၂၀၀၇ ပြက္ခဒိန် နှင့် Blog ကို ငဲ့ကြည့်ခြင်း …

၂၀၀၇ ပြက္ခဒိန်ကို ငဲ့ကြည့်ခြင်း …

မောင်လေး စာကလေး က လေးမနှင့်တကွ … လေးမထံလာလည်သော မိတ်ဆွေ အပေါင်းကို ဒီလို ရေးခိုင်းထားပါတယ်…။

ကိုရန်အောင် Tag တာကို ကြိုးစားပမ်းစားရေးပြီးသကာလ ဒီနှစ်အတွက် ငါ ဘာမှ ထပ်မရေးတော့ဘူးဆိုပြီး ပျော်ပျော်ကြီး အနားယူနေတဲ့ လေးမ … စာကလေးက ဆီပုံးနဲ့ ကွန့်မန့်မှာ အော်သွားတဲ့ အခါ မျက်လုံးရော …မျက်ဆံရောပြူးသွားရပါတယ်…။

မရေးလို့မဖြစ်ဘူး… အရင်တစ်ခါက ဒေါကီးထားတာ… ဒီတစ်ခါ ရူးချင်ယောင်ဆောင်နေရင် လေးမ ကွန်ပြူတာဗိုင်းရပ်စ်ကိုက်ရင် ပြင်မပေးဘဲ နေဦးမယ်…။ ရေးပါပြီ စာကလေးရယ်…။

တကယ့်တော့ လူတိုင်းရေးသင့်တဲ့ ပို့စ်လေးပါ ။ ကိုယ့်ဘ၀ရဲ့ ရက်စွဲဟောင်းတွေကို ပြန်ငဲ့ ကြည့်ကြရအောင်ပါ…။

လေးမအတွက် အရာရာတိုင်းဟာ ရိုးရှင်း စွာဖြတ်သန်းခဲ့တာ ဖြစ်တဲ့အတွက် ရက်စွဲတွေက ထူးခြားမှုတော့ သိပ်မရှိလှပါဘူး …။

ဇန်န၀ါရီလမှာ လေးမရဲ့ ချစ်လှစွာသော တူလေး မွေးဖွားပြီး လေးမတို့ အိမ်မှာ ၂ ပတ်ခန့်နေခဲ့သောကြောင့် လေးမ … ကလေး အနှီးများ လျှော်ခဲ့ရသည် … ။

ဧပြီလတွင် ခွင့်ရက်ရှည်ရသော်လည်း သင်္ကြန်ပွဲဆိုတာ ဘာမှန်းမသိစွာ ဖြတ်သန်းခဲ့ရသည်..။

မေလကုန်တွင် လေးမ ကမ္ဘာ ဟူသော Blog ကို တည်ဆောက်နိုင်ခဲ့ပြီး လေးမ၏ အပန်းဖြေမှုပုံစံ အကြီးအကျယ် ပြောင်းလဲခဲ့ပါသည် ။

ဇွန်လ မှာ …. ချစ်သူငယ်ချင်း မိ လုပ်ခိုင်း သောကြောင့် လုပ်ခဲ့ဖူးသော zorpia account ကို ကိုယ့်သဘောနဲ့ ကိုယ် ထာဝရဖျက်သိမ်းခဲ့ပြီး …ဖျက်သိမ်းခြင်းအထိမ်းအမှတ်အနေနဲ့  Blog တွင် သေခြင်း ဟူသော ပို့စ်တစ်ပုဒ်ရေးဖြစ်ခဲ့သည်….။ ထို့နောက် Blog သည်သာ လေးမရဲ့ တစ်ခုတည်းသော နားခိုရာ အဖြစ် သတ်မှတ်ခဲ့ပါသည် …။

စက်တင်ဘာလမှာ မိုးရွာနေသည် ဟူသောပို့စ်ဖြင့် Blog ကို ပစ်ထားခဲ့ရပါသည်…။

အောက်တိုဘာလမှာတော့ wordpress.com ကို ရွှေ့ပြောင်းခဲ့ပါသည် …။

နိုဝင်ဘာလမှာ လက်ရှိနေရပ်ကို ထပ်မံပြောင်းရွှေ့ခဲ့သောကြောင့် အပြောင်းအရွှေ့များသော လေးမ ဟု အမည်တွင်ခဲ့ပါသည် ….။ အလွန်စိတ်မြန်သော… အကျင့်ဆိုးကြောင့် မိတ်ဆွေများ ဟိုလိုက်ရ ဒီလိုက်ရဖြစ်သွားကြပါသည်…။

ဒီဇင်ဘာလတွင်တော့ Online မှ မိတ်ဆွေများကို Online တွင် အလွန်ခင်မင်ပြီး… Tag လျှင် မနေနိုင်သော လေးမသည် လက်ရှိ အချိန်အထိ post ရေးခြင်းဖြင့် နှစ်ဟောင်းကို နှတ်ဆက်ရန်ကြိုးစားနေပါသည်…။

၂၀၀ရ မှ ၂၀၀၈ သို့

ဟေ့ ဒီမှာ

၂၀၀၈ ဆိုတဲ့ ပြက္ခဒိန်ကြီးရေ

ငါ၁၂လနေခဲ့တဲ့ ဟောဒီနံရံကြီးပေါ်မှာ

မိန့်မိန့်ကြီးလာထိုင်လှည့်တော့ …။

ပြုံးပြုံးကြီးမကြည့်ပါနဲ့

မင်းလည်းင့ါလို

တစ်နေ့တော့ ဆင်းပေးရမှာပါ …

သိပ်မကြာတော့ပါဘူး

၁၂ လ တည်းပါ …။

ငါ့ကို ကျရှုံးသူလို

ငဲ့မကြည့်စမ်းပါနဲ့

တကယ်တော့ ငါ အနားရသွားတာ

မင်း မသိလို့ပါကွာ …။

မကြာခင်အချိန်ကစပြီး

မင်းကိုယ်ပေါ်မှာ

ဆော့ပင် အ၀ိုင်းကြီးတွေ ရေးခြစ်ခံရတော့မယ်…

အနီရောင်တွေ…အပြာရောင်တွေ … အစိမ်းရောင်တွေနဲ့

မင်းနဲ့ငါ ဘယ်သူပိုများသလဲ နောက်နှစ်ခါ ဒီအချိန်ကျရင

နှိုင်းကြည့်ဖို့ ငါစောင့်နေမယ်…။

ခုတော့ သွားပေဦးတော့

(နံရံပေါ်မှာ )

မိန့်မိန့်ကြီး မင်းမူပေဦးတော့

၂၀၀၈ရေ….။

လေးမဆီလာလည်တဲ့ မိတ်ဆွေများ အားလုံးကို စာကလေးက ရေးပေးစေချင်ပါသတဲ့ရှင်…။

အားလုံးပဲ

Next One…

Blog ကို ငဲ့ကြည့်ခြင်း …

အမရေ….
blog စလုပ်တုန်းကအမ blog ကိုအရင်ဆုံးလာလည်တဲ့သူ
၁၀ ယောက်ရယ်..
blog စရေးစဉ်ကတည်းကနေခုထိ ရေးသမျှကို comment အများဆုံး
ရေးတဲ့သူ ၁၀ ယောက်ရယ်ကို သိချင်ပါတယ်..
ပိုစ့် တစ်ပုဒ် အနေနဲ့ရေးပြပါ..
နှစ်ဟောင်းကအကြွေး ကိုနှစ်သစကိုယူမသွားကြေးနော်….

တော်တော် ဦးနှောက်စားစရာပဲ…။ ရက်စက်ပါပေ့ စာကလေးရယ်…။

အဟောင်းတွေ ကမန်းကတမ်းပြန်မွှေရတာဆိုတော့ လွဲချော်မှုများရှိခဲ့ရင် သူငယ်ချင်းတို့ နားလည်ပေးကြပါ …။

လေးမ ဘလော့ဂ်ကို ပထမဆုံး လာလည်တဲ့ ၁၀ ယောက်က…

၁။ ဂျယ်ရီနှင့် ဘော်ဒါများ

၂။ စာကလေး

၃။ ကိုအာကာ

၎။ Bad

၅။ Neo

၆။ ကိုရန်အောင်

၇။ ကိုနိင်

၈။ မိ

၉။ ကိုမျက်လုံး

၁၀။ ကိုချစ်သူ

မှတ်ချက်။ ။ ကံစမ်းမဲ ဖောက်ပေးရန် အစီအစဉ်မရှိပါ ။

လေးမ ဘလော့ဂ်မှာ comment အများဆုံးပေးခဲ့တဲ့သူတွေကတော့…. အတိအကျ ပြန်မစစ်နိုင်တော့ဘူး…. ရမ်းအုပ်လိုက်မယ်…။

( ပိုစ့် ၁၃၆ ပုဒ်မှာ ရေးထားတဲ့ ကွန့်မန့်ပေါင်း ၈၀၀ ကျော်ကို ပြန်မွှေရတာ မူးလို့ )

၁။ ဂျယ်ရီ

၂။ အေးချမ်းသူသိုးမလေးနှင်းနှင်း

၃။ သန့်ဇော်မင်း

၎။ မျှားပြာ

၅။ မနုစံ

၆။ မချစ်လေပြေ

၇။ မောင်မျိူး

၈။ စာကလေး

၉။ ခေးရော့စ်

၁၀။ မိုးချစ်သူ လို့ထင်ပါတယ်ရှင်…။

မှတ်ချက် ။ ။ လက်ဆောင်ပေးရန် စိတ်ကူး လုံးဝ..လုံးဝ မရှိပါ…။ ( တိတ်တိတ်လေး မုန့်ကျွေးမယ်နော်… ဘယ်သူ့မှ ပြောနဲ့နော် ) :P

အားလုံးပဲ … စလိုက်ကြစို့ …

အမှတ်တရ … ဒီ … ၃၁ …

ရင်ခုန်နှစ်သစ် …

၃၁ … ဒီဇင်ဘာ … အဝေးကဖုန်းမြည်သံရယ်…. တစ်နှစ်ကူးချိန် အိပ်မက်မက်တယ်…..

ဒီသီချင်းလေးက ဒီအခန်းထဲမှာ ပျံ့လွှင့်နေတာ ၁ လလောက်ရှိသွားပြီ …။

နိုဝင် ဘာလကတည်းကပေါ့..။

ခပ်တိုးတိုးလေး လိုက်ဆိုနေတဲ့ ၂၂ နှစ်အရွယ် ကောင်မလေးရဲ့ မျက်နှာကို သေချာကြည့်ရင် ပြုံးနေတာကို တွေ့ ရလိမ့်မည် ..။

ပြုံးတာမှ မျက်လုံးလေးတွေပါ ပြုံးနေကြတာ …။ အရည်လေးတွေတောင် တဖျတ်ဖျတ်လက်လို့…။

ဒီဇင်ဘာ ၃၁ ရောက်ရင် … အဖြေပေးပါနော် …တဲ့ …။

ဒီနေ့ ဒီဇင်ဘာ ၃၁ … အဖြေပေးရတော့မယ် … ။

ပေးစရာ အဖြေက အဆင်သင့် .. ဒါပေမယ့် ..ဘယ်လိုပုံစံမျိုးနဲ့ ပေးရမှန်းမသိ …

အဲဒီနေ့က သူငယ်ချင်းနဲ့ တနေရာကို လိုက်သွားမိတယ်…။

၃၁ ည …. မောဟိုက်နွမ်းလျစွာနဲ့ ဖုန်းမြည်သံလေးကို စောင့်စားနေခဲ့တယ်….။

နေ့လည်က ဖုန်းတစ်ခါပြောပြီးသား…

“ ကို ညနေအလုပ်ပေါ်လာလို့ မလာနိုင်တော့ဘူး .. ညကျမှ ဖုန်းဆက်လိုက်မယ်နော်”…တဲ့…။

တီ…တီ …

ဟယ်လို

တကယ့်ကို တောင်းပန်ပါတယ်ကွာ .. အရေးကြီးကိစ္စ ပေါ်လာလို့ပါ …

ရပါတယ်

စိတ်ဆိုးနေလား

ဟင့်အင်း…နားလည်ပါတယ်..

ဆောရီးပါကွာ

ဟုတ်…

ဒီနေ့ အဖြေပေးမယ်လို့ ပြောထားတယ်နော်… ပေးလေ…

အင်း …မပေးတော့ဘူး…

ဟာ…..စိတ်ကောက်သွားတာလား…..အဲလိုမလုပ်ပါနဲ့ … ဒီမှာ သူငယ်ချင်းတွေ စတိတ်ရှိုး ခေါ်တာတောင် မလိုက်ဘူး…

မကောက်ပါဘူး….စဉ်းစားဦးမယ် … နောက်နှစ်မှ ပေးမယ်…

တော်ပြီ…အိုကေ..ဒါပဲနော်…ဖုန်းချလိုက်တော့မယ်…

ဟာ…နေဦး…မရဘူး ….ပြန်ဆက်မှာ…

မဆက်နဲ့ … အားလုံးအိပ်ကုန်ပြီ … ဒီနေ့မပေးဘူးဆိုမပေးဘူးပဲ… ဒါပဲ….။

ဖုန်းချပြီး အိပ်ရာပေါ်ကို လဲချလိုက်တဲ့အခါ လူက တော်တော် နုန်းနေပြီ …။

အိပ်မက်တွေပြိုလဲ … ယဉ်ထားတဲ့ စိတ်ကူးတွေ ကျိုးပဲ့သွားစေတဲ့ တရားခံက ဘယ်သူလဲ လို့ မေးခွန်းထုတ်လိုက်တော့ ကိုယ်ကိုယ်တိုင် ဖြစ်နေပြန်တယ် …။

မနက်က သူငယ်ချင်းနဲ့ ဗေဒင်သွားမေးခဲ့တာကိုး…။

ဒီနှစ်ထဲမှာ အိမ်ထောင်ရေးစဉ်းစားရင် ကံဆိုးလိမ့်မယ် … မွေးနေ့ကျော်ပြီးမှ ကောင်းမယ်….။

အဖြေပေးဖို့တော့ရှိတယ်…ဆရာမ ..ရလား..။

မရဘူး ..နောက်နှစ်မှ ပေးလိုက်ပါ ….။

သေရော … ကောင်းရော ..။

လက်ထပ်မည့်သူကိုပဲ ချစ်သူအဖြစ်လက်ခံမယ်ဆိုတဲ့ မိန်းကလေး အတွက် ချစ်အဖြေဟာ လက်ထပ်ပါမယ်ဆိုတဲ့ အဖြေနဲ့ အတူတူပဲမို့ တစ်ဘ၀လုံးစာ ကံမဆိုးဖို့အတွက် ခဏတာ အချိန်လေးနဲ့ လဲလှယ်ရပေမပေါ့လေ…။

ဒီလိုနဲ့ .. ဒီလိုနဲ့ … ၂၀၀၂ ခုနှစ် ဒီဇင်ဘာ ၃၁ ရက်ညလေးမှာ အိပ်မက်ထဲမှာ ချစ်သူနဲ့ တွေ့ ဖို့အတွက် မိန်းကလေးတစ်ယောက်ဟာ အိပ်ဆေး တစ်ခြမ်းသောက်ပြီး အိပ်ပျော်သွားပါတော့တယ်။

အဲဒီကောင်မလေး ဘယ်သူလဲဆိုတော့ …. ပြောပြဘူး…. သတ်ချင်သတ်….။ ။

ကိုရန်အောင် က tag လို့ ဆော့ဖြစ်တဲ့ အမှတ်တရ ၃၁ ဆိုတဲ့ Tag Game မှာ လေးမက ပါဝင်ရေးသားစေချင် သူတွေကတော့ ကိုသန့် ၊ မောင်မျိုး ၊ ဂျယ်ရီမနုစံ ၊ သိုးမလေး နဲ့ သဇင်ဏီ တို့ဖြစ်ပါတယ်ရှင်..။

သူတို့လို ပျော်မိသည် …

* Source :ကိုပြူး နှင့် မပြုံး (ကာတွန်းဝိဇ္ဇာ အလင်္ကာကျော်စွာ ဦးဘဂျမ်း)

စစ်ကြီးပြီးဆုံး၍ … အဲ … ဟုတ်ပေါင်… အဲ..အဲဒါကြီး ပြီးဆုံး၍ … လေးမ တစ်ယောက် iblogger.org သို့ အရောက်တွင် …. လေးမ blog စလုပ်တုန်းက မိတ်ဆွေဟောင်း တော်တော်များများ လိုက်မလာနိုင်ခဲ့ပါ…။

ခုတော့ ဟောာဒီ..ဒီဇင်ဘာလမှာ မိတ်ဆွေဟောင်းတွေ အတော်များများ ပြန်လာလည် သွားကြပါတယ်…။

နောက်ဆုံးရောက်လာသူကား လေးမ၏ မိတ်ဆွေကြီး ဂုတ်တို အဲ .. ယောင်လို့ … ဂျယ်ရီ ပင်ဖြစ်ရာ …. ဘယ်အရပ်က ပေါ်လာသည်မသိ မနေ့က စာကြွေးတွေ တပုံကြီးဖတ် … comment တွေ တပျော်ကြီး ပေးသွားသဖြင့်လေးမမှာ ၀မ်းသာ၍ မဆုံးတော့…။ ။

လေးမ၏ အရည်မရ အဖတ်မရချောက်တီးချောက်ချက်စာမျိုးစုံကို …. ပုံမှန် (သို့) တခါတရံ လာရောက် ၀ါးမျို မှတ်ချက်ပေးသွားကြသော

…. မောင်မျိုး၊ ကိုစာကလေး ၊ ကိုသန့်ဇော်မင်း ၊ ကိုမျှားပြာ ၊ ကိုညိမ်းညို ၊ ကိုလွမ်းစေ ၊ ကိုဂျယ်ရီ ၊ ကိုဒီဝိုင်း ၊ ကိုအတာ ၊ ကိုဇီးကွက်၊ ကိုတော်ကီ ၊ ကိုမျက်လုံး ၊ ဘလင့် ၊ ကိုနိုင် ၊ ကိုသုပုန် ၊ကိုပီကေ ၊ ကိုဘုရင့်နောင်၊ ကိုပုဂံသား၊ ကိုကောင်းကင်ကို ၊ ကိုစိုးထက် ၊ ကိုဂျူလိုင်အိပ်မက် ၊ ကိုရန်အောင်၊ ကိုသင့်ကား၊ ကိုတက်စလာ ၊ ဂျေ ၊ မဂျစ်တူး၊၊ မနုစံ ၊ မမြရွက်ဝေ ၊ မချစ်လေပြေ ၊ သိုးမလေး၊ နှင်းဆီနီနီ ၊ ၀င်္ကပါ ၊ သဇင်ဏီ ၊ မသမုဒယ ၊ မအိမ့်ချမ်းမြေ့ ၊ ညို ၊ ခေးရော့စ် ၊ မအိသူ ၊ မိုးချစ်သူ ၊မမယ်လိုဒီမောင်၊ မတူးတူး ၊ မေပျို ၊သဉ္ဇာ ၊ မညလေး ၊ မပန်ဒိုရာ နှင့်

ဆီပုံးတွင် ဆီဖြည့်ပေးသွားကြသော သူငယ်ချင်းအပေါင်းနှင့် လေးမကို ခင်မင်ကြတဲ့ ဘော်ဘော် အပေါင်း တို့သည်

လေးမကို ပျော်ရွှင်ချမ်းမြေ့မှု ပေးစွမ်းကြသောကြောင့် လေးမ၏ အဖွဲ့သားများ အဖြစ် သတ်မှတ်ထားပါသည် ။

လေးမ၏ အဖွဲ့ သားများ အားလုံး

“နှစ်သစ်ကူး ရွှင်မြူးကြပါစေကြောင်း ၊ ဂေါ်မစွံ လူပျိုကြီးများလည်း ဂေါ်စွံကြပါစေကြောင်း ၊ show room ထဲမှ မမလှလှလေးများ၊ ညီမလေးများလည်း … စိတ်ချမ်းမြေ့ကြပါစေကြောင်း ”

ခင်မင်တတ်သော လေးမ မှ ဆုမွန်ကောင်း တောင်းလိုက်ပါတယ်ရှင် …။ ။

စိတ်..စွပ်.. ( ၃)

တစ်ခုသော ညမှာ … တစ်ရေးနိုးလာတဲ့ Nasreddin သည် … သူ့ခြံထဲမှာ အိမ်ဘက်ကို ရွေ့လာနေတယ်လို့ထင်ရတဲ့ ဖြူဖြူအရာတစ်ခုကို … မြင်လိုက်ပါတယ်…။

အဲဒါ သူခိုးပဲ ဖြစ်ရမယ် လို့ … တွေးလိုက်မိတဲ့ Nasreddin က ထိုအရာကို သေနတ်နဲ့ ပစ်လိုက်ပါတယ်…။

မှောင်ကြီး မဲကြီးထဲမှာ အိမ်ပြင်ထွက်ရမှာ သိပ်ကြောက်တဲ့ Nasreddin ဟာ အိပ်ရာထဲ ပြန်ဝင် အိပ်နေလိုက်ပါတယ်…။

နောက်တစ်နေ့မနက် ခြံထဲကို ဆင်းတဲ့အခါ အ၀တ်တန်းမှာ သူ့အကျီင်္ဖြူ တစ်ထည် လှမ်းထားတာကို တွေ့လိုက်ရပါတယ်…။ အရင်ရက်က သူ့ဇနီးက လျှော်ပြီးလှမ်းထားတာပါ..။ အခုတော့ အဲဒီ အကျီင်္င်္ရဲ့ အလယ်တည့်တည့်မှာ ကျည်ဆန်ဖောက်သွားတဲ့ အပေါက်တစ်ပေါက် ရှိနေပါတယ်..။ “ ဘုရား..ဘုရား.. မနေ့ညက … ငါ … ကံကောင်းလို့ပါလား..။ မနေ့ညကသာ ဒီအကျီင်္

ဝတ်ခဲ့မိရင် ငါ့ကိုယ်ငါ ပစ်မိတော့မှာ ….။”

န်ခံချက် ။ ။ အမည်နှင့် ရေးသူမသိသော Intermediate story တစ်ပုဒ်ကို လေးမ နားလည်သလို ဘာသာပြန်သည်…။

တစ်ခါတစ်လေမှာ သူ့လို တွေးမိကြဖူးလား…။ လေးမတော့ … တစ်ခါတစ်လေတောင် မဟုတ်ဘူး … မကြာခဏပဲ သူ့လို တွေးပြီး အူကြောင်ကြောင် ဖြစ်နေတတ်တယ်…။ ကိုယ်ကိုယ်တိုင်သာ ပြုလုပ်သူ … ကိုယ်ကိုယ်တိုင်သာ အကျိုးကိုဖြစ်စေတဲ့ အကြောင်းရင်း …. ကိုယ်ကိုယ်တိုင်သာ တရားခံ …. ဆိုတာကို မကြာခဏ မေ့လျော့ သွားတတ်တယ်…။

မခင်နှင်းဆီရဲ့ ထိုကောင်လေး…

Photobucket

လွမ်းရိပ်ဝေသော နွေဦးညများမှာ…

ကောင်လေးရေ … ပူအိုက်တဲ့နွေညတွေမှာ လေညင်းခံရင်း ခင်နှင်းဆီနဲ့ …. ခင်နှင်းဆီရဲ့ အတိတ်ကို လွမ်းသတဲ့လား….။

ခင်နှင်းဆီကတော့ ကောင်လေးကို နှင်းတွေဝေလည်း သတိရတယ် … သစ်ရွက်ကြွေလည်း အမှတ်ရတယ်… မိုးစက်တွေကြားထဲမှာလည်း သတိတရ ရှိနေပါတယ်… ။

ဒီလိုပြောလို့ ကောင်လေးကို လွမ်းနေတာ … တမ်းတနေတာလို့တော့ မထင်နဲ့နော်…။ ကောင်လေးနဲ့ ခင်နှင်းဆီရဲ့ အတိတ်ရက်စွဲလေးတွေကို မေ့မရနိုင်သေးတာပါ … ။

ကျောင်းနေတုန်းက မြသည်းညှာ…

ခင်နှင်းဆီဟာ တစ်ချိန်က ကောင်လေးရဲ့ အသည်းနှလုံး ဖြစ်ခဲ့ရတယ်ဆိုတာ ရိပ်စားမိယုံကလွဲလို့ တရားဝင် သိခွင့်မရခဲ့တဲ့ မိန်းမတစ်ယောက်ပါကွယ်…။

ဣနြေ္ဒဆင်မှ ယဉ်ရတဲ့ မိန်းမသားဘ၀မှာ ခင်နှင်းဆီရဲ့ အသည်းနှလုံးကို ကောင်လေးကို ပေးအပ်ဖို့ ၀န်မလေးခဲ့ဘူးဆိုတာ ဖွင့်ပြဖို့လဲ အခွင့်မသာ…ခဲ့ဘူး…။

ရေလာဖို့ မြောင်းဖောက်ပေးတဲ့ အတတ်ပညာကိုလည်း စာသင်ခန်းက သင်မပေးလိုက်ဘူးလေ…။

သူနဲ့လည်း ကျောင်းနေစဉ် သူစုထားတဲ့ မုန့်ဖိုးလေးနဲ့ ၀ယ်ကျွေးတဲ့ အရသာကို မမေ့ပြီ…

ကောင်လေးက ခင်နှင်းဆီ ၀ယ်ကျွေးခဲ့တဲ့ မြီးရှည်အရသာလေးကို မမေ့ဘူးဆိုရင် အဲဒီဆိုင်မှာ သွားစားလို့ ရပါတယ်ကွယ်…။

ကောင်လေးနဲ့ အတူစားခဲ့ရတဲ့ အရသာကို မမေ့နိုင်တဲ့ ခင်နှင်းဆီက ဘယ်လိုကုစားရမလဲ ပြောခဲ့ပါဦးလေ…။

ခေတ်စားဆုံးသီချင်းနဲ့ အလှဆုံးမိန်းကလေးပြပါဆိုရင်…

ကျောင်းတုန်းက ခေတ်အစားဆုံးသီချင်းက မခင်နှင်းဆီ …။ အလှဆုံးမိန်းကလေးက မခင်နှင်းဆီ …..။

ဒါပေမယ့် ခင်နှင်းဆီ စေ့စပ်တဲ့ညက အိမ်ရှေ့မှာ မူးမူးနဲ့ ကောင်လေး လာအော်သွားတဲ့ သီချင်းက “ သားလေးမွေးရင် ကိုယ့်နာမည်ကိုပေးလိုက်ပါ ”..

အဲဒီနေ့က အရှက်အရဆုံး မိန်းကလေးက ခင်နှင်းဆီ …။

တဖက်သတ်တိတ်တခိုးလေးနဲ့ ကြိတ်ပိုးဆွေးတဲ့ ကျွန်တော်ရယ်…

ခင်နှင်းဆီကို ကျွန်တော်ချစ်တယ်ဗျာ” ဆိုတဲ့ ပစ္စည်းသက်သေလူသက်သေ ဘာဆိုဘာမှ လက်ဆုပ်လက်ကိုင်မပြနိုင်ခဲ့တဲ့ ခင်နှင်းဆီ … မိဘစီမံရာနာခံခဲ့တဲ့အခါ တစ်ကျောင်းလုံးက မေးငေါ့ကြတယ် …။ ကြိတ်ဆွေးနေတဲ့ ကောင်လေးကို အသနားပိုကြတယ်…။

ကောင်လေးနဲ့ ခင်နှင်းဆီအကြောင်းကို ရာဇ၀င်တစ်ခုလို … ဇာတ်လမ်းဆင်ကြပြန်တယ်…။

အဲဒီဇာတ်လမ်းထဲမှာ အချစ်စာမျက်နှာကို ရေးချခွင့်မရခဲ့တဲ့ ခင်နှင်းဆီရဲ့ မျက်ရည်တွေ အကြောင်းတော့ မပါခဲ့ဘူး …။

အော်……ဟိုအစ်ကိုကြီး……ရဲ့ … မခင်နှင်းဆီ…

ခုချိန်မှတော့ ………. ထိုကောင်လေးက မဆွတ်ခဲ့လို့ မညွတ်ခဲ့ရတဲ့ …. ဟိုအစ်ကိုကြီးရဲ့ … မခင်နှင်းဆီ…ကို လွမ်းမနေပါနဲ့တော့ကွယ်…။

ပန်းကလေးလို လှနေတာပဲ ကြည့်နေချင်သည်

ပန်းလေးလို ညှိုးမှာကိုလည်း စိုးရိမ်မိသည်

မခင်နှင်းဆီ…မခင်နှင်းဆီ

လှစမ်းပါ ပန်းလောက်စောင့်ကြည့်နေမည်

နောင်တော့သာအလိုမကျရင်…….………..

…..

…။ ။

မှတ်ချက်။ ။ မခင်နှင်းဆီ သီချင်း နားထောင်ရန် Real Player လိုပါသည် ။

Online ပေါ်က ညီမလေး…

ဟဲ့..ပေါက်ပေါက်…ဘာတွေလုပ်…

ချက်နေတာ..ချက်နေတာ…မမရဲ့…

ဘယ်သူနဲ့တုန်း

သူငယ်ချင်းနဲ့…

အမယ်…ကြည့်စမ်း… ဟိုတစ်ယောက်က ဘာရေးထားတာတုန်း…

Q လို့ရပြီနော်..အားတယ်…တဲ့..။

FAQ ဆိုရင်တော့ Frequently Asked Questions လေ..။ အဲတော့ question မေးလို့ရပြီ..အားတယ်လို့ပြောတာလား…သူက ဂုရုကြီးလား…။

ဟား…ဟား..ဟား…အဖွားကြီး… ဒါကြောင့် မမကို ခေတ်မမီဘူးလို့ပြောတာ … ကျူလေ..ကျူ..ကျူတာ..သိပြီလား… ။ ကျူတာကို ရှင်းပြရဦးမှာလား … အီတာ…အီတယ်ဆိုတာက အီကြာကွေး…

ငါသိပါတယ်ဟဲ့ … သူက ကျူကို Q နဲ့ရေးထားလို့ နည်းနည်းကြောင်သွားတာပါ…။ အောင်မယ်..အကောင်စုတ်က ကြီးကျယ်လို့ … သူ့ကိုများ ကျူရဦးမတဲ့ … မပြောနဲ့..သူ့ကို…။ ရှင်းထုတ်လိုက်…။

ပေါက်ပေါက်…နင်အွန်လိုင်းမှာ ရည်းစားထားဖို့တော့ မကြံစည်နေပါဘူးနော်…။

ဒါတော့ ဘယ်ပြောနိုင်မလဲ မမရဲ့…။ တချို့ကိစ္စတွေက ကြံစည်မထားလဲ ဖြစ်သွားနိုင်တာပဲလေ…။

အန်

ဒီမယ်…မမ…။ ခေတ်ကပြောင်းသွားပြီ… အချိန်ကရှားသွားပြီ… မမတို့ခေတ်တုန်းကလို ကျောင်းသွားကျောင်းပြန် စက်ဘီးလေးနဲ့ နောက်က တကောက်ကောက်လိုက်ဖို့ အခွင့်အရေးမရှိဘူး…။

ဟုတ်တယ်

မနက် ၆ နာရီ ဖယ်ရီမှီအောင်ပြေးတက်လာတဲ့ စုတ်တိစုတ်ဖွားမိန်းကလေးကို ဖယ်ရီပေါ်ကကျောင်းသားချင်းက စိတ်မ၀င်စားဘူး …။

ဒါပေါ့

ကြပ်ညပ်နေတဲ့ ဖယ်ရီပေါ်မှာ အိပ်ငိုက်နေတဲ့ ကျောင်းသူကျောင်းသားတွေအတွက် တက္ကသိုလ်ကျောင်းက ငွေလမင်း ဆိုတာရှားသွားပြီ…။ အဓိပတိလမ်းက စောင့်ပြီး ကံ့ကော်ပွင့်တွေ ဆက်သတဲ့ ခေတ်လည်းမဟုတ်တော့ဘူး…။ ကြိုက်တဲ့ပုံ ကို free e-card လေး ပို့ပြီး ချစ်ခွင့်ပန်တဲ့ခေတ် … ။ အချိန်ကုန်သက်သာတယ်လေ …။

အင်း .. ဒါလဲဟုတ်တာပဲ

အပြင်မှာဆိုရင် သူငယ်ချင်းတွေ နဲ့ အာရိုက်ဖို့ နေရာ ဆိုတာ လိုတယ်…။ ဦးချစ်ဆိုင်မှာ ထိုင်ရင် …Boat club မှာ ထိုင်ရင် … ကန်တင်းမှာ ထိုင်ရင် ပိုက်ပိုက်ကုန်တယ်….။ ကိုယ်သဘောကျနေတဲ့သူနဲ့ စကားပြောချင်ရင် …တွေ့ ချင်ရင် ဘော်ဒါတွေကို အကြံအဖန်လုပ်ခိုင်းရ..မုန့်ကျွေးရနဲ့ ..ရှုပ်တယ်… ပိုက်ပိုက်ကုန်တယ်….။ အွန်လိုင်းမှာက data တွေရှာရင်း software တွေ download လုပ်ရင်း အချိန်ကို အအားမထားဘဲ စကားတွေ အများကြီး ပြောလို့ရတယ် …။ ဒီခေတ်မှာ ဘာလုပ်လုပ် အမြတ်ထွက်အောင်လုပ်နိုင်မှ လူတော်..။

ဟုတ်သလိုလိုတော့ရှိသား

နောက်တစ်ချက်က ဂျီတော့သုံးတိုင်း မဟုတ်တာလုပ်တာမဟုတ်ဘူး…။ နိုင်ငံရပ်ခြားမှာ မိတ်ဆွေတွေရတယ်… အသိပညာတွေ ..အတွေ့ အကြုံတွေ ဖလှယ်လို့ရတယ်….။ ဖုန်းနဲ့ ခေါ်တာထက် အများကြီး သက်သာတယ်…။ တချိန်တည်း …တပြိုင်တည်း မိတ်ဆွေ သုံးလေးယောက်နဲ့ စကားပြောလို့ရတယ်…။

ဒါတော့ ထောက်ခံတယ်ဟေ့

ဖူးစာပါလို့ဆုံသွားတော့ရောဘာဖြစ်လဲ … အလိမ်မခံရရင်ပြီးတာပဲ … ။ အွန်လိုင်းမှာတွေ့ …ဖူးစာဆုံပြီး… ပျော်ပျော်ရွှင်ရွှင် ပေါင်းဖက်သွားတဲ့ စုံတွဲတွေ အများကြီးပဲ….။

အလိမ်ခံရပြီး ဒုက္ခရောက်တဲ့ ဇာတ်လမ်းတွေလည်းရှိတယ်လေ…

ဒါကတော့ အသိတရားနဲ့ ကိုယ့်ကိုယ်ကို ထိန်းရမှာပေါ့ …။ ဆင်ခြင်တုံတရားမရှိတဲ့သူကတော့ အွန်လိုင်းမသုံးလည်း အလိမ်ခံရမှာပဲ….။

အေး..ဟုတ်တယ်

ဟား..ဟား…ဒါနဲ့ မမဘာလာလုပ်တာလဲ…ကိစ္စရှိလို့လား….

အင်းးးးး……ငါဘာလာလုပ်တာပါလိမ့်…မေ့တောင်မေ့သွားပြီ….။ အော်…နင့်အမေလေ…နင့်ကို စိတ်ပူလို့ အွန်လိုင်းမှာ ရည်းစားထားမှာစိုးလို့…. ငါ့ကို ညီအစ်မချင်း သတိပေးသင့်တာ သတိပေးပါဦးဆိုလို့ ဆရာလာလုပ်တာလေ….။

အော်…ဂလိုလား…ပြောလေ..မမ…ဘာပြောမှာလဲ….

အင်း….ဘာပြောမှာလဲဆိုတော့ အင်း…….. online ပြဲဖစ်ဖြစ် ….offline ပဲဖြစ်ဖြစ် အသိတရား ထိန်းသိမ်းနိုင်စွမ်း ဆင်ခြင်တုံတရားတွေ ရှိပါစေဆိုတာပဲမှာတော့မယ်…. ။ အော်…. ဒါနဲ့ ပေါက်ပေါက် …မမကို သုံးသပ်ပြသလိုမျိုး နင့်အစ်ကို ကို သွားမပြောနဲ့နော် …။ ငါ့ကိုပိုးကြေးပန်းကြေးနဲ့ ကဒ်တွေ..အရုပ်တွေ..မုန့်တွေ ၀ယ်ပေးခဲ့ရတာ ပြန်တွေးပြီး နှမြောနေမှာ စိုးလို့ …။ ။

မှတ်ချက် ။ ။ မြှောက်ပေးခြင်း ၊ ကဲ့ရဲ့ခြင်း စိုးစဉ်းမျှမရှိ….မည်သည့် အသွင်မျှမဆောင်ပါ…။

ခရေပန်းပြောသော ခရေပန်းအတွေး

ပန်းခရေ

နွမ်းကြွေမှာ

ကျွန်တော် စိုးတာကြောင့်

မခူးရက်

ဖူးလျက်သာနေပါ ခရေ….

ပင်ထက်မှာ ဝေ

ပန်းခရေ

မကြွေနိုင်ရော့လား….

ခြွေလို့ ကြွေကြွေ…

ဝေလို့နေနေ

ပန်းဆိုတာ

နွမ်းကြွေမှာ

သဘာဝပါပဲ….

မယ့်သခင်

ဆွတ်လို့သာ ညွတ်ရရင်ဖြင့်

မယ့်အရှင်

ခြွေလို့သာ ကြွေရရင်ဖြင့်

အပြစ်မဆိုပါ

နှစ်လိုစွာ ဂုဏ်တင့်တယ်လေး

ခရေ့ အတွေး…။ ။

နောက်ဆက်တွဲ။ ။ တချို့မိန်းမတွေက သနပ်ခါးပန်းနဲ့တူသလို တချို့ တွေကျတော့ ခရေပန်းလိုတွေးကြပြန်ရော…။

မှတ်ချက် ။ ။ ခရေကိုခူးလို့မရ..အပင်လှုပ်ပြီးခါချရ..မြေပေါ်ရောက်မှ ကောက်ယူရပါတယ်…။