

Tag မှ ပို့ စ်တင်တယ်လို့  ပြောရင်လည်း ခံရတော့မှာပဲ …။ ပို့ စ်တင်ရင် Tag Game ကို အရင်တင်တယ်လို့  ပြောရင်လည်း ကျေနပ်လျက်ပါပဲ…။ အဆက်ပြတ်နေတာ ကြာပြီဖြစ်တဲ့ ဘလော့ဂ်မှာ ပို့ စ်တင်ဖို့  စဉ်းစားမိတာနဲ့  မောင်မျိုး ရေးခိုင်းထားတာကို အရင်ရေးမိတယ်…။ အကြိုက်ဆုံးကဗျာ … ။

ခုချိန်ထိ လေးမ ဖတ်ဖူးတဲ့ ကဗျာ .. နှစ်သက်တဲ့ ကဗျာတွေ တော်တော်များပါတယ်… ။ ခုထိအာရုံထဲမှာ စွဲနေတဲ့ ကဗျာတစ်ပုဒ်ကို အကြိုက်ဆုံးကဗျာအဖြစ် ရွေးချယ် လိုက်ပါတယ်…။

အဲဒီကဗျာကတော့

ကြာချည်အလှပ် ကြည့်တချက်ရယ်နဲ့
ဆုံးသတ်တဲ့သံယောဇဉ်ကြောင့် အသည်းစိုင်ပြတ်ပြီပေါ့..
အဆိုးငယ်ငိုတေးနဲ့ ခြေဆွဲလို့တားမရအောင်
ခွန်းတုံ့မပြန် ငြိမ်သက်စံရင်း
ရာဟုကိုထွေးလို့ အိပ်ဟန်ဆောင်ခဲ့ရတယ်…

လို့  “ ယသော်ဓယာ” ရဲ့ ခံစားချက်ကို ကိုမျိုးဦးဥာဏ်က ဖွဲ့ သီထားတဲ့ “ ယသော်ဓယာ တမ်းချင်း”ပါ..။

ရာဟုကိုထွေးလို့ အိပ်ဟန်ဆောင်ခဲ့ရတယ်… တဲ့…။

မျက်စိထဲမှာ ဗုဒ္ဓ၀င် စာအုပ်ထဲက သိဒ္ဓတ္ထမင်းသား တောထွက်ခါနီး ခန်းစည်းလေးလှပ်ပြီး ယသော်ဓယာကို ကြည့်နေတဲ့ ပုံလေး… ယသော်ဓယာက ကျောခိုင်းထားတဲ့ပုံလေးကို မြင်ယောင်မိတယ်…။ ခြေဆွဲလို့  တားချင်လည်း ဘယ်ရမလဲ…။ မာရ်နတ်တောင် တားလို့ မရတာ… မိန်းမသားတစ်ယောက်ဖြစ်တဲ့ ယသော်ဓယာက သားလေးပွေ့ ပြီး အိပ်ဟန်ယောင်ဆောင်ရုံပဲ စွမ်းနိုင်ရှာ မပေါ့ ….။

အကြိုက်ဆုံးစာသား… စွဲနေတဲ့ စာသားလေးက ….

လွမ်းရုပ်မဖော်ရဲတဲ့ လင်ပစ်တဲ့နန်းမတော်ရယ်ပါ

ကောင်းလိုက်တဲ့ အသုံးအနှုန်း… စကားလုံး ကျစ်ကျစ်လစ်လစ်နဲ့  အင်မတန် အသက်ဝင်တယ်…။ ခင်ပွန်းသည် တောထွက်တရားကျင့်တာကို တငိုငိုတရယ်ရယ်နဲ့  လွမ်းပြနေလို့  ဖြစ်မလား…။ ဒါပေမယ့် ရင်ထဲမှာတော့ လွမ်းရှာမှာပဲ…။ လင်ပစ်တဲ့ နန်းမတော်တဲ့…။ နန်းမတော်ကြီးဆိုတာ အင်မတန် မက်မောစရာ နေရာပဲ… ချမ်းသာပြည့်စုံ…သြဇာကြီးလို့  မက်မော အားကျစရာ အနေအထားပေမယ့်… ယသောဓယာကတော့ လင်ပစ်တဲ့ နန်းမတော်ပါတဲ့…။ လင်ယောက်ျားရဲ့ ချစ်ခင်ဂရုစိုက်… ကာကွယ်စောင့်ရှောက်မှုခံရတဲ့ သာမန် ဆင်းဆင်းရဲရဲ မိန်းမ တစ်ယောက်နဲ့  တောင် မယှဉ်ဝံ့တော့အောင် ခံစားနေရတဲ့ နန်းမတော်ကြီး လို့  လေးမ ခံစားရပါတယ်….။

လေးမ ငယ်ငယ်ကတည်းက ယသော်ဓယာကို မိန်းမသားချင်း ကိုယ်ချင်းစာမိခဲ့တဲ့သူဖြစ်တဲ့အတွက် ဒီကဗျာကို အရမ်းနှစ်သက်မိပါတယ်…။ အပေါ်မှာရေးထားတာတွေက ကဗျာဖတ်ပြီး လေးမရဲ့ အမြင်ပါ…။ လေးမရဲ့ တစ်ဖက်သတ်အတွေးနဲ့  ကဗျာဆရာရဲ့ မူရင်း ခံစားချက်.. ရည်ရွယ်ချက်နဲ့  လွဲချော်ခဲ့သည်ရှိသော် ခွင့်လွတ်ပါ…။

နောက်ဆုံး ရလိုက်တဲ့ အသိကတော့… လောကကောင်းကျိုးအတွက်… စတေးခဲ့ရတဲ့ နှလုံးသားတွေကို မှတ်တမ်းတင်သင့်တယ်.. ဆိုတဲ့ အသိပါပဲ…။ ။

ယသော်ဓယာတမ်းချင်း

မေတ္တာသွန်းမြှား မယ်တော့အပါးနတ်ထံသွားအောင်
စွမ်းလွန်းအရှင်အများမြင်တယ်
တင်းတိမ်ကွယ် နှလုံးငယ်အရာဟောင်းကို
ရောင်မဲ့ ကိုယ်ပွားငယ်စူးနဲ့တွယ်လို့ အကျွန်ပဲသိတယ်….
ယှဉ်တွဲနှစ်ကိုယ် နန်းရိပ်ခိုလို့ ပျော်ခွင့် (၁၃)ရာသီက
ပုထုစဉ်နှမတွေးဝယ် တမတ်တာမျှမရှိဘူးရယ်..

ကြာချည်အလှပ် ကြည့်တချက်ရယ်နဲ့
ဆုံးသတ်တဲ့သံယောဇဉ်ကြောင့် အသည်းစိုင်ပြတ်ပြီပေါ့..
အဆိုးငယ်ငိုတေးနဲ့ ခြေဆွဲလို့တားမရအောင်
ခွန်းတုံ့မပြန် ငြိမ်သက်စံရင်း
ရာဟုကိုထွေးလို့ အိပ်ဟန်ဆောင်ခဲ့ရတယ်…

အနုငယ်ရှေးအစ ဆုထူးပန်ဘ၀ကတည်းက
ငါးခိုင်ကြာမျှဝေလို့ ပေးဆပ်မှုတွေနဲ့ချစ်ရသူပါမောင်..

သံယောဇဉ် အသင်္ချေ မမြင်နေစေတော့သခင်
ပစ္စုပ္ပန်မေတ္တာရဲ့ ငဲ့ကွက်တဲ့ နှုတ်ဆက်အနမ်းကို
ခံစားချင်စမ်းတယ်..

ခွန်းမသနိုင်တဲ့ ရိုင်းကြမ္မာငင် အံကြိတ်ရင်ခွင်
နှလုံးတခွင်မှာတော့ မျက်ရည်မိုးစွေမဆုံးတယ်..
တကြောသံသယာမျောဖော် ဆန္ဒလောက်သော်မျှအခွင့်မရသူ
ကန္တိကကိုကျောသပ်လို့ ပြောမထွက်တဲ့ဝမ်းနည်းမှုတွေနဲ့
အနော်မာဟိုဘက်ကမ်းမှာ နှလုံးကွဲကျန်ပါစေ
ရဲသွေးယို ခြေလှမ်းနဲ့ ဖ၀ါးထပ်ချပ်လိုက်ချင်တယ်…

တရိပ်ခို သယမ္ဘူလွတ်ကြောင်းကို
မခွာအတူရေစုံကမ်းလို့
ပန်းခြားအကြင်နာနဲ့ ပါရမီဝန်တော်ထမ်းလိုတယ်…
ဒွေးတော်အနမ်း အမောင်တမ်းသလို သွေးတော်ကိုဖြစ်ခံနိုင်ဘူး
ဆန္ဒတော်မျိုသိပ်လျက်နဲ့ တိတ်တိတ်လေး ကျန်ခဲ့ရတယ်..

ဖြည့်ဆည်းနေကျအသင်္ချေ အခွင့်သွေအဆုံးသတ်မှာ
လွမ်းရုပ်မဖော်ရဲတဲ့ လင်ပစ်တဲ့နန်းမတော်ရယ်ပါ..
ခွင့်မကြုံအပြုံးနဲ့ငိုလို့ လမ်းဆုံးမှာရပ်ကျန်ခဲ့ဘူး
မောင်တောပျော်သလို နန်းတော်ကမယွင်းတူတယ်…

ရွှေပြည်တော်မြန်း လှမ်းတဲ့အ၀င်ခရီးမှာ
မောင့်ရိပ်တိုင်းလို မေတကိုယ်သာလျှင်ဖြစ်ချင်တယ်…
မောင်… အနေကဇာဂါထာကျူးတော့
အပါးက သာဓုခေါ်ခွင့်မရတာ တစ်သက်တာမျှမချိဘူးမောင် ။

မုန်းကြည့်ပါသည်

ကိုဟန်သစ်ငြိမ် ဒီတစ်ခါရေးခိုင်းတာ တကယ်ခေါင်းစားသွားတယ်…။ လေးမ ကိုယ့်ကိုယ်ကို မုန်းတဲ့ အချက် သိပ်မရှိပါဘူး…။ ကိုယ့်ကိုယ်ကို အားမလိုအားမရဖြစ်ရတာတွေ အများကြီးရှိနေပေမယ့် မုန်းတယ်လို့  ပြောရမှာ ကိုယ့်ကိုယ်ကို အားနာတယ်…။ သိပ်တော် သိပ်ကောင်းနေလို့ တော့မဟုတ်ပါဘူး…။ ဟာ.. ဟ… လေးမ ကိုယ့်ကိုယ်ကို မုန်းတဲ့အချက် ၁၀ ချက်ပြည့်အောင် မနည်း စဉ်းစားရတယ်… သူများကို မုန်းတဲ့ အချက်တွေချည်းပဲ တန်းစီထွက်လာတယ်… သေရော.. ခက်ဘူးလား…။

လေးမရဲ့ မုန်းစရာ ၁၀ ချက်ကို ရှုစားကြပါရှင်..။ သူများတွေဘက်ကကြည့်ရင် လေးမမှာ မုန်းစရာအချက်တွေ ဒီထက်မက ရှိနေမှာပါ…။ လေးမကိုယ် လေးမ ပြန်ကြည့်တော့ ဒီလောက်ပဲ မြင်ပါတယ်…။

***** ၁။ အပျင်းထူခြင်း ( လေးမ ပျင်းလို့ ရရင် ရသလောက် ပျင်းပါတယ်ရှင်… တစ်နေ့ သေမှာပဲမို့  ရည်မှန်းချက်တွေလည်း သိပ်ကြီးကြီးမထားပါဘူး… အဲဒီ အကျင့် မုန်းစရာကောင်းပါတယ်… အကျင့်ဆိုးပါ.. )

***   ၂။ စကားမပြောလိုခြင်း ( ပြောဖို့ လိုတဲ့ အကြောင်းအရာကို သိုင်းသိုင်းဝိုင်းဝိုင်း ပြောတတ်ပေမယ့် … အလှူ..မွေးနေ့ .. ဧည့်ခံပွဲတွေမှာ လေးမ အမြဲ စိတ်အိုက်ရပါတယ်… အဲလိုနေရာတွေမှာ အာလပသလာပလို့ ခေါ်မလားမသိဘူး… အဲဒါတွေပြောပြီး ရယ်မော ခေါင်းငြိမ့်တဲ့ အရည်အချင်းမှာ အညံ့ဆုံးပါ..)

**    ၃။ ထမင်းမစားလိုခြင်း ( လေးမ မြန်မာမ ဖြစ်ပေမယ့် ထမင်းမကြိုက်ပါဘူးရှင်… ၀တ်ကျေတန်းကျေ ထမင်းစားနေတဲ့ ကိုယ့်ကိုယ်ကို အမြင်ကတ်ပါတယ်… မုန့်ပဲသရေစာ နှစ်ခြိုက်ပါတယ်.. )

**    ၄။ အစပ်မစားနိုင်ခြင်း ( အပူုအစပ်စားရင် အဆီကျတယ်.. ပိန်တယ်လို့  သိရပြီးကတည်းက အစပ်မစားနိုင်တဲ့ ကိုယ့်ကိုယ်ကို မုန်းမိတာပါပဲရှင် )

*****၅။ စိတ်ပျော့ခြင်း ( အရာတော်တော်များများကို ပြေပြေလည်လည်တွေး အရှုံးပေးတတ်တာ စိတ်ပျက်မိပါတယ်)

*      ၆။ ခါးခါးသီးသီး နာကျည်းတတ်ခြင်း ( လေးမ မုန်းမိတဲ့ သူတိုင်း နာမည်ပျက်သွားကြတာ… တိုက်တိုက်ဆိုင်ဆိုင် ၅ ယောက်လောက်ကြုံပြီးတဲ့အခါ ခါးခါးသီးသီး နာကျည်းတတ်တာ အကုသိုလ်တစ်ခု ပြုမိသလိုများဖြစ်နေသလားလို့  …။ အခုတော့ ဒီအကျင့်ကို ဖျောက်ပြီး မမုန်းမိအောင် .. ပြေလည်အောင်.. တွေးတတ်ဖို့  ကြိုးစားနေပါတယ်…)

***   ရ။ အားကစား ၀ါသနာမပါခြင်း ( ကိုယ်တိုင်လည်းမလုပ်… သူများလုပ်တာလည်း မကြည့်တော့… လေးမ… ကျန်းမာရေးနဲ့  မညီညွတ်ဘူး.. ဒီအကျင့်လည်း မုန်းစရာပဲ )

*      ၈။ ဆံပင်ညှပ်ဆိုင် မကြာခဏ သွားလိုခြင်း ( ဆံပင်ကိုတော့ အမျိုးမျိုးလုပ်ချင်နေတာပဲ… ညှပ်လိုက်.. ကောက်လိုက်…ဖြောင့်လိုက်… ဘာမှ မလုပ်ဖြစ်ရင် ဆံပင်ပေါင်းတင်တယ်… ဖယောင်းသွင်းတယ်… ဆံပင်ဆိုင်မရောက်တဲ့ လ … ဆိုတာမရှိဘူး… အဲဒီအကျင့်က ပက်ကျံ ကုန်သပေါ့ရှင်.. )

***   ၉။ အ၀တ်အစား မရွေးချယ်တတ်ခြင်း ( လေးမနဲ့  လိုက်ဖက်တဲ့ အ၀တ်အစား ဒီအသက်အရွယ်ရောက်နေတာတောင်… ဗိသုကာတစ်ယောက် ဖြစ်နေတာတောင်… မရွေးချယ်တတ်လို့  စိတ်ပျက်ရပါတယ်… ဘယ်သူဝယ်ပေး.. ရွေးပေးသလဲဆိုတော့… အမေ ၂ ယောက်နဲ့  ကိုကောင်းကင် ပါ…)

**** ၁၀။ တစ်ယောက်ထဲ နေလို ချိန် များခြင်း ( တစ်ယောက်ထဲ သက်မဲ့တစ်ခုခုနဲ့ ( ကွန်ပြူတာ.. စာအုပ်..) နေရတာ သိပ်ကြိုက်ပါတယ်… အဲဒီအတွက် သူက မငြိုငြင်ပေမယ့် ကိုယ့်ကိုယ်ကို ငြိုငြင်မိပါတယ်…)

ခင်မင်စွာနဲ့  လေးမကို ရေးခိုင်းတဲ့ ကိုဟန်သစ်ကို ကျေးဇူးတင်ပါတယ်…။ ဘာလို့ တင်သလဲဆိုတော့ သူများတွေ ရေးထားတာဖတ်ဖြစ်တိုင်း “ ငါဆိုရင် ဒီလို ရေးမိမှာ..” “ ငါရော ဘယ်လို စဉ်းစားမှာပါလ်ိမ့်..” “ ကျွန်မကတော့ ဒီလိုထင်တယ်.. ရှင်…” ဆိုတဲ့ အတွေးလေးက အမြဲကပ်ပါလာနေကျ ဖြစ်နေလို့ .. အဲဒီအတွေးတွေ ရေးချခွင့်ရအောင် ဖန်တီးပေးတဲ့ သူကို ကျေးဇူးတင်တာပါ…။ သူများတွေ ရေးနေတဲ့ ခေါင်းစဉ်တစ်ခုအောက်ကို ဘယ်သူမှ မဖိတ်ခေါ်ဘဲ ၀င်ရေးရမှာ ရှက်စရာကောင်းတဲ့အတွက် ဖိတ်ခေါ်တဲ့သူရှိတာ ဂုဏ်ယူပါတယ်…။

လေးမ ရေးတဲ့ စာကို ခင်မင်စွာ လာရောက် ဖတ်ရှုသွားကြသူများကို ကျေးဇူးတင်ပါသည်…။ ။

 

ဖြည့်စွက်ချက် ။ ။ * လေးတွေက comment မှာ လေးမနဲ့  တူတဲ့ အချက်တွေ ပြောပြသွားတဲ့ လူတွေကို ကိုယ်စားပြုတာပါ…။ အားရှိစရာကြီး လေးမ ရဲ့ မုန်းစရာကောင်းတဲ့ အရည်အချင်းတွေက လေးမ တစ်ယောက်ထဲမှာပဲ ရှိနေတာမဟုတ်ပါလား…ဟေး..ဟေး…။